MANILA, April 01, 2014 (PIA)–Gipalig-on na sa mga miyembro sa ahensiya sa gobyerno ang bag-ong sumbanan sa Inter-Agency Anti-Graft Coordinating Council (IAAGCC).
Pangunahan niini ang imbestigasyon ug prosekusyon sa graft cases, ilabi na kadtong adunay kalabotan sa maanomalyang transaksyon sa gobyerno, fraud cases nga mokabat sa P50 milyon ug mga kasong gilambigitan sa mga taas nga opisyal sa gobyerno o bureau director pataas.
Apil sa mga nitambong sa paglagda sa kasabotan kagahapon silang Ombudsman Conchita Carpio Morales, Civil Service Commission (CSC) Chairperson Francisco Duque, Commission on Audit (COA) Chairperson Grace Pulido-Tan, Budget Secretary Butch Abad, Executive Sec. Pacquito Ochoa, National Bureau of Investigation (NBI) Director Virgilio Mendez ug Justice Assistant Sec. Geronimo Sy.
Nakadetalye sa maong bag-ong sumbanan ang mga kaakohan ug pondong igahin sa matag ahensya.
Kahinomduman nga niadtong Setyembre 2013, gi-reactive ang IAAGCC human niboto ang isyu kalabot sa Priority Development Assistance Fund (PDAF). (PIA7-Bohol/ECB)
