TAGBILARAN CITY, Bohol, Sept. 3 (PIA)–Gilagdaan na ni Presidente Benigno ‘Noynoy’ Aquino III ang balaodnon nga manalipud sa katungod sa mga tinun-an batok sa posibleng pang-abuso sa mga Higher Educational Institutions (HEIs) kalabot sa katungod sa mga estudyante sa pagpili sa gusto nilang review centers.
Gilagdaan sa Presidente niadtong Agosto 23 ang Republic Act No. 10609 o gitawag nga “Protection of Students’ Right to Enroll in Review Centers Act of 2013”.
Samtang ang nasud mi-ila sa complementary roles sa mga public ug private institutions sa pagpalambo ug pagpalig-on sa educational system, miingon si President Aquino nga “the state has the responsibility to ensure the protection of students against possible abuses by HEIs in relation to the right of students to choose their review centers”.
Kining bag-ong balaod nag-apil sa tanang public ug private HEIs, apil na usab ang mga local colleges ug universities, tanyag nga mga kurso nga nag-require og professional licensure examinations.
Ubos niining bag-ong balaod, ang HEIs dili kapugos sa mga tinun-an nga mi-enroll sa mga kurso nga nag-require og professional examinations nga mokuha og review classes nga dili sakop sa curriculum, sa review center nga pinili sa HEI’s.
Gidid-an usab niining balod ang HEIs nga mohimo og review classes nga prerequisite alang sa pagtapos o completion sa kurso.
Gi-bawalan usab ang sa mga HEIs sa pagpugos sa mga estudyante sa pag-enroll sa review center nga pinili sa tunghaan ug mobayad sa ubang mga bayronon nga nag-apil sa transportation ug board and lodging.
Gidid-an usab ang mga HEIs sa pagpugong sa paghatag sa transcript of scholastic records, diploma, certification ug uban pang mahinungdanong dokumento sa mga tinun-an.
Bisan kinsang opisyal o empleyado sa HEI apil na ang mga deans, coordinators, advisers, professors ug uban pang hingtungdang indibidwal nga mapamatud-ang molapas niining balaod adunay silot nga prison correcional o pagkabilanggo gikan unom ka buwan hangtud unom ka tuig ug may piyansang P750,000.00.
Gitahasan ni Presidente Aquino ang Commission on Higher Education (CHED) nga mopagawas og implementing rules and regulations niining bag-ong balaod sulod sa 30 ka adlaw human sa pagpatuman niining balaod. (PIA-Bohol/ecb)
