by ace | Oct 5, 2011 | Announcements, National News
TAGBILARAN CITY, Oct. 04–Manghatag og ayuda ang Pag-IBIG, Government Service Insurance System (GSIS) ug Social Security System (SSS) sa ilang mga miyembro nga grabeng naapektuhan sa milabay nga duha ka bagyo. Kinatibuk-ang 80 porsiyento sa kontribusyon ang mahimong i-calamity loan sa matag miyembro nga pagabayaran sulod sa duha ka tuig. Gawas sa calamity loan, mahimo usab makakuha og multi-purpose loan diin 80 porsiyento usab sa kontribusyon ang mahimong mahulam.
Modawat usab ang GSIS og aplikasyon alang sa emergency ug calamity loan nga P20,000 matag miyembro nga adunay 6 percent nga interes sulod sa tulo ka tuig ug mahimo usab mag policy ug salary loan ang matag miyembro sa GSIS. Walay calamity loan ang SSS, apan mahimong mag-salary loan nga mokabat ngadto sa P24,000. Kun ang usa ka miyembro nagub-an og balay, nagtanyag usab ang ahensiya og house repair o improvement loan nga mokabat ngadto sa P300,000. (PIA-Bohol/ecb)
by ace | Oct 3, 2011 | Announcements, National News, Weather Coverage
TAGBILARAN CITY, Oct. 03–Mokusog pa ug gipaabot nga mahimong tropical depression na ugma, adlaw nga Martes, ug hinganlan’g Bagyong Ramon ang nasigpatang Low Pressure Area (LPA) sa Visayas. Matud pa ni Department of Science an Technology (DOST) Undersecretary ug PAGASA Officer-in-Charge Graciano Yumul, nasulod ang LPA sa Inter Tropical Convergence Zone (ITCZ) nga naka-apekto sa Southern Luzon, Visayas ug Mindanao. Giingon nga kun walay pagbag-o sa lihok niini, posibleng maigo ni Ramon ang Batanes sa Biyernes o Sabado sa dili pa kini mosulod sa West Philippine Sea. Daku ang posibilidad nga maghatag ang Bagyong Ramon og mga pag-ulan sa Northern Luzon apil na ang Cagayan ug Isabela tungod sa dakong dayametro sa mga bagyong mosulod sa nasud sama nila Pedring ug Quiel. Tungod niini, nipasidaan ang Pagasa sa mga residenteng anaa sa kasadpang bahin sa Luzon ug Visayas batok sa storm surge o kusog nga paghapak sa balod sa mga kabaybayonan nga dala sa hanging habagat. (PIA-Bohol/ecb)
by magnolia_eic | Sep 29, 2011 | Announcements, Headlines, National News, Weather Coverage
TAGBILARAN CITY, Sept. 28– Wala pa gani nakabangon ang Luzon sa bangis sa bagyong Pedring, gipa-andam na sa mga otoridad ang mga residente sa pagsulod sa nasud sa bag-ong bagyo.
Base sa forecast sa United States’ Joint Typhoon Warning Center (JTWC), giingong gipaabot nga mosulod sa Philippine area of responsbility ang usa ka “potentially strong tropical depression” ugma.
Sa pagkakaron, naa pa kini dapit sa Pacific Ocean nga adunay code name nga “Tropical Depression 22W”.
Giingong aduna kini kusog nga hangin nga moabot sa 46 kilometers per hour (kph) ug katapusang nasigpatan sa gilay-ong 1,296 kilometers sa habagatang-sidlakan sa Kadena Air Base, Japan.
Gitahak niini ang amihanang kasadpan nga direksyon sa kusog nga 6 kph.
Sa nahiunang pahayag sa Department of Science and Technology (DoST)-Pagasa, kun padayong mosulod sa nasud kining maong tropical depression, tawagon kining bagyong Quiel. (PIA-Bohol/ ecb)
by magnolia_eic | Sep 16, 2011 | Announcements, Headlines, National News
TAGBILARAN CITY, Sept. 15 (PIA)– GI-ANUNSIYO gahapon sa Palasyo ang appointments nilang kanhi Muntinlupa Rep. Ruffy Biazon isip bag-ong Bureau of Customs (BOC) chief ug retired Gen. Danny Lim isip deputy commissioner for intelligence niini.
Pormal nang nanumpa karong buntag atubangan ni Presidente Benigno “Noynoy” Aquino III si Lim isip depcom for intel samtang ugma, adlaw’ng Biyernes gitakdang manumpa si Biazon.
Kahinumdoman nga gipahayag mismo ni Presidente Aquino nga si Biazon ang ihulip ni outgoing Commisioner Angelito Alvarez nga mokanaug sa pwesto sa dili pa ang Setyembre 16.
Wala nakontento ang Presidente sa anti-smuggling drive ni Alvarez sa BOC mao nga gihulipan siya niini. Kahinumdoman’g gitangtang si Alvarez tungod sa pagkawala sa may 2,000 ka container vans sulod mismo sa Customs.
Si Biazon ug Lim parehong midagan isip senador ubos sa Liberal Party ni Presidente Aquino niadtong Mayo 2010 nga piliay apan parehong wala midaug.
Misaad si Biazon nga magtabangay sila ni Lim nga masugpo ang smuggling sa BOC sa tabang na usab sa mga katawhan ug tibuok puwersa sa mga kawani sa Customs. (PIA-Bohol/ecb)
by magnolia_eic | Sep 16, 2011 | Announcements, Headlines, National News
TAGBILARAN CITY, Sept. 15 (PIA)– GIINGONG wala nay makapugong pa sa militanteng grupo sa mga drivers ug operators alang sa ipahigayon nilang transport strike sa sunod semana.
Human ibasura ang apela sa gobyerno, gitakda na sa Pinagkaisang Samahan ng mga Tsuper at Operators Nationwide (PISTON) ang transport holiday sa Setyembre 19 adlaw nga Lunes sa Metro Manila apil na ang mga duol nga lalawigan.
Matud pa kang Piston secretary general George San Mateo, ang ipahigayon nilang paglihok isip protesta sa gihimong overpricing sa mga dagkung kompaniya sa lana.
Hayagan usab nga gipadayag ni San Mateo nga dismayado sila sa nahimong dialogue gahapon tali ni Presidente Benigno “Noynoy” Aquino III.
Gawas sa isyu sa overpricing, apil pa sa mga isyu sa grupo ang hangyong pagbasura sa oil deregulation law ug 12 percent expanded value added tax sa mga petroleum products. (PIA- Bohol/ecb)
by magnolia_eic | Aug 23, 2011 | Announcements, Headlines, National News
PRESIDENT Benigno Aquino on Monday ordered Philippine Department of Foreign Affairs officials to help repatriate Filipinos in Libya, where the situation remains “unstable” despite signs of an impending end of hostilities.
“The President has given the instructions to validate the situation and to see what else can be done to help the Filipinos who want to be repatriated,” Deputy Presidential spokesperson Abigail Valte said at a press briefing in Malacañang.
“The President has asked for continuous updates on the situation in Libya,” Valte said.
Acting DFA Secretary Antonio Rodriguez said he has received an advisory from the Philippine embassy in Libya that the situation there “might stabilize” in the next 24 hours.
According to Rodriguez, Foreign Affairs undersecretary Rafael Seguis who is in Libya reported that gunshots have stopped in Tripoli “except for celebratory gunfire.”
There is no movement of troops so far, Rodriguez reported. (End)
