by magnolia_eic | Aug 6, 2011 | Announcements, Headlines, Local News / Bohol Balita, National News
TAGBILARAN CITY, Aug. 5 (PIA)–Gi-ban na sa Food and Drug Administration (FDA) ang 23 pa ka cosmetic ug skin whitening products sa merkado human napamatud-an nga aduna kini excessive levels sa mercury, usa ka toxic substance nga makadaot sa vital organs sa lawas.
Ang mga produkto mao ang:
BIB Night Cream Whitening Cream – 922;
Pretty Model Whitening and Freckle Removing (Day Cream and Night Cream-Set);
Pretty Girl 10 Day Special Cream;
Pretty Girl Green Cucumber and Ginseng Cream;
Liliki Whitening Day Cream – 911;
Liliki Whitening Night Cream – 912; New Miss Beauty Magic Cream; Jiaoli
Rejuvenation Essence 10 Days Speckle Removing; Jaio Liang 7 Days Eliminating Freckle AB
Set; Jiao Liang 10 Days Eliminating Fredkle AB Set; Beauty Girl 6 Days Specific Eliminating
Fredkle Whitening Cream Egg White and Tomato 3in1 and Beautiful Dream Whitening Anti-
Speckle and Anti-Acne Kit.
Apil usab ang Miss Beauty Magic Cream;
Miss Beauty Excellent Therapy Whitening Cream;
Dagette and Ramsdell Underarm Lightening Cream;
Lanmeirou 12 Days Whiten and Speckle Removing Suit;
Berglotus Spot Removing Series;
Yoko Gentlemen Cream for Men;
Jonathan Clearing Facial Spots 12 Day Cream;
The Flower Woman 7-day Whitening and Spot and Night Set Cream;
Sara Glutathione Sheep Placenta Whitening and Anti-Spot Cream;
Aichun Beauty Green Tea Whitening Speckle Removing Series Cream ug ang
Aichun Beauty Whitening Freckle Day and Night Cream.
Kadaghanan niining mga produkto gikan sa Taiwan ug Hong Kong samtang ang pipila niini gikan usab sa China, Thailand ug United States.
Niadtong Enero, ang FDA ni ban na sa 27 ka imported products tungod usab sa taas nga
mercury levels. (PIA-Bohol/ecb)
by magnolia_eic | Aug 6, 2011 | Headlines, Local News / Bohol Balita
TAGBILARAN CITY, Aug. 5 (PIA)–Gipaimbestigar na ni Justice Secretary Leila de Lima kang Bureau of Immigration (BI) Commissioner Ricardo David ang wala pag-agi ni kanhi First Gentleman Mike Arroyo sa Immigration sa dihang milakaw kini paingon sa Hong Kong niadtong Domingo, Hulyo 31. Matud pa ni De Lima, nakadawat siya og report nga adunay nilihok sa mga dokumento ni Arroyo.
Base sa flight manifest, migawas sa nasud si Arroyo sakay sa Cathay Pacific.
Gibutang na sa Immigration watchlist ang kanhi First Gentleman nga nipahibalo usab nga mopaule siya sa Lunes human sa iyang medical check-up apan giingong mag-depende sa iyang mga doktor kun motambong siya sa imbestigasyon sa Senado.
Ipatambong sa Senate Blue Ribbon Committee si Arroyo sa imbestigasyon niini sa pagpalit sa duha ka segunda-manong helikopter sa Philippine National Police (PNP) sa presyong brand new. (PIA-Bohol/ecb)
by magnolia_eic | Aug 3, 2011 | Headlines, Local News / Bohol Balita
TAGBILARAN CITY, Aug. 2 (PIA)–GIPASALIG ni President Benigno S. Aquino III nga ang kagamhanan mopasaka gayud og kaso batok sa mga personalidad nga nalambigit sa giingong pagpanikas sa piniliay sa tuig 2004. Sa usa ka ambush interview human sa Multi Stakeholders Forum ganinang buntag didto sa Dagohoy Grand Hall sa Bohol Tropics Resort, miingon ang Presidente nga gibuhat na sa gobyerno ang tanang mahimo niini aron mapagawas ang kamatuoran base sa mga lig-on nga ebidensiya sa maong isyo.
Gitataw sa Presidente nga gikinahanglan ang lig-on nga ebidensiya ug dili angay magsalig sa mga pahayag sa pipila ka personalidad nga nangangkon’g dunay kasayuran kalabot niini. Dugang pa sa Presidente nga ang mga impormasyong nakuha gikan sa nagkalain-laing
testigo, subject for evaluation pa.
Sa pagkakaron, ilang gitotokan ang four tracks of investigation nga posibleng magdala sa mas lalom pa nga pagsabot sa maong isyo.
Duha ka buhatan sa gobyerno, ang Department of Justice ug ang Commission on Elections (Comelec) ang mag-uban sa pag-imbestigar sa mga alegasyong pagpanikas sa piniliay sa tuig 2004 ug 2007. (PIA-Bohol/ecb)
by magnolia_eic | Aug 3, 2011 | Headlines, Local News / Bohol Balita, Opinion
TAGBILARAN CITY, Aug. 2 (PIA)–ANDAM si Presidente Benigno Simeon Aquino III nga motabang alang sa gitinguha nga kaugmaran sa lalawigan sa Bohol isip bugti sa gihatag nga landslide nga kadaugan sa mga Bol-anon kaniya sa milabay nga piniliay. Gipadangat sa mga Bol-anon sa Presidente ang mga nag-unang isyo sama sa dugay nang gipangandoy nga katukoran sa bag-ong tugpahanan sa lungsod sa Panglao, ang
water waste disposal ug ingon man usab ang solid waste ug uban sa mga proyekto sa imprastraktura sama sa kadalanan.
Ang katukoran sa bag-ong tugpahanan sa Panglao ang kanunay nga giduso nilang Gov. Edgar Chatto ug Kongresista Rene Relamapagos sa unang distrito nga mahatagan kini og suporta sa pamunoan ni Aquino taliwala sa nagka-problema nga naghuot nang tugpahanan sa Tagbilaran City Airport. Sa gihimong project briefing sa gilaraw nga New Bohol Airport, ang Presidente nagkanayon nga ang maong P8.4 bilyon airport sa lungsod sa Panglao maoy nag-unang agenda sa unang pagduaw niya dinhi sa lalawigan sukad Hunyo sa miaging tuig.
Gipanglantawan sa kagamhanan nga ang gilaraw nga bag-ong tugpahanan makahatag og mas maayong serbisyo sa nagkadaghang bisita sa lalawigan.
Gawas sa pag-accommodate sa gagmay nga aircrafts sama sa Airbus 319 ug Airbus 320, ang 2.5 kilometer runway maka-accommodate usab ug mas dagkong abyon sama sa Airbus 330. Gikonsidera usab ang mga foreign regional flights sa paghuman sa maong tugpahanan. Adunay kinatibuk-ang 2,291,802 ektarya nga luna ang nakuha na nga naglangkob sa upat ka barangay sa lungsod sa Panglao diin tukoran ang maong tugpahanan. Aduna pay gitinguhang isabot-sabot nga dugang 57.31 ektarya alang sa bag-ong pasilidad. (PIA-Bohol/ecb).
by magnolia_eic | Aug 3, 2011 | Headlines, Local News / Bohol Balita, National News
TAGBILARAN CITY, Aug. 2 (PIA)–PORMAL nang nanumpa sa katungdanan si Gobernador Edgar M. Chatto atubangan ni Presidente Benigno Simeon Aquino III isip bag-ong Chairman sa Regional Peace and Order Council 7 (RPOC-7). Mao kini ang labing unang pagduaw sa lalawigan sa Bohol sa Presidente human kini midaug sa pagkapangulo sa nasud sa milabay nga piniliay.
Ang pagpanumpa sa katungdanan ni Gov. Chatto gihimo ganinang buntag didto sa Bohol Tropics Resort atubangan sa mga pundok sa mga magbabalod sa probinsiya, mga mayores, ug mga nagkalain-laing hugpong sa mga Bol-anon. Human sa gihimo nga paghurar sa pangatungdanan sa mosunod nga RPOC-7 Chair, gihimo dayon ni outgoing RPOC-7 Chairman Gov. Gwendolyn Garcia, ang gobernador sa Sugbo, ang pagtugyan sa katungdanan ngadto ni Chatto.
Gilauman sa mga sakop sa RPOC-7 nga ang pagduma ni Gov. Chatto makatampo og daku alang sa gipangandoy nga kalinaw sa rehiyon syete uban sa mga lalawigan sa Bohol, Cebu, Negros Oriental ug Siquijor. (PIA-Bohol/ecb)
