Giseguro kagahapon ni Senador Edgardo Angara, chairman sa committee on education, arts, and culture nga maaprubahan ra usab sa Senado ang balaodnon nga nagtinguha nga idili ang ‘no permit, no exam’ policy sa mga tunghaan.
Ang maong balaodnon napalabang na sa House of Representatives ug gipaabot na lamang nga mapalabang sa Senado ug tukion kini sa plenaryo.
Giingong mahinungdanon nga aduna nay balaod nga magdili sa mga tunghaan nga dili motugot nga pakuhaon og eksaminasyon ang mga estudyante kun wala makabayad og tuition fee og dili hatagan og permit.
Sigun pa ni Angara, dili angay bawalan ang mga estudyante nga makakuha og exams tungod kay mahimo man mohatag og promisory note ang mga estudyante.
Halos tanang mga unibersidad ug kolehiyo sa nasud ang dili mohatag og examination sa mga estudyante kun wala kini nakabayad og tuition sa saktong oras.