by magnolia_eic | Jul 21, 2011 | Announcements, Headlines, National News
TAGBILARAN CITY, Bohol, July 21 (PIA)–Gilagdaan na ni Presidente Benigno Aquino III ang balaod nga mapadali ang pagpagawas sa retirement benefits sa mga empleyado sa gobyerno.
Matud pa ni Executive Secretary Paquito Ochoa Jr., gilagdaan ni Presidente Aquino ang Republic Act 10154 nga nagmando sa tanang ahensya sa kagamhanan sa daling pagpagawas sa mga retirement benefits sa mga magretirong empleyado sulod lamang sa 30 ka adlaw o usa ka bulan human sa ilang pagretiro.
Ubos sa maong balaod, pahamtangan og silot ang ahensiya sa gobyerno nga mapakyas sa paghatag sa retirement benefits sulod sa usa ka bulan sa magretirong empleyado.
(Translated into Bol-anon by ElviraBongosia/PIA-Bohol)
by magnolia_eic | Jul 21, 2011 | Headlines, National News
TAGBILARAN CITY, Bohol, July 21 (PIA)–Gikumpirma ni Commission on Elections (Comelec) Chairman Sixto Brillantes nga naa na sa Kampo Crame ang tulo ka testigo nga giingong mosuporta sa gibutyag ni kanhi Maguindanao Election Supervisor Lintang Bedol kalabot sa giingong pagpanikas sa piniliay niadtong tuig 2004 ug 2007. Matud pa ni Brillantes, kauban niini ang ilang abogado sa Comelec aron mokuha pa og dugang pahayag sa tulo ka testigo.
Gitataw usab ni Brillantes nga wala sa Philippine National Police (PNP) Custodial Center ang tulo apan naa sa usa ka buhatan sa Kampo Crame.Giseguro usab ni Brillantes ang seguridad sa tulo tungod kay mga empleyado pa gihapon sila sa Comelec. Nauna nang giila ang tulo ka testigo nga sila Saliao Amba, acting Election Officer sa Shariff Saydona sa Mustapha, Maguindanao; Magsaysay Mohamad, Chairman sa Municipal Board of Canvassers sa Sultan Barongis, Maguindanao; ug Salonga Edzela, computer voter’s list technician sa Maguindanao Provincial
Election Office. (Translated into Bol-anon by Elvira Bongosia/PIA-Bohol)
by magnolia_eic | Jul 21, 2011 | Headlines, National News
TAGBILARAN CITY, Bohol, July 21 (PIA)–Bukas ang Malakanyang sa posibleng pagpakita ni kanhi Commission on Elections (Comelec) Commissioner Virgilio Garcillano. Matud pa sa tigpamaba sa Presidente nga si Edwin Lacierda, angay nga paminawon usab ang mga ibutyag
ni Garcillano sa giingong pagpanikas sa piniliay niadtong tuig 2004 ug 2007.
Kahinumduman’g si Garcillano ang gitawag nga “Hello Garci” nga giingong gikahinabi ni kanhi Presidente ug karon Pampanga Congresswoman Gloria Macapagal-Arroyo niadtong tuig 2004 nga piniliay. Kalabot niini, gitataw sa Malakanyang nga wala’y nahitabong binayranay sa pagtahan ni kanhi Maguindanao Election Supervisor Lintang Bedol sukwahi sa alegasyong nibayad ang gobyerno og P30 milyon bugti sa pagtahan sa iyang kaugalingon sa kanhi election official.
Sigun pa kang Lacierda, dili batasan sa administrasyong Aquino ang mobayad bugti sa mga impormasyon ug dili usab scripted ang sunod-sunod nga paglugwa sa mga testigo sa giingong pagpanikas sa piniliay.
(Translated into Bol-anon by Elvira Bongosia/PIA-Bohol)
by magnolia_eic | Jul 18, 2011 | Announcements, Business, Headlines
The National Real Estate Association, Inc. (NREA) – Cebu Chapter in cooperation with Central Cebu Board of Realtors, Inc. (CCBR) will conduct its Continuing Professional Education (CPE) for Real Estate Brokers and Real Estate Salesmen on July 23 and 24, 2011. This is in compliance with Section 20 of Republic Act No. 9646 also referred to as the RESA. This was announced by A. Jun Gultiano, Jr., REALTOR® (IRM), President of NREA-Cebu Chapter.
This CPE is in coordination with the Professional Regulatory Board of Real Estate Service (PRBRES).
The activity will be the final CPE seminar before the deadline on July 30, 2011 as embodied under R.A. 9646 for the registration of former DTI licensed real estate service practitioners with the Professional Regulation Commission (PRC). The said activity will be held at the Sacred Heart Center, D. Jakosalem St., Cebu City. All Brokers and Salesmen are urged to take this opportunity to attend said seminar to comply with the PRC requirement. Real Estate Brokers who fails to register with the PRC after the deadline will need to take another broker’s examination.
For details, please contact NREA Secretariat Richel B. Jumawan at 254-5780, 4125676 or 0919-6500753; 0922-7880851.
by magnolia_eic | Jul 18, 2011 | Headlines, National News
TAGBILARAN CITY, Bohol, July 18 (PIA)–Malipayon’g gidawat ni Foreign Affairs Secretary Albert del Rosario ang gisang-at nga House Resolution No. 352 nga nanawagan alang sa “peaceful and collaborative resolution of maritime territorial disputes in the South China
Sea and its environs and other maritime areas adjacent to the East Asian mainland” sa ubang miyembro sa United States House of Representatives.
Sa taho sa Philippine Embassy sa Washington D.C., si Representative Ileana Ros-Lehtinen, Chair sa United States House Committee on Foreign Affairs, ang nisang-at sa House Resolution ug co-sponsors niini silang Representative Don Manzullo, Chairman sa House Subcommitttee on Asia and the Pacific, ug Representative Eni Faleomavaega, Ranking Member sa House Subcommittee on Asia and the Pacific.
Adunay 27 ka magbabalaod nga nag-co-sponsor sa resolusyon nga gilangkoban sa 18 ka Republicans ug 9 ka Democrats. Suportado sa House Resolution ang posisyon sa Pilipinas sa malinawon, multilateral ug rule-based settlement sa kasungi-an sa Spratly Islands base sa international law ug gikondena ang paggamit og puwersa aron maresolba ang problema.
Sa maong resolusyon, pipila ka probisyon ang nahimong gibasihan, apil na ang giingon niadtong Hunyo 23, 2011 ni Secretary of State Hillary Rodham Clinton sa nibisitang si Foreign Secretary Del Rosario nga determinado kini ug committed aron suportahan ang pagdepensa sa Pilipinas.
Gitumbok usab sa resolusyon ang giingon ni Secretary Del Rosario nga ang Pilipinas usa lamang ka gamay nga nasud apan andam mohimo sa bisan unsang angay buhaton aron mapanalipdan ang teritoryo niini. Nakabutang usab sa probisyon ang pahayag sa US nga andam kining tabangan ang Pilipinas aron imo-dernisa ang militar.
Nauna niini, gi-aprubahan sa US Senate ang resolusyong gisang-at ni Senator Jim Webb nga nisupak sa paggamit og puwersa sa China sa South China Sea ug nanawagan og malinawon, multilateral resolution sa maritime territorial disputes sa Southeast Asia. (PIABohol/ecb)
