by admin | Jun 21, 2016 | Headlines, National News
MANILA, June 21 (PIA)–Gi-awhag sa Office of the Civil Defense (OCD) ang mga aktibong netizen nga moapil sa ipahigayong nationwide shake drill ugma, Hunyo 22.
Matud pa sa tigpamaba sa OCD nga si Mina Marasigan, mahimong makatabang sa shake drill ang mga aktibo sa Facebook, Twitter ug Instagram gamit ang hashtag nga “pagyanig”.
Gitambagan ni Marasigan ang netizens sa pag-upload og hulagway ug uban pang mga larawan alang sa maong shake drill ug butangan og #pagyanig ang mga larawan nga ipang-post.
Gi-awhag usab ni Marasigan ang publiko sa pagbisita sa civildefense.ph alang sa dugang kasayoran kalabot sa ipahigayong shake drill ugma.
Gi-aghat ang publiko nga mag-duck, cover ug hold sa pagsugod sa shake drill ugma. (ecb/PIA7-Bohol)
by admin | Jun 20, 2016 | Headlines, National News
MANILA, June 20 (PIA)–Nagpagawas og advisory ang Bangko Sentral ng Pilipinas (BSP) nga nagpasidaan sa publiko batok sa identity theft.
Ang Identity theft o pagkawat sa personal nga kasayoran aron magamit sa pagpangilad usa ka krimen nga seryosong makaguba sa panalapi, reputasyon ug credit history sa usa ka tawo.
Matud pa sa BSP nga kun nagduda ka nga nakompromiso ang imong personal information, kinahanglang alisdan dayon ang imong passwords, security questions nga may kalabotan sa imong personal information, ATM, ug online access.
Samtang kun ang imong personal information nagamit sa walay pagtugot, kinahanglang motawag dayon sa imong creditors o gi-utangan magsugod sa creditor diin nahitabo ang maong walay pagtugot nga transaksiyon.
Ang biktima kinahanglang mopasaka og reklamo sa Philippine National Police (PNP) Anti-Cybercrime Group o sa National Bureau of Investigation (NBI) Cybercrime Division ug magtipig og kopya sa police report.
Ang maong report kinahanglanon sa imbestigasyon sa identity theft.
Gipahinumdoman usab sa BSP ang mga financial consumers sa pag-kooperar sa ilang bangko kun kini mangayo og dugang kasayoran aron makatabang sa pagpa-uswag sa seguridad sa iyang accounts ug maabtik nga maampingan ang personal information aron ma-protektahan batok sa identity theft. (ecb/PIA7-Bohol)
by admin | Jun 20, 2016 | Headlines, National News
MANILA, June 20 (PIA)–Nipasidaan ang Philippine Overseas Employment Administration (POEA) sa publiko nga dili dayon motuo sa mga gitanyag nga trabaho sa laing nasod nga makita sa mga social media nga gipadala pinaagi sa mga email.
Nipagawas ang buhatan sa maong pasidaan tungod sa pagdagsang karon sa mga pekeng job offers nga migawas sa Twitter ug Facebook.
Matud pa ni POEA Administrator Alfredo Cacdac, angay unang moberepikar kanila ang bisan kinsang interesadong mo-trabaho sa ubang nasod.
Kini aron masiguro nga lehitimo ang mga abiso ug dili mailad sa mga sindikato.
Giingong kasagaran sa mga pekeng job offer ang gipaagi lamang sa internet ang transaksyon ug ipa-deposito sa money remittance center ang bayad. (ecb/PIA7-Bohol)
by admin | Jun 19, 2016 | Headlines, Tech Talk
Balilihan, Bohol – Gov. Edgar M. Chatto hosted the Bohol ICT sectoral discussion at the Balilihan Congressional District Library, Balilihan, Bohol on June 15, 2016. The event was organized by the Bohol Investments Promotion Center under the leadership of Ms. Inday Dominise.
The participants were representatives from Bohol ICT Council, Bohol Chamber of Commerce, DOST, DTI, DepEd, TESDA, BEPO, PPDO, Telco officers, Tagbilaran City LGU, BISU, Geeks on a Beach organizing team, BICTU and other representatives of various offices.
Ms. Lai Biliran presented the opportunities in the IT-BPM Industry and other sectors in the Philippine Digital Economy. Telco representatives discussed the plans of improving the Internet service in the province. The venue also happened to be very challenging area for deploying Internet and telecommunications service being surrounded by high terrain and without wired telco facilities yet.
The organizing committee of Geeks on a Beach also presented the details about the coming international technology conference to be held in Bellevue Hotel in Panglao, Bohol on August 25-26, 2016.
by admin | Jun 17, 2016 | Headlines, National News
MANILA, June 17 (PIA)–Gi-uswag pa sa Commission on Elections (Comelec) taman Hunyo 30 ang pagsumiter sa Statement of Contributions and Expenditures (SOCE) sa mga kandidatong midagan sa milabay nga piniliay.
Sa boto nga 4-3, gihatagan og pagtagad sa Comelec en banc ang hangyo sa Liberal Party nga e-extend ang deadline sa pagsumiter sa SOCE.
Apil sa mga nibotar sa pag-uswag sa deadline sila commissioners Arthur Lim, Al Parreño, Sheriff Abas, ug Rowena Guanzon.
Kini bisan pa sa rekomendasyon ni Campaign Finance Office commissioner-in-charge Christian Robert Lim nga dili angay hatagan og higayon ang hangyo sa LP tungod kay dili kini patas alang sa ubang kandidato ug partido nga misunod sa gitakdang deadline.
Kahinumdoman nga niadtong Martes lang naka-sumiter og SOCE ang Liberal Party, unom ka adlaw human sa orihinal nga gitakdang deadline nga Hunyo 8.
Sa tanang mga kandidato sa pagka-presidente, si LP standard bearer Mar Roxas lamang ang wala pa naka-sumiter og SOCE.
Matud pa sa kampo ni Roxas, bulto-bulto ang mga resibo nga kinahanglang ma-scan ug angay ibutang sa mga dokumento maong pakyas sila sa paggukod sa deadline nga gitakda sa Comelec.
Samtang midepensa ang tigpamaba sa Comelec nga si Director James Jimenez diin miingon kini nga dili lamang ang LP ang makapahimos sa maong lakang sa komisyon tungod kay daghan pa gihapong mga senador, kongresista ug uban pa ang wala pa gihapon nakaduso sa ilang SOCE.
Matud pa nga kun dili makalingkod ang mga nidaog, masasayang lang ang mga boto sa katawhan. (ecb/PIA7-Bohol)
by admin | Jun 17, 2016 | Headlines, National News
MANILA, June 17 (PIA)–Ipaubos sa Department of Interior and Local Government (DILG) sa basic orientation training program ang kinatibuk-ang 559 ka mga bag-ong gobernador, city ug municipal mayors sa tibuok nasod nga napili sa milabay nga eleksyon.
Matud pa ni DILG Kalihim Mel Senen Sarmiento nga ang ‘Basic Orientation: The First 100 Days,’ usa ka parte sa dugay nang Newly-elected Officials (NEO) nga programa sa DILG pinaagi sa ilang training arm nga Local Government Academy (LGA) alang sa mga bag-ong napili nga mga opisyal sa nasod.
Kining himuon nga pagbansay-bansay ipahigayon karong buwan sa Hunyo ug Hulyo 2016 isip pagtubag sa departamento sa panginahanglan sa mga bag-ong lokal nga mga lider isip ilang giya sa pagsugod sa ilang pagdumala.
Gipaabot usab sa DILG nga makumpleto sa mga bag-ong opisyal ang unang 100 days Calendar ug ang ilang development commitment agenda.
Lakip sa mga topic nga hisgotan mao ang governance and decentralization, Duties Responsibilities and Accountabilities of elected officials, strategic management, leadership, climate change and disaster management, local economic development, crisis management, and peace and order, ug uban pa. (ecb/PIA7-Bohol)
