GIBUNGKAG ni Presidente Gloria Macapagal-Arroyo ang bahan nga una nang nakigsabot sa kalinaw tali sa mga Muslim nga sakop sa Moro Islamic Liberation Front (MILF) aron hingusgan ang bag-ong palisiya sa kagamhanan.
Sagopon na sa kagamhanan ang tulo ka mga paagi: pag-dis-arma, pagbungkag sa katakus nga mga rebelde sa paglihok ug sa pagpahiuli nila sa mga komunidad.
Kini subay sa mandu sa Presidente human sa mga napalpak nga panagsabot sa kalinaw sa Mindanao.
Subay sa bag-ong palisiya, ang hisgutay sa kalinaw adto na itutok sa mga komunidad ug mga satakeholders aron dungang umolon uban sa kagamhanan ang bag-ong mapa nga agi-an sa proseso sa kalinaw, matud ni Executive Secretary Eduardo Ermita.
Kini samtang usab giparepaso sa presidente kang Peace Adviser Hermogenes Esperon ang mga nahaunang palisiya sa proseso sa kalinaw sa Mindanao.
Ang resulta niini usa usab sa mga basehan sa bag-ong palisiya nga subayon sa kagamhanan. (rachiu/PIA)