by admin | Apr 10, 2015 | Headlines, National News
MANILA, April 10 (PIA)–Dili na i-uswag pa sa Bureau of Internal Revenue (BIR) ang gitakdang deadline sa pagduso og income tax return (ITR) taliwala sa mga reklamo kalabot sa e-filing.
Matud pa ni BIR Commissioner Kim Henares, wala`y tsansang i-uswag pa ang Abril 15 nga deadline ug giingong sa tuig 2000 paman adunay e-filing ug payment schemes.
“The e-form policy was not last minute. In fact, we have the e-filing for a long time… so what we’re doing now is strictly enforcing it,” pasabot ni Henares.
Una nang gi-uwan og reklamo ang polisiya sa BIR tungod sa giingong “under construction” o “not available” ang ilang website.
Bisan nihatag na og alternatibong links ang ahensya, nanawagan gihapon ang grupong Tax Management Association of the Philippines nga i-uswag na lang ang full implementation sa e-filing policy. (ecb/PIA7-Bohol)
by admin | Apr 10, 2015 | Headlines, National News
MANILA, April 10 (PIA)–Padayon nga atimanon sa gobyerno ang mga war veterans ug palapdan pa ang ilang katungod.
Kini ang unod sa mensahe ni Presidente Benigno ‘Noynoy’ Aquino III sa pagtimaan sa ika-73 nga Araw ng Kagitingan diin miingon kini nga angay lamang nga masuklian sa gobyerno ang gipakitang kaisog sa mga beterano aron mapanalipdan ang kagawasan ug ipatunhay ang mas maayong kaugmaon sa mga Pilipino.
“Sa mabuting pamamahala, higit pa nating pinapabuti at pinapalawak ang natatanggap n’yong mga benepisyo. Pangunahin po nating tinututukan ang paglilinis at pagsasaayos ng listahan ng mga beteranong nakakatanggap ng ayuda, sa ilalim ng Pensioner’s Revalidation Program. Siyempre po, makatarungan lang na ang tanging makakakuha ng benepisyo ay ang mga lehitimong beterano, at walang nakikihating hindi kuwalipikado,” matud pa ni PNoy.
Giyagyag niini ang mga maayong balita sa mga beterano sama sa pagpalapad sa pagpatuman sa Philippine Veterans Affairs Office sa Validation Program pinaagi sa mga pormal nga kasabotan sa mga kaabag nga bangko, financial institutions, local civil registrars ug uban pang ahensiya sa gobyerno.
Giingong digital na ang records sa mga beterano ug dili na mano-mano ang pagpalista.
Sa pagpanguna sa Veterans Memorial Medical Center ug sa 601 ka pampublikong ospital sa tibuok nasud, giseguro ni PNoy nga natutokan gayud ang panglawas sa mga beterano. Apil na niini ang paghatag og daily medical subsidy kun ma-confine sa ospital. May tabang-pinansiyal usab alang sa operasyong medikal sama sa cataract, coronary angiogram, angioplasty, cardiac bypass ug chemotherapeutic agents.
Gikan Hulyo 2010, giingong 8,760 ka beterano ug ilang mga dependent ang nakapahimos sa mga nahisgotang serbisyo nga nagkantidad og P81.6 milyon.
Nakahatag na usab ang gobyerno og subsidy alang sa medical products sama sa orthopedic implants ug prosthesis, hearing aid ug dentures.
Gikan Hulyo 2010, nikabat na sa 15,571 dependents sa mga beterano ang gisuportahan sa gobyerno sa ilang pagtuon ubos sa Educational Benefits Program sa PVAO nga adunay financial assistance nga mikabat taman P36,000 matag tuig alang sa kwalipikadong tinun-an. (ecb/PIA7-Bohol)
by admin | Apr 8, 2015 | Headlines, National News
MANILA, April 08 (PIA)–Pangunahan ni Presidente Benigno ‘Noynoy’ Aquino III ang pagsaulog sa ika-73 nga Araw ng Kagitingan sa Huwebes, Abril 9.
Ipahigayon ang komemorasyon sa Filipino war veterans sa Mount Samat National Shrine sa Pilar, Bataan sa may alas-9:00 sa buntag.
Mohalad si PNoy og wreath sa shrine nga sundan sa paghatag og mensahe gikan ni Japanese Ambassador Kazuhide Ishikawa, US Ambassador Philip Goldberg ug ang keynote address sa Pangulo.
Ang tema sa aktibidad karong tuig mao ang: “Ipunla ang Kagitingan sa Kabataan, Ihanda ang Beterano ng Kinabukasan.”
Gipaabot nga motambong ang kapin sa 5,000 ka war veterans kauban ang ilang pamilya, lokal ug langyaw nga mga bisita alang sa maong tinuig nga kasaulogan.
Sundan kini sa “Paggunita sa Capas,” wreath laying ceremony sa Capas National Shrine sa Tarlac sa alas-9:00 sa Biyernes sa buntag.
Parte kini sa usa ka semanang selebrasyon sa Veterans Week nga ipahigayon matag Abril 5 hangtud 11 alang sa mga war veterans nga nagsakripisyo alang sa kalinaw sa nasud.
Kahinumdoman nga niadtong Abril 9, 1942, gibanabanang 75,000 ka Pilipino ug American prisoners of war ang napugos pag-martsa og 100 kilometeros gikan sa -Mariveles, Bataan hangtud San Fernando Pampanga human ang tulo ka buwang pakigbugno sa Japanese forces.
Gidala ang mga prisoners of war sa Camp O’Donnell sa Capas, Tarlac diin didto sila nabilanggo hangtud 1945.
Ang Dambana ng Kagitingan gipabarug ibabaw sa Mount Samat niadtong 1966 ubos ni kanhing Presidente Ferdinand Marcos nga usa usab ka war veteran isip pag-ila ug paghinumdom sa mga bayaning sundalo.
Usa ka National holiday ang Araw ng Kagitingan. (ecb/PIA7-Bohol)
by admin | Apr 8, 2015 | Headlines, National News
MANILA, April 08 (PIA)–Ang Department of Education (DepEd) nipahibalo nga ang school year 2015-2016 sa mga pampublikong tunghaan sa elementary ug high school magsugod sa Hunyo 1, 2015 ug matapos sa Abril 1, 2016.
Base sa Department Order No. 9 nga gipagawas na DepEd diin gibutang ang mga detalye sa bag-ong academic calendar, adunay 201 school days ning tuig, apil na ang lima ka adlaw nga In-Service Training (INSET) break.
Matud pa ni DepEd Kalihim Armin Luistro, samtang adunay mga pribadong tunghaan nga mosimang sa school calendar, kinahanglang magsugod ang ilang klase gikan Hunyo 1 hangtud Agosto 31.
Giingong kinahanglang ipahibalo daan sa mga pribadong tunghaan sa mga hingtungdang opisyal sa DepEd ang petsa sa pagbukas sa ilang mga klase kun dili sila mosugod pagbukas sa ilang klase sama sa mga pampublikong tunghaan sa Hunyo 1.
Matud pa usab ni Luistro nga ang mga tunghaan mahimong mopahigayon og mga nasudnon ug lokal nga selebrasyon, holidays ug mga advocacy activities gawas sa nakabutang sa school calendar, basta kinahanglang masunod lang gihapon ang total number of school days.
“Make-up classes can therefore be conducted to compensate for the school days spent for activities deemed beneficial to the learning-teaching process. Likewise, make-up classes are recommended in lieu of no-school days due to occurrence of a natural and man-made calamities,” matud pa ni Luistro.
Dugang pa sa Kalihim, ang mekanismo sa pagpahigayon og make-up class kinahanglang uyonan sa mga school administrators ug mga ginikanan sa mga estudyante. (ecb/PIA7-Bohol)
by admin | Apr 8, 2015 | Headlines, National News
MANILA, April 08 (PIA)–Aduna nay temporary hotline ang Department of Foreign Affairs (DFA) Action Center alang sa mga kabanay sa mga Overseas Filipino Workers (OFWs).
Matud pa sa DFA, mahimong tawagan ang ilang action center sa temporary hotlines nga (02) 832-32-15 ug (02) 832-32-64.
Samtang gipahinumdoman usab sa DFA ang publiko nga sarado ang ilang consular services apil na ang passport, visa ug authentication services ugma, Abril 9, Araw ng Kagitingan.
Mobalik ang ilang normal nga operasyon sa Biyernes, Abril 10. (ecb/PIA7-Bohol)
by admin | Apr 6, 2015 | Headlines
By JUNE S. BLANCO
MECHANIZING rice farming is the key to better production.
Rep. Erico Aristotle Aumentado (Bohol, 2nd District) said mechanization is unquestionably faster than carabao farming.
He is poised to distribute Wednesday, April 8, either a floating tiller or hand tractor to selected irrigators associations to help them hasten the rice land preparation phase.
The farm implements cost a total of P1.5 million which Aumentado tapped from the Department of Agriculture (DA).
The distribution coincides with the anniversary of the Region 7 office of the National Irrigation Administration (NIA) based in Tagbilaran City established by Aumentado’s namesake father and congressional predecessor, Erico Boyles Aumentado.
Expected to witness the distribution are Presidential Assistant for Food Security and Agricultural Modernization Francis Pangilinan and NIA Administrator Florencio Padernal who are the anniversary guests of honor.
Another anniversary highlight will be the launching of still another livelihood program for the irrigators associations by Aumentado – the Assistance for Rural Irrigation Sustainability (A.R.I.S.)
Aumentado said the twin moves will give the farmers more free time to engage in other activities to augment their income.
To note, he said, rice farmers have two cropping cycles a year. If they harvested in March, and planted in July, the next harvest will be in October yet. Unless they have alternate livelihood, cash will be hard to come by between harvests, Aumentado explained.
Taking cognizance of the situation compounded by the beginnings of another cycle of El Niño, the solon said he and his consultants brainstormed and sought advice from agriculture experts and came up with the A.R.I.S. program.
Details of the program and the guidelines on how the farmers can avail of the same will be given during the April 8 launch, he added.
