by admin | Jul 29, 2016 | Headlines, Local News / Bohol Balita, Major Events
TAGBILARAN CITY, July 29 (PIA)–Mas dali na karon mahibaw-an sa publiko kun duol sa aktibong fault line ang usa ka lokasyon pinaagi sa Philippine Institute of Volcanology and Seismology kun PHIVOLCS- Fault Finder.
Ang Fault Finder usa ka web based application nga mahimong ma-access sa bisan kinsa gamit lang ang ilang mga smart phone ug uban pang mobile devices.
Mahimo kining himuong giya sa pagpatukod og balay o bilding o kun ang gi-planong proyekto nahisubay ba sa usa ka aktibong fault line.
Pinaagi sa pag-tap sa screen, makita dayon sa Fault Finder kung may fault nga duol sa inyong lugar.
Dakung tabang usab kining app aron masayran sa publiko ang mga pagpangandam nga angay himuon aron makalikay sa aksidente kun motay-og ang kusog nga linog.
Gawas sa Fault Finder, gilusad usab ning bag-o lang sa PHIVOLCS ang LAVA o ang Local Active Volcano Archive.
Gamit ang mga datos sa LAVA app, mas mapalapdan pa sa mga researcher ang monitoring sa posibilidad sa pagbuto sa mga bulkan sa nasod.
Aron ma-access ang Fault Finder ug LAVA, bisitahon lamang ang www.faultfinder.philvocs.dost.gov.ph ug www.wovodat.philvocs.dost.gov.ph. (ecb/PIA7-Bohol)
by admin | Jul 29, 2016 | Headlines, Local News / Bohol Balita, Major Events
TAGBILARAN CITY, July 29 (PIA)–Nanginahanglan og mga Filipino nurses ang mga ospital sa Germany, matud pa sa Philippine Overseas Employment Administration (POEA).
Base sa Recruitment Specification Form (RSF) No. 160022 nga gipagawas sa POEA nga pirmado ni Atty. Marieta Labong-dela Cruz, Director II sa Government Placement Branch, mahimong government-to-government ang arrangement sa employment sa mga nurse.
Kuwalipikadong mo-applay sa posisyon ang mga lalaki ug babaye nga permanenteng residente sa Pilipinas ug nakahuman og Bachelor of Science in Nursing, adunay Active Philippine Nursing License ug may duha ka tuig nga hospital experience.
Dakung bentaha sa aplikante kun kabalo sa German language apan mahimo usab mopaubos sa German language training sa Pilipinas aron makab-ot ang Level B1.
Abagahon sa employer niining German Federal Employment Agency ang galastohon alang sa maong training.
Ang mga madawat nga aplikante makadawat sa unang sweldo matag buwan nga €1,900 (gross) samtang mokabat sa €2,300 (gross) ang binuwang sweldo human marekognisa isip qualified nurse.
Ang visa ug pletehan sa nurse gikan Pilipinas paingon sa Germany tubagon usab sa iyang employer, pwera sa board and lodging nga abagahon sa empleyado.
Ang mga interesadong aplikante mahimong magparehistro online sa www.poea.gov.ph o sa www.eregister.poea.gov.ph ug personal nga isumiter ang ilang mga dokumento ubos sa heading nga ‘Triple Win’ sa Manpower Registry Division, Windows S ug T sa Ground Floor, Blas F. Ople Building (kanhi POEA Building) sa Ortigas Avenue eskina sa EDSA sa syudad sa Mandaluyong. (ecb/PIA7-Bohol)
by admin | Jul 26, 2016 | Headlines, Local News / Bohol Balita
TAGBILARAN CITY, July 26 (PIA)–Giseguro kagahapon ni Presidente Rodrigo Duterte sa iyang unang State of the Nation Address (SONA) ang 101 porsiyentong limpyo nga pangagamhanan sa iyang administrasyon.
Samtang hugot usab niyang gipasidan-an ang mga kawani ug opisyal sa gobyerno batok sa korapsiyon.
Matud pa sa Presidente, kun may madungog siyang sumbong o hunghong batok sa taga-gobyerno, iya dayon kining tangtangon sa puwesto.
“Kapag may marinig ako sa Executive Department, even a whisper, even a whisper, hiwalay-hiwalay na tayo. Marami diyan, diyan sa gallery marami diyan walang trabaho, nag-aaply hanggang ngayon. Hindi naman lahat kasi mayayaman yan eh. Mga asawa ninyo ata ‘yan,” matud pa ni Duterte.
Sama sa gilaoman, nahimong sentro gihapon sa SONA sa Presidente ang kampanya sa gobyerno batok sa ilegal nga droga nga una na niyang gisaad niadtong eleksiyon.
Gimando sa Presidente sa Philippine National Police (PNP) ang total war sa mga drug financier ug gipabantayan bisan ang performance sa mga local government units.
Kalabot niini, gitahasan ni Duterte ang National Police Commission (NAPOLCOM) nga paspasan ang imbestigasyon ug pagresolba sa administrative cases sa mga police officers nga nalambigit sa kriminal ug ilegal nga kalihokan.
Gimando usab niya ang pagmugna og polisiya alang sa lifestyle check sa mga miyembro sa PNP.
Gipahayag usab ni Duterte nga himuong rehab haven ang mga kampo sa militar alang na usab sa seguridad sa mga nitahan nga adik ug mga nadakpang drug pushers.
Banhawon usab ang nagkahinay nga ROTC ug gamiton ang mga reservists aron i-mobilize sa kampanya batok sa ilegal nga droga.
Imbes nga kaltoan og walo ka minuto lamang sama sa gipahayag sa Malakanyang, nikabat sa usa ka oras ug kuwarenta minuto ang nahimong SONA sa Presidente. (ecb/PIA7-Bohol)
by admin | Jul 26, 2016 | Headlines, Local News / Bohol Balita
TAGBILARAN CITY, July 26 (PIA)–President Rodrigo Duterte’s administration hints economic restrictions to attract more investments as he lays out the country’s job generation policy, insisting local government units to keep up and open its doors to more investments.
In his maiden State of the Nation Address (SONA) delivered before the joint session of the senate and the members of the house of representative during the opening of the 17th Congress, Duterte, points out investments for development telegraphed his bias for negotiations over the usual hard stance against rallying critics, that being better policy to calm investors.
Instead of barricades and shields for the riot police which was readied as a fixture for the SONA, he allowed police to mingle with the rallyists who, in the most recent years, got closest to the Batasang Pambansa on a SONA Day.
Duterte opened Commonwealth Avenue and had Philippine National Police Chief Ronald dela Rosa in a dialogue with rallyists hours before he delivered his SONA.
While on it, the president who in surveys has just enjoyed over 90% trust ratings said “We shall continue to attract investments that will generate thousands of jobs each year—jobs that are suitable for the poor and less skilled members of the workforce.”
Even before the SONA, which the president traditionally delivers every time the Congress every 4th Monday of July, Duterte has already instructed his cabinet secretaries to cascade his development priorities and policies.
He said issuing permits and licenses should be done in three days, no necessary follow-ups.
In Bohol for example, four days prior to the SONA, Department of Trade and Industry (DTI) 7 regional director Asteria Caberte told the exhibitors and the department is taking to heart the instructions from the President.
Caberte was sharing the DTI’s mandate of enhancing the business environment at the opening of the Sandugo Trade Expo 2016 at the Island City Mall.
For these, Caberte said in Central Visayas, the streamlining of business regulatory requirements as in the Business Permits and Licensing System (BPLS) is now in place, although further improvements are desired.
Improvements can be on the backroom operations, she hinted.
Through the BPLS, the agency hopes to reduce the cost of doing business and fostering transparency in all transactions.
We are happy to report that all of the 132 LGUs in Central Visayas have already adopted the BPLS, Caberte said.
That same week, several towns in Bohol capped a year of becoming friendlier to investments with the National Competitiveness Council awards for Cities and Municipalities Competitiveness index based on economic dynamism, government efficiency and infrastructure.
This sums up Duterte’s directives to put up reforms that ensure competitiveness.
Following the SONA, the President has said reforms that promote ease of doing business will be mandatory.
As to the country’s beckoning big slate investors, Duterte hinted restrictions to the economy are needed to make more investments to come and to develop labor-intensive industries such as manufacturing, agriculture and tourism shall be pursued.
While not detailing on it, Duterte said investing in human capital and ensuring equal access to economic opportunities would be among his poverty alleviation strategies. (rac/PIA-7/Bohol)
by admin | Jul 26, 2016 | Headlines, Local News / Bohol Balita
TAGBILARAN CITY, July 26 (PIA)–“I am now announcing a unilateral ceasefire with the CPP/NPA/NDF effective immediately and call on our fellow Filipinos in The National Democratic Front and its forces to respond accordingly.”
Kini ang usa sa mga highlight sa unang State of the Nation Address (SONA) ni Presidente Rodrigo Duterte kagahapon.
Sa iyang mensahe sa nasyon, gi-awhag niya ang tanang mga Pilipino, partikular na ang mga Moro, ug mga miyembro sa rebeldeng grupo nga tapuson na ang pila na ka dekadang pakig-away sa mga Pilipino sa isig ka Pilipino.
Matud pa ni Duterte, dili mabayran og mga medalya sa kabayanihan ug kaisog bisan sa cash assistance ang pagbangotan sa matag biyuda ug nabiling anak sa mga napatay nga sundalo ug rebelde tungod sa pakigbugno.
Target sa Presidente nga makab-ot ang malungtarong kalinaw sa Pilipinas sa dili pa matapos ang iyang unom ka tuig nga termino.
Mao nga nihangyo usab siya sa CPP-NPA-NDF nga atbangan ang deklarasyon og unilateral ceasefire sa gobyerno.
Gitakdang magsultihay og balik karong Agosto 20 hangtud 27 sa Oslo, Norway ang gobyerno ug CPP-NPA-NDF kalabot sa malungtarong kalinaw nga gipangindahay sa tanang niaging administrasyon. (ecb/PIA7-Bohol)
by admin | Jul 26, 2016 | Headlines, Local News / Bohol Balita
TAGBILARAN CITY, July 26 (PIA)–Gi-anunsiyo ni Presidente Rodrigo Duterte ang plano niining ubsan ang personal ug corporate income tax ubos sa iyang administrasyon.
Sa iyang unang State of the Nation Address (SONA) kagahapon, miingon ang Presidente nga parte kini sa tax reform agenda aron masayon ang koleksiyon sa buhis ug madugangan ang take-home pay sa mga mamumuo.
Matud pa ni Duterte, makapadani usab kini og mas daghang tigpamuhonan sa pagnegosyo sa nasod.
Pasabot pa sa Presidente, kun mas dako ang kita sa mga mamumuo, mas daghan kining gastuhon maong motuyok ra ang salapi sa ekonomiya.
Dungan niini, gibutyag usab ni Duterte ang plano niining luagan ang gipatuman nga Bank Secrecy Law sa nasod aron malili ang mga kuwestiyonableng bank accounts.
“On taxation, my administration will pursue tax reforms towards a simpler, and more equitable, and more efficient tax system that can foster investment and job creation. We will lower personal and corporate income tax rates and relax the bank secrecy laws,” matud pa ni Duterte.
Samtang balay ug dugang trabaho usab ang iyang gisaad alang sa mga urban poor.
Apil ang pagpasiugda og programa sa reproductive health iyang gisaad isip parte sa iyang agenda alang sa mga kabos.
Sa pagtapos sa iyang SONA, miingon si Duterte nga magpabiling yano ang iyang administrasyon ug subli niyang gibalik nga mahimong limpyo ang iyang liderato. (ecb/PIA7-Bohol)
