MANILA, Feb. 23 (PIA)–Gipahinumdoman sa Bureau of Internal Revenue (BIR) ang mga kandidato nga midagan sa nagkalain-laing posisyon sa nagkaduol na nga piniliay nga ang mga sobrang gastos sa kampanya pahamtangan nila og buhis.
Matud pa ni BIR Commissioner Kim Henares, ang maong kamanduan nahisulod sa Revenue Regulation 7-2011.
Naa sa kamanduan nga ang mga sobrang donasyon o campaign donation nga wala nagamit sa piniliay i-konsiderar nga income sa usa ka kandidato nga angay pahamtangan og buhis.
Ang maong pasidaan gihimo sa BIR aron mahatagan og igong panahon ang mga kandidato nga tarungon ang ilang mga gastohon sa eleksyon aron malikayan ang bisan unsang aberya. (ecb/PIA7-Bohol)
