by admin | Jun 8, 2016 | Headlines, National News
MANILA, June 8 (PIA)–Wala gikatingala sa Malakanyang ang gihingusgang kampanya karon sa Philippine National Police (PNP) batok sa ilegal nga droga.
Taliwala kini sa sunod-sunod nga mga raid ug pagkapatay sa pipila ka drug personalities nga giingong pagpakita lamang og labok sa mosulod nga Duterte administration.
Matud pa ni Presidential Communications Operations Office (PCOO) Kalihim Herminio Coloma Jr., katungdanan man kini sa PNP ug walay time limit o bisan unsang konsiderasyon sa ilang pag-pursige sa pagbatok sa ilegal nga droga.
Dugang pa ni Coloma, trabaho man gyud sa PNP nga atimanon ang seguridad ug kahapsay sa atong mga komunidad.
Mao nga nagtuo ang Aquino administration nga wala kini kalabotan sa isog nga kinaiya ni Duterte sa mga pasidaan niini batok sa mga nalambigit sa ilegal nga operasyon sa droga.
“Tungkulin naman nila iyan ano, wala namang time limit, wala namang iba pang konsiderasyon kung hindi ‘yung pagtupad sa tungkulin na pangalagaan ang seguridad at kaayusan sa ating mga komunidad. So wala pong season para diyan. Ito ay isang 24/7 na tungkulin ng ating Pambansang Pulisya at iyon ang kanilang ginagampanan,” matud pa ni Coloma. (ecb/PIA7-Bohol)
by admin | Jun 8, 2016 | Headlines, Local News / Bohol Balita
TAGBILARAN CITY, June 8 (PIA)–Sa Hunyo trese na magbukas sa klase ang mga pampublikong tunghaan sa tibuok nasod.
Kalabot niini, subling nipahinumdom ang Department of Education (DepEd) kalabot sa gipatuman nga “No Collection Policy” o pagbawal nga mangolekta og bayronon sa mga estudyanteng nag-enrol alang sa school year 2016 ngadto sa 2017.
Matud pa sa DepEd nga matag panahon sa enrollment, kanunay silang makadawat og reklamo kalabot sa pagpangolekta og mga bayronon nga dugang nagpalisod sa mga ginikanan.
Ubos sa DepEd Order Number 41 series of 2012, bawal mangolekta sa mga estudyante sa kindergarten hangtud grade 5 sa tibuok school year.
Samtang sa Hunyo taman Hulyo epektibo ang ‘No Collection Policy’ alang sa grade 5 ngadto sa grade 10 o fourth year high school students.
Giingong mahimo lamang mangolekta ang mga tunghaan sa Agosto apan angay nga boluntaryo kini ug dili compulsory.
Apil sa mga bayronon na awtorisado sa DepEd ang membership fee alang sa Boy Scouts ug Girl Scouts of the Philippines, Anti-Tuberculosis Fund Drive, Parents-Teachers Association, school publication fee ug Parents-Teachers Association fee.
Ang ‘No Collection Policy’ usa ka anti-poverty measures sa DepEd nga tuyong aghaton ang mga ginikanan nga patunghaon sa eskwelahan ang ilang mga anak.
Sa ingon niining pamaagi, magamit sa mga ginikanan ang ilang salapi sa mas importanteng panginahanglan sama sa pagkaon ug pamiliti sa mga bata. (ecb/PIA7-Bohol)
by admin | Jun 7, 2016 | Headlines, Major Events, National News
MANILA, June 7 (PIA)–Subling nipahinumdom ug nihatag og pasidaan sa mga public transportation drivers ang Land Transportation Franchising and Regulatory Board (LTFRB) kalabot sa pagbukas sa klase karong buwan sa Hunyo.
Matud pa ni LTFRB Board Member Ariel Inton, mobalik na sa pagtungha ang mga kabataan karong Hunyo 13 mao nga gipahinumdoman nila ang mga drivers sa jeep ug bus nga kasagarang sakyan sa mga estudyante nga ihatag ang saktong 20% discount sa ilang pletehan.
Sa higayong may pagduda ang kundoktor o driver, giingong mahimong ipakita sa estudyante ang iyang school ID o Certificate of Registration.
Dungan niini, gipahinumdoman usab ni Inton ang mga tinun-an nga ang paghatag og diskuwento sa mga aldaw lamang nga adunay klase.
“Students are entitled to the fare discount only during school days, and not during holidays and weekends when there are no classes. But we should also consider that there are some students who have Saturday classes, and even Sundays for some, especially those like ROTC, NSTP that are being conducted on a Sunday,” matud pa ni Inton.
Nakalatid sa memorandum circular sa LTFRB nga ang bisan kinsang molapas o mapamatud-ang wala nihatag og diskuwento mapahamtangan og multa nga P2,000.00 alang sa first offense; multang P3,000.00, 60-days suspension sa Certificate of Public Convenience (CPC) ug pagkumpiska usab sa “for hire” plates sa second offense; ug multang P5,000 ug kanselasyon sa CPC sa third offense. (ecb/PIA7-Bohol)
by admin | Jun 7, 2016 | Headlines, National News
MANILA, June 7 (PIA)–Nagsugod na ang 30-day ban sa Department of Foreign Affairs (DFA) alang sa mga no-show online passport applicants sugod niadtong Hunyo 1, 2016.
Matud pa ni Asec. Charles Jose, tigpamaba sa DFA, dako ang matabang sa maong bag-ong patakaran aron mapadali ang pagkuha sa pasaporte sa ubang aplikante.
“Under ng bago naming measure, may bago po kaming ilalagay na reservation system na puwedeng i-keep touch ‘yung mga hindi dumadating sa kanilang appointment,” pasabot ni Asec. Jose.
Matud pa nga naa sa 47 porsyento o halos 800 ka aplikante ang di moabot sa gitakdang adlaw sa pag-apply sa ilang pasaporte.
Kini nagpasabot lamang nga daghang slots na ang malibre ug masayo na ang makuhang appointment online.
Dugang pa niini, giingong nagdugang ang DFA og 50 slots matag adlaw sugod niadtong Hunyo 1 isip solusyon sa taas nga pila sa mga aplikante.
May kinatibuk-ang kapasidad nga 15,000 hangtud 17,000 ang e-passport system sa DFA sa usa ka adlaw alang sa mga Pilipinong aplikante sulod ug gawas sa nasod. (ecb/PIA7-Bohol)
by admin | Jun 7, 2016 | Headlines, Local News / Bohol Balita
TAGBILARAN CITY, June 7 (PIA)–Gitakdang ipahigayon ang 3rd Bohol International Choir Festival and Competition (BICFC) dinhi sa lalawigan gikan Hunyo 9 hangtud Hunyo 13, 2016.
Buksan ang maong kalihokan sa Hunyo 9 pinaagi sa parada sa may alas 4 sa hapon gikan sa Plaza Rizal paingon sa Bohol Cultural Center diin didto ipahigayon ang opening program.
Duha ka lokal nga choir gikan sa syudad sa Tagbilaran ang mo-representar sa Bohol sa maong kompetisyon nga makig-bangga sa mga sumasalmot gikan sa nagkalain-laing nasod.
Gitakdang motambong sa maong opening ceremonies si Professor Felipe M. de Leon Jr. sa National Commission for Culture and the Arts (NCAA).
Ang BICFC gi-presenter sa Provincial Government of Bohol, inabagan sa technical assistance gikan sa World Mice ug sa pakigtambayayong sa City Government of Tagbilaran, Department of Tourism (DOT), Tourism Promotions Board of the Philippines, National Commission for Culture and the Arts (NCCA) ug sa Liwayway Group of Companies/OISHI. (ecb/PIA7-Bohol)
by admin | Jun 6, 2016 | Headlines, Local News / Bohol Balita
TAGBILARAN CITY, June 6 (PIA)–Gi-uswag sa Galing Purok Awards Committee taman Hunyo 10, 2016 gikan sa unang gitakdsang petsa nga Mayo 30, 2016 ang pagsumiter sa nominasyon alang sa Galing Purok Awards (GPAs) sa lalawigan sa Bohol.
Kini aron mas mahatagan pa og igong panahon nga maduso sa mga kabarangayan ang ilang mga gikarekomendar nga purok aron matimbang sa mga Municipal Evaluation teams sa dili pa ibangga ang mga mananaug sa provincial level ug gantihan ang makadaug.
Ang Galing Purok Awards sa Bohol, napalig-on pinaagi sa Provincial Ordinance No. 2011-36, diin gipahimutang niini ang Purok Power Movement (PPM) isip nag-unang stratehiya sa pagpatuman sa mga sistema nga sundon sa mga purok aron sa mas sayong nga pagpadagayday sa mga programa sa kagamhanan.
Gipatuman pinaagi sa diwa sa tinabangay ug alayonay, ang PPM g-ubanan sa Department of Interior and Local Government (DILG), Department of Agrarian Reform (DAR), Department of Environment and Natural Resources (DENR), Department of Agriculture (DA), Department of Labor and Employment (DOLE), National Irrigation Administration (NIA), Philippine National Police (PNP), Philippine Army ug uban pang mga civil society nga kahugpungan.
Gawas sa Best Purok Award nga sumada sa mga awards nga gibugtaw, laing 24 ka grupo ug indibidwal lakip na ang program awards ang ilogan sa libo-an ka purok sa lalawigan sa Bohol. (ecb/PIA7-Bohol)
