TAGBILARAN CITY, April 07 (PIA)–Ipahigayon sa Biyernes, Abril 8 ang candidates forum sa lalawigan sa Bohol nga gitawag og “Your Voice, My Choice.”
Pagatambongan kini sa mga kandidato sa pagka-gobernador ug kongresista alang sa piniliay sa Mayo 9 diin ilang ipahibalo sa mga Bol-anon ang ilang mga plano ug panahom sa mga nag-unang hisgotanan.
Ang maong candidates’ forum gipasiugdahan sa Bohol Chamber of Commerce and Industry, Inc. (BCCI) ug didto kini ipahigayon sa Bohol Wisdom School gymnasium.
Sa alas 9 sa buntag, madungog ang 6 ka kandidato sa pagka-kongresista samtang 1:30 sa pales usab e-presentar ang mga kandidato sa pagka-gobernador.
Ang maong gubernatorial ug congressional candidates forum, magpahibalo sa katawhan sa baruganan sa mga kandidato sa mga hisgotanan kalabot sa agrikultura, turismo, teknolohiya, overseas Filipino workers ug apil na ang mga importanteng isyu kalabot sa infrastructure development, peace and order ug ang kalabot sa kalikopan.
Gitataw ni Engr. Al Uy, presidente sa BLCI nga usa kini ka forum ug dili debate.
Si Peter Dejaresco ang moderator sa gubernatorial candidates’ forum samtang si Mayet Gasatan ang mag-moderate sa congressional forum.
Mapaminaw kini sa kahanginan pinaagi sa lokal nga estsyon sa radyo nga dyRD-AM. (ecb/PIA7-Bohol)