HUMAN sa pagkadelatar sa teknikal nga mga suliran, nalagdaan ra tali sa Comelec og Smartmatic ang P7.2-B nga kontrata sa poll automation.
Si Commission on Elections Commisssioner Jose Milo ang nanguna sa paglagda sa 25 ka pahina nga kontrata nga magpatinuod sa damgong tinud-anay nga automation sa piliay sa 2010.
Kini bisan pa sa usa ka hangyo sa usa ka bahan sa mga abogado sa University of the Philippines alang sa temporary restraining order gikan sa Korte Suprema aron dili ikapadayon ang proyekto.
Dugang ni Commissioner Melo, andam ang Comelec nga motubag sa sumbong kon patubagon sa Korte Suprema batok sa Concerned Citizen’s movement.
Pasabot usab ni Comm. Melo nga tungod kay may oras man nga giaapas ang Comelec ug Smartmatic-TIM group, ilang gipadayon ang paglagda-ay.
Usa ka makina nga gitawag ug precinct count optical scan (PCOS) ang gamiton sa matag presinto sa tibuok nasud ang mugnaon sa Smartmatic hangtudf sa Nobyembre ning tuig. (PIA)