by admin | Sep 1, 2016 | Headlines, Major Events, National News
MANILA, September 1 (PIA)–Gisugat ni Presidente Rodrigo Duterte sa Ninoy Aquino International Airport (NAIA) Terminal 2 kagahapon ang mga overseas Filipino workers (OFW) nga na-repatriate gikan sa Saudi Arabia human sila nawad-on og mga trabaho.
Nasulod na usab karon sa Pantawid Pamilyang Pilipino Program o 4Ps ang maong 128 ka OFWs nga nawad-an og trabaho sa al Khobar Saudi Arabia.
Matud pa sa Presidente, kini aron makalabang ang mga OFWs sa pang adlaw-adlaw nila nga panginabuhi.
Ubos sa 4Ps, makadawat og pinansyal nga ayuda ang pamilyang benepisyaryo depende na usab sa gidaghanon sa mga anak nga nagtungha gikan elementarya hangtud high school.
Gawas sa 4Ps, gihatagan usab ni Presidente Duterte ang mga OFWs nga nawad-an og trabaho og tag-P5,000 ug gi-angkon na usab niini ang pagpatungha sa ilang mga anak.
Gihangyo usab sa Presidente ang mga gipapauling OFWs sa dili pagsulod sa ilegal nga buhat sama sa droga kay matud pa niini, gub-on lang sa droga ang ilang kinabuhi ug mahimo pa kining ikamatay nila sama sa ubang drug suspek nga gipatay sa kauban lang usab nila sa negosyo sa ilegal nga droga. (ecb/PIA7-Bohol)
by admin | Sep 1, 2016 | Headlines, Local News / Bohol Balita
TAGBILARAN CITY, September 1 (PIA)–Gipaabot nga padayong makasinati og mga pag-uwan ang pipila ka parte sa Pilipinas ning pagsulod sa buwan sa Setyembre.
Matud pa sa Philippine Atmospheric, Geophysical and Astronomical Services Administration (PAGASA), duha hangtud sa upat ka bagyo ang gipaabot nga maumol ug mosulod sa Philippine Area of Responsibility (PAR) ning bulana.
Base sa rainfall outlook map sa PAGASA alang sa buwan sa Setyembre, pipila ka lugar pa sa nasod ang makasinati og above normal rainfall samtang ang ubang parte sama sa Davao region makasinati usab og below normal rainfall.
Gibanabanang naa sa 55 hangtud 60 porsiyento ang tsansa sa pag-igo sa La Niña phenomenon sa nasod.
Samtang hingpit nang nahimong bagyo ang low pressure nga nasiplatan sa parte sa Batanes ug gihinganlan kining ‘Enteng’ nga magdala og hinay hangtud sa kusog nga pag-ulan. (ecb/PIA7-Bohol)
by admin | Sep 1, 2016 | Headlines, Local News / Bohol Balita
TAGBILARAN CITY, September 1 (PIA)–Nanguna ang mga empleyadong Pilipino sa pinakamalipayon kun itandi sa mga empleyado gikan sa pito ka nasod sa Asya.
Matud pa sa 2016 Happiness Index Report sa jobstreet.com nga gihimo niadtong bulan sa Hulyo, 73 porsiyento sa mga Pilipino ang malipayon sa ilang trabaho nga gisundan sa mga empleyado sa Thaland-61%, Vietnam-60% ug Hong Kong-57%.
Samtang pinakaubos sa happiness index ang mga nasod sa Malaysia nga nakakuha og 47% ug Singapore nga nakakuha lamang og 48%.
Ang Pilipinas usab ang adunay pinakataas nga average satisfaction ratings nga 6.25 sa gitakdang 10-point scale samtang pinakaubos usab ang Singapore sa 5.09.
Gitumbok usab ang mga Pilipinong empleyado nga nagtrabaho sa gobyerno nga pinakamalipayon nga gisundan sa mga naa sa sektor sa edukasyon ug industriya sa lana.
https://boholnewsdaily.com/wp-admin/index.php?action=delcachepage&path=%2Fwp-admin%2Fpost-new.php&_wpnonce=6dcb98https://boholnewsdaily.com/wp-admin/index.php?action=delcachepage&path=%2Fwp-admin%2Fpost-new.php&_wpnonce=6dcb980f540f54
Samtang nakakuha og pinakaubos nga happiness scale ang mga nagtrabaho sa retail, banking and finance ug call center industry kun BPO. (ecb/PIA7-Bohol)
by admin | Aug 30, 2016 | Headlines, Major Events, National News
MANILA, August 30 (PIA)–Gibuksan na sa Philippine National Police (PNP) ang ilang text hotline alang sa mga mohatag og impormasyon kalabot sa mga giingong “ninja cops” kun polis nga tig-recycle og mga droga ug protetor sa mga sindikato sa ilegal nga droga.
Matud pa sa tigpamaba sa PNP nga si S/Supt. Dionardo Carlos, 24/7 nga bukas o 24-oras matag aldaw sulod sa usa ka semana ang ilang PNP text hotline 09178475757 aron modawat ug mo-proseso sa mga confidential information gikan sa publiko.
Giseguro sa PNP nga ang tanang ihatag nga impormasyon ilang e-konsiderar nga “confidential” ug ipaubos sa makuting validation procedures.
Sa iyang mensahe atol sa pagtimaan sa National Heroes Day kagahapon sa Libingan ng mga Bayani, gipahibalo ni Presidente Rodrigo Duterte ang paghatag og P2 milyong reward matag ulo sa makahatag og kasayuran sa mga gitawag nga “ninja cops” isip parte sa kampanya sa gobyerno aron padayon nang maguba ang apparatus sa ilegal nga droga sa nasod.
Dungan niini, gi-awhag sa PNP ang publiko nga suportahan ang ilang kampanya aron padayon nang mahinlo ang PNP sa mga anomaluso ug nalambigit sa ilegal nga droga. (ecb/PIA7-Bohol)
by admin | Aug 30, 2016 | Headlines, Major Events, National News
MANILA, August 30 (PIA)–Gitudlo ni Presidente Rodrigo Duterte si Chief Protocol Officer Marciano Paynor, Jr. isip bag-ong ambassador sa Pilipinas sa Amerika.
Alisdan ni Paynor si Philippine Ambassador to US, Jose Cuisia.
Si Paynor kanhi nang nahimong ambassador sa Pilipinas sa Israel ug Cyprus.
Nahimo usab siyang protocol officer nilang kanhi Presidente Fidel Ramos ug Gloria Macapagal-Arroyo.
Si Paynor nahimong miyembro sa Philippine Military Academy (PMA) class 1971.
Samtang si Robert Borje, kanhi Second Secretary sa Permanent Mission of the Philippines to the United Nations (UN), ang mahimong bag-ong chief protocol officer ni Presidente Duterte.
(ecb/PIA7-Bohol)
by admin | Aug 30, 2016 | Headlines, Major Events, National News
MANILA, August 30 (PIA)–Gimando na ni Department of Foreign Affairs (DFA) Kalihim Perfecto Yasay ang dayon-dayong suspensyon sa pag-isyu og Hajj passports.
Kini samtang naghulat pa sa resulta sa imbestigasyon sa mga Indonesian nga nakuhaan og mga pekeng pasaporte.
Matud pa ni Yasay, ang mga pekeng passport gi-isyu base sa certification gikan sa National Commission on Filipino Muslims.
Giingong kadaghanan sa mga gipagawas nga pekeng passport gikan sa Aseana Office sa DFA. (ecb/PIA7-Bohol)
