MANILA, Dec. 23 (PIA)–Nipagawas ang Bangko Sentral ng Pilipinas (BSP) og tulo ka limited edition commemorative coins kagahapon.
Tulo ka makasaysayanong pag-ila ang sentro sa disenyo sa mga sinsilyo: Una, ang P5-Bagong Bayani commemorative coin isip pag-ila sa mga overseas Filipino workers (OFWs); Ikaduha, ang P10 alang sa ika-150 nga adlaw’ng natawhan sa bayaning si Apolinario Mabini ug ang P5-circulating coin isip pagtimaan sa Leyte Landing niadtong World War II.
Dili kini ang unang higayon nga nipagawas og commemorative coins ang BSP.
Niadtong tuig 2011, sa dihang nag-isyu alang sa 150 nga adlaw’ng natawhan sa pambansang bayaning si Dr. Jose Rizal ug niadtong 2013 alang sa ika-150 nga adlaw’ng natawhan ni Andres Bonifacio.
Gitakda pang magpagawas ang BSP og 50-peso ug 500-peso commemorative coins alang usab sa pagbisita ni Pope Francis sa nasud sa Enero 2015. (ecb/PIA7-Bohol)