by Misael | Jun 3, 2008 | Headlines
PA-IMBESTIGAHAN sa Malacanang ang gikataho nga dinagko nga pagpanipig sa bugas nga National Food Authority sa Mindanao nga miresulta sa artificial nga pagkuwang sa supply ug sa pagsulbong sa presyo sa bugas sa kinatibuk-ang rehiyon.
Ang mandu sa imbestigasyon giluwatan gilayon ni Presidente Gloria Macapagal-Arroyo ngadto sa National Bureau of Investigation (NBI) kinsa gitahasan nga makig-alayon sa NFA sa pag-patin-aw sa una na nga mga taho, padayag ni Deputy Presidential Spokesperson Lorelei Fajardo.
Kini dungan na usab sa iyang bahad nga bisan si kinsa ang masakpan, o dudahan sa pagtipig patawan sa bug-at nga silot.
Ang lakang, matud ni Fajardo mao lamang ang pagmatuod sa saad sa kagamhanan nga panalipdan ang interes sa labing baga nga katawhan.
Sa taho sa mga opisyales sa NFA sa Mindanao, ang pagnihit sa tinubdan sa humay dala sa illegal nga pagtipig niini sa mga negosyante kinsa naglantaw nga makapaak sa ganansya sa higayon nga ila na nga buhian ang bugas sa merkado.
Segun sa mga taho gikan sa Mindanao, ang retail sa humay sa mga kamerkadohan misulbong gikan sa sa tag P25 ang kilo ngadto na sa P45-P51 ang kilo. (rachiu/PIA)
by Misael | Jun 3, 2008 | Headlines
SA bag-ong ebidensya nga mitumaw kalabot sa pagpusil patay ni kanhi Bayan Secretary General sa Bohol VictorOlayvar, mahimo nga ipasakag usab ang sumbong ginamit ang bag-ong kasayuran.
Kini ang bag-ong pamahayag ni kanhi Police Provincial Director Arturo Evangelista, kinsa nagpasaka sa sumbong sa iyang panahon isip kinatas-an sa kapolisan sa Bohol.
Matud ni Evangelista, nagdumili kaniadto ang asawa sa namatay nga mohimo ug pamahayag bisan gipatawag sa imbestigasyon, apan mipagawas kini ug pamahayag dihang gihimo ang Congressional Hearing on the extra-judicial killings dinhi sa Bohol sa milabay’ng semana.
Kahinumduman nga si Olayvar, usa ka inilang bokal nga aktibista, gipusil patay didto sa Cantubod Danao niadtong Septembre 2006. Nakasaksi sa pagpusil patay si Joy Ayag maoy nagmaneho sa gisakyang motorsiklo.
Si Elena Olayvar, kinsa asawa sa namatay mibutyag ang iyang bana nakig bayloay sa text sa suspitsado nga una na nga gitaral apan napamatud-ang walay sala sa kakuwang sa ebidensya.
Gawas niini, gipaabot pa usab sa mga Bol-anon nga kahatagan na ug katin-awan ang uban pang mga gipasangil nga extrajudicial killings nga nagpanghitabo dinhi.
Kini usab samtang ang Department of Justice (DOJ) namahayag ang Task Force 211 padayong naghusay sa mga giingong extra-judicial ug political killings sa nasud, lakip na ang Bohol.
Matud ni DOJ Undersecretary Ricardo Blancaflor, 34 na ka kaso sa extra-judicial killings ang nasolbad samtang padayon pang gi-monitor ang laing 200 ka sumbong nga kaso.
Patin-aw niya nga ang kalampusan sa Task Force tungod kay nakig-alayon kini sa kagamhanan ug sa katilingban sa pagpalutaw sa mga ebidensya ug kining paagi naka-ani ug tabang sa katawhan. (rachiu/PIA)
by Misael | Jun 2, 2008 | Features
USA ka Bol-anong lider sa mga kabatan-onan maoy mo-padayag sa duha ka dagkong sugyot sa mga kabatan-onang Pilipino ngadto sa Association of South East Asian nations Senior Officials Meeting on Youth (SOMY) sa Changmai ug Bangkok sa Thailand.
Si National Youth Commissioner sa Visayas Benjie Oliva kinsa mao usab ang representante sa nasud makigtigum sa mga opisyales sa ASEAN lakip na ang China, Japan ug Korea sugod karon, Hunyo 1-6, 2008.
Itanyag ni Comm. Oliva ang laraw nga ipatuman ang ASEAN Ten Accomplished Youth Organizations (ASEAN-TAYO) ug ang ASEAN Youth Summit.
Kini nga duha ka programa sa kabatan-onan, una na nga gipatuman sa Pilipinas ug naka-ani ug pagdayeg sa kadaghanan.
Dungan niini, maghatag usab si Oliva sa mga katikaran sa nasabutan sa mga ASEAN youth officials human sa nahitabo nga bansaybansay sa pag-ugmad sa batakan alang sa Coaching ug Mentoring sa mga out of school youth kabahin sa pagpamuhunan.
Kini nga kasabutan naaprobahan niadtong katapusang APEC-HRD nga tigum dinhi sa Bohol Beach Club, Panglao, Bohol niadtong March 2008.
Ang ASEAN Senior Official Meeting on Youth (SOMY) matud ni Oliva, gimugna isip maoy higher level nga pundok nga magtuki sa kaparehas nga mga sulirang sosyal sa mga kabatan-onan sa mga sakop nga nasud.
Dugang niya, ang SOMY sakop na sa ASEAN institutional framework nga magtaho sa mga pangulo sa ASEAN pinaagi sa ASEAN Ministerial Meeting. (rachiu/PIA)
by Misael | Jun 2, 2008 | National News
SA padayong kanihit sa bugas humay, ang pagpatanum ug mais aron ikahulip sa panginahanglan sa pagkaon ug dugang kita sa mga mag-uuma maoy gitutukan sa Department of Agriculture (DA) karon.
Kini samtang namatikdan nga duna nay maayo nga marketability sa mais, kong itandi sa kamatis ug patatas nga kanhi maoy gipatanum.
Mokabat na sa P11.50 ngadto sa P12 ang matag kilo sa mais, kompara sa P7 ang kilo nga palit kaniadto.
Sa pagpalapad sa programa alang sa yellow corn, misanggi ang nasud sa dugang 2 milyones ka metriko toneladas nga mais sa milabay nga unang 3 ka buwan.
Kini butyag ni Agriculture Undersecretary for Field Operations Dennis Araullo, kinsa mao usay coordinator sa National Corn Program (NCP).
Dugang niya, napalapad ngadto sa 5.36% ang maisan sa nasud ug kadaghanan niini gitamnan sa hybrid nga yellow corn.
Sa padayong pagpalapad sa programa, laing P325 M ang gikinanhanglan sa NCP alang sa 75 mil hektaryas nga yuta nga tikaron alang sa maisan.
Kon magsubra ang produksyon, ang mais karon mao na unyay ibaligya sa gawas alang sa bio-fuel. Nahibaloan nga ang usa ka tonelada nga mais maghatag ug 380 ka litros nga bioethanol
Hinuon, miangkon ang DA nga suliran pa gihapon ang pagpangita sa linsok alang sa puti nga mais nga maoy gigaling aron ihulip sa humay isip staple sa mga taga Visayas ug Mindanao. (rachiu/PIA)
by Misael | May 29, 2008 | National News
Student leaders from state colleges and universities all over the country greeted with jubilation President Gloria Macapagal-Arroyo’s order to defer tuition fee increases this school year.
The student leaders and their colleagues, trooped to Malacanang to convey their gratitude to the President for thwarting a new round of tuition fee hikes.
In a manifesto submitted to the Palace, the student leaders said the President’s action demonstrated the high priority and support the government is giving to education and the youth sector.
The student leaders said reports of tuition fee increases had aroused serious concern among students who feared that they could not continue their studies if school charges were raised anew.
They said the President’s directive came as a great relief, especially to poor students and their parents who are having a hard time coping with the high cost of oil and food.
In a command conference with education officials, the President directed the Commission on Higher Education (CHED) to defer any tuition increases for SUCs for school year 2008-2009 to help parents and students cope with the rise in oil and food prices worldwide. (PIA/Bohol)
