by admin | Oct 3, 2016 | Headlines, Health and Medicine, National News
MANILA, October 3 (PIA)–Nabalaka na usab ang Department of Education (DepEd) sa pagdaghan sa mga nataptan sa sakit nga Zika virus sa nasod.
Tungod niini, gitahasan ni DepEd Kalihim Leonor Briones ang tanang school official sa tibuok nasod nga motabang sa Department of Health (DOH) sa information campaign kun unsaon makalikay sa sakit nga zika virus nga gikan sa pinaakan sa lamok.
Nagpagawas na og memorandum si Briones nga nagmando sa tanang school superintendents, principals ug mga magtutudlo sa paghimo og mga lakang ug itudlo sa mga tinun-an kun unsaon paglikay sa maong sakit.
Matud pa ni Briones, mahinungdanon ang pagbaton og kaalam sa mga tinun-an kun unsaon paglikay sa sakit nga Dengue ug Zika virus ug kun unsaon pagtabang niining magpabilin ang kahinlo sa palibot.
Ang sakit nga zika dala sa zika virus (miyembro sa pamilyang Flavivirus), usa ka virus nga dala sa usa ka babayeng lamok nga Aedes aegypti. Kini usab ang matang sa lamok nga nagdala sa sakit nga dengue fever.
Kasagarang sintomas niini mao ang mura og trangkaso. May sintomas usab kini nga murag gi-dengue apan negatibo sa dengue test.
Makasinati og hilanat, pantal-pantal o rashes, pagsakit sa kalutahan, ug pagpamula sa mata nga murag sore eyes. Kining mga sintomas kasagarang molanat sa pipila ka adlaw hangtud usa ka semana gikan sa pagkapaak sa lamok. Susihon kini pinaagi sa dugo, ihi o laway kun positibo sa zika virus. (ecb/PIA7-Bohol)
by admin | Oct 3, 2016 | Headlines, Local News / Bohol Balita
TAGBILARAN CITY, October 3 (PIA)–Human sa pipila ka tuig nga nahimong runner-up sa mga niaging national search, nakab-ot ra gayud sa Pamilya Garay gikan sa Bohol ang kadaogan sa Central Visayas region human sila napiling Huwarang Pantawid Pamilya 2016.
Si Department of Social Welfare and Development (DSWD) Kalihim Judy Taguiwalo mismo ang nitunol sa plaque of recognition ug ganting salapi nga nagkantidad og P30,000.00 ngadto sa Pamilya Garay isip national winner sa Huwarang Pantawid Pamilya 2016.
Ang top 5 finalists nga napili gikan sa 18 ka Regional winners mao ang: Pamilya Bulso gikan sa Dipaculao, Aurora; Pamilya Castillo sa Lemery, Batangas; Pamilya Masamoc sa Aroroy, Masbate; Pamilya Tacda sa Nueva Valencia, Guimaras; ug Pamilya Garay sa Jagna, Bohol.
Ang national awarding gipahigayon sa syudad sa Quezon niadtong Oktubre 1 nga gitunong sa culmination sa Family Week celebration nga gisaulog matag katapusan nga semana sa Setyembre.
Si Vicente ug Marissa Garay, gikan sa Can-upao, lungsod sa Jagna ning lalawigan adunay pito ka anak.
Si Ivy ang ilang kamagulangan, gipaabot nga matapos sa electrical engineering karong bulana. Sunod niya si Rose Marie nga naa na karon sa 3rd year college nga nikuha sa kursong Bachelor of Education. Samtang si Prince nga naa pa sa day care ug ang ilang kamanghuran nga si Vincent Ian nga lima ka bulan pa lamang.
Ug ang ubang anak nila nga sila Aria Venice, Lee Mark ug Vic Jun mga children-beneficiaries sa Pantawid Pamilyang Pilipino program nga nagtungha sa Bohol Institute of Technology-Jagna ug Jagna Central Elementary School.
Si Vicente usa ka active religious leader ug usa ka mangingisda samtang si Marissa usa ka katabang sa panimalay. Benepisyaryo sila sa Pantawid Pamilya program sukad 2012.
Ang Pantawid Pamilya mao ang conditional cash transfer sa gobyerno nga namuhunan sa edukasyon ug panglawas sa kabos nga mga pamilya nga adunay mga anak nga may edad 0 hangtud 18 ka bulan.
Ang Huwarang Pantawid Pamilya usa ka tinuig nga pagpangita sa DSWD og mga pamilyang adunay lig-on ug hugot nga relasyon, nagpakita og maayong pamatasan ug may positibong impak sa komunidad diin sila nagpuyo. (ecb/PIA7-Bohol)
by admin | Oct 2, 2016 | Headlines, Local News / Bohol Balita
By JUNE S. BLANCO
A TOTAL of 230 out of 346 barangays in Bohol’s 2nd District are now building barangay halls, expanding or adding rooms to existing ones or building multipurpose buildings that also serve as evacuation centers in case of calamities.
This after Rep. Erico Aristotle Aumentado gave these barangays an average of P700,000 each from the amount he inserted into the budget of the Department of Public Works and Highways (DPWH) in the current General Appropriations Act (GAA).
Aumentado expressed confidence that he will complete the distribution to the remaining 116 barangays within this, his second term as congressman.
Just like his namesake father and immediate congressional predecessor Erico Boyles Aumentado, the son said the amount is for counter-parting with the funds of the concerned barangay and such other funds that it may source elsewhere. This way, the solon explained, the barangay can build bigger projects.
He cited the barangay hall and covered court of Sto, Niño, Inabanga now under construction costing P850,000 and P2 million respectively.
The covered court can double as an evacuation center should the need arise. Aumentado said this realization came in the heels of the 7.2 magnitude earthquake that hit Bohol on October 15, 2013.
He explained that while scientists have said an earthquake of such magnitude strikes only once in around 100 years, Bohol cannot discount the probability of, God forbid, floods, typhoons, fires and other calamities. This prompted him to pursue the construction of multipurpose buildings with rain collectors.
The rain collectors can provide water especially in islands. The stored water buttresses the supply from artesian and deepwells, or even from waterworks systems. The latter will save the barangays in payments for water bills. It can even be the main source should the waterworks pumps break down.
Other barangays, he said, added rooms to their barangay hall to double as a meeting place for say, women’s organizations. Still others are allocating one room to serve as office, meeting place and clinic for barangay health workers to give first aid to residents who might need immediate attention while waiting for transportation to the hospital.
Corollary to this, Aumentado is also distributing medical equipment to the barangays. This time, the funds are from the Department of Health (DOH). The equipment include, but are not limited to, weighing scales, stretchers, blood pressure apparatus and nebulizer.
by admin | Sep 30, 2016 | Headlines, Major Events, National News
MANILA, September 30 (PIA)–Nahimong mabungahon ug produktibo ang working visit ni Presidente Rodrigo Duterte sa Hanoi, Vietnam.
Sa iyang arrival statement sa Davao International Airport (DIA), miingon ang Presidente nga pipila sa nahisgotan nila ni Vietnam President Trần Đại Quang mao ang pagpalig-on sa strategic partnership sa Pilipinas ug Vietnam, pagpakusog sa investment, maritime cooperation, pagbatok sa problema sa ilegal nga droga ug daghan pang ubang isyu.
Giingong nahisgotan usab nila sa Vietnamese President ang pagresolba sa tensiyon sa West Philippine Sea (WPS) diin usa usab ang Vietnam sa mga claimants sa giilogang teritoryo.
Kauban usab sa nasabotan sa duha ka lider ang unom ka tuig nga strategic partnership nga magsugod sa 2017.
Samtang subling gipasalamatan ni Presidente Duterte ang mga Pinoy nga iyang gikaatubang sa Vietnam ug gisaaran niini nga tumanon niya ang iyang mga giingong pagpadagan sa usa ka limpyo nga nasod ubos sa iyang termino.
Apan subli usab niining gipadunggan ang pipila ka ahensiya sa gobyerno sama sa Land Transportation Franchising and Regulatory Board (LTFRB), Bureau of Internal Revenue (BIR) ug uban pa nga kinahanglang tarungon ang ilang trabaho ug ipatuman ang iyang mandato nga tapuson ang mga transaksiyon sa maong mga ahensiya sulod lamang sa tulo ka adlaw gikan sa opisina sa Presidente hangtud sa barangay level. (ecb/PIA7-Bohol)
by admin | Sep 30, 2016 | Headlines, Major Events, National News
MANILA, September 30 (PIA)–Gibarogan sa Malakanyang nga angay pa gihapong saligan ang kampanya batok sa ilegal nga droga ni Presidente Rodrigo Duterte.
Kini, bisan nga may sayop sa drug matrix o talaan sa mga pangalan sa mga opisyal ug kawani sa gobyerno nga nalambigit sa operasyon sa ilegal nga droga sa nasod.
Atubangan kini sa pagpangayo og pasaylo sa Presidente tungod sa sayop dihang gilambigit sa ilegal nga droga si Pangasinan Rep. Amado Espino ug duha pa.
Matud pa ni Presidential Spokesperson Ernesto Abella, angay nga mas daygon sa publiko si Presidente Duterte tungod sa pag-ako niini sa iyang nahimong sayop bisan ni-agi man sa proseso ug validation ang maong listahan sa mga drug personalities.
Sa pagkakaron, gipaabot nga hinganlan ni Presidente Duterte ang uban pang mga opisyal nga giingong kauban sa iyang “third and final list” sa mga nalambigit sa ilegal nga droga sa nasod. (ecb/PIA7-Bohol)
by admin | Sep 30, 2016 | Headlines, Local News / Bohol Balita
TAGBILARAN CITY, September 30 (PIA)–Nagplano karon ang presidente sa League of Municipalities (LMP) sa Bohol sa pagpaubos sa drug test sa tanang mayor ning lalawigan.
Si Clarin Mayor Allen Piezas, ang LMP President sa Bohol atol sa pakighinabi sa usa ka lokal nga estasyon sa radyo dinhi miingon nga iya unang konsultahon ang ubang miyembro sa organisasyon kalabot sa gitanyag nga lakang sa sunod nga panagtapok nila sa Oktubre.
Matud pa ni Piezas, kining lakang agi og pagpakita sa mga local chief executives sa ilang suporta sa kampanya sa administrasyon ni Presidente Rodrigo Duterte sa pagbatok niini sa ilegal nga droga.
Niadtong Hulyo 27, 2016, human gipangulohan ang labing una niyang National Security Council meeting, si Presidente Duterte nanawagan sa mga local government officials sa pagsuporta sa iyang kampanya batok sa ilegal nga droga.
Ang pagpaubos usab sa drug testing sa mga mayor sa kalungsoran ug syudad, maghatag og maayong ehemplo alang sa ilang mga konstituwente.
Sukad gilusad ang gihingosgang kampanya sa nasodnong kagamhanan batok sa ilegal nga droga, ang mga mayor sa Balilihan, Dauis ug Panglao boluntaryong mipaubos sa drug testing ug namapatud-ang negatibo sa bisan unsang drug traces.
Ang mga mayor sa probinsiya ang mga nangulo sa Municipal Peace and Order Council ug Municipal Anti-Drug Abuse Council sa ilang mga nagkadaiyang lungsod.
Ang maong mga organisasyon ang nag-atiman sa kahusay ug kalinaw sa matag lungsod ug kampanya sa mga munisipalidad batok sa krimen ug mga aktibidad sa ilegal nga droga. (ecb/PIA7-Bohol)
