by aimee | Sep 4, 2012 | Headlines
TAGBILARAN CITY, Bohol, Sept. 04 (PIA)–Gipasabot sa Department of Enery (DOE) ang paglihok sa presyo sa diesel ug gasolina karong semanaha.
Matud pa ni DOE Oil Industry Management Bureau Dir. Zenaida Monsada, dili na parehong dependent ang presyo sa diesel ug gasolina sa presyo sa krudo sa world market apan sa nagka-daiyang specific product target na kini.
Giingong niadtong tuig 2009 pa sa dihang nakita nila nga buwag na ang presyuhan sa diesel ug gasolina tungod sa managlahi ang gidaghanon ug demand niini.
Giingong naiimpluwensyahan sa ekonomiya sa Amerika ang gasolina samtang ang Europe ug Asya usab partikular ang China ang nakaaapekto sa presyo sa diesel.
Gipasabot ni Monsada nga may rollback karong semana sa presyo sa gasolina tungod kay nisaka man ang demand niini niadtong niaging semana human sa hulga sa Bagyong Isaac sa Amerika.
Apan wala man niigo ang maong bagyo hinungdan nga nibalik ra sa normal ang suplay sa gasolina sa world market.
Nagtuo si Monsada nga halos pareho lang ang computation sa DOE sa computation sa mga kumpanya sa lana sa pagsaka o pagkaltas sa presyo.
Gitataw usab ni Monsada nga wala nagkulang ang DOE sa pag-monitor sa presyo sa krudo dili lamang matag semana apan sa kinatibuk-ang presyo niini sukad pagsugod ning tuig. (PIA-Bohol/ECB/I-gg)
DOH, nimandu sa pagbutang sa dengue express lanes sa mga ospital
TAGBILARAN CITY, Bohol, Sept. 04 (PIA)–Gimanduan na sa Department of Health (DOH) ang mga ospital sa pagbutang og dengue express lanes aron mahatagan og prayoridad alang sa paspas nga pagtagad ang mga pasyente sa dengue.
Matud pa sa buhatan, ang dengue usa ka matang sa sakit nga angay atimanon dayon ang pasyente kun nakitaan na og mga sintomas sama sa hilanat, sakit sa tiyan, naglisod sa pagginhawa, pagsuka ug pag-ubos sa platelet.
Gikahadlokan sa DOH nga malabwan pa ang gidaghanon sa kaso sa dengue karong tuig ang kapin sa 100,000 nga natala niadtong 2011.
Sa labing ulahing talaan sa DOH, mikabat na sa kapin 80,000 ang naigo sa sakit sukad Enero hangtud Agosto 2012.
Mas taas na kini og 14-porsyento kun itandi sa kapin 70,000 nga natala sa milabay nga tuig.
Gwas niini, mikabat na usab sa 496 ang gidaghanon sa mga namatay tungod sa dengue diin pinakadaghan ang natala sa National Capital Region (NCR) sa 16,087 nga kaso ug 84 na ang namatay. (PIA-Bohol/ECB/I-gg)
by aimee | Sep 3, 2012 | Headlines, National News
TAGBILARAN CITY, Bohol, Sept. 03 (PIA)–Karon pa lang, mahimo nang tiguman ug pangandaman ang bakasyon sa pamilya alang sa sunod tuig human gipagawas na sa Malacañang ang mga deklaradong holidays sa 2013.
Base sa Proclamation 459 nga gilagdaan ni Presidente Benigno ‘Noynoy’ Aquino III niadtong Agosto 16, ang regular holidays mao ang mosunod: New Year’s Day, Enero 1 (Martes); Huwebes Santo, March 28; Biyernes Santo, March 29; Araw ng Kagitingan, Abril 9 (Martes); Labor Day, Mayo 1 (Miyerkules); Independence Day, Hunyo 12 (Miyerkules); National Heroes Day, Agosto 26 (Monday); Bonifacio Day, Nobyembre 30, (Sabado); Christmas Day, Disyembre 25 (Miyerkules); ug Rizal Day, Disyembre 30, (Lunes).
Samtang special non-working days ang Black Saturday, Marso 30; Ninoy Aquino Day, Agosto 21 (Miyerkules); All Saints Day, Nobyembre 1 (Biyernes).
Special non-working days usab ang Nobyembre 2, (Sabado); Disyembre 24, (Martes); ug Disyembre 31 (Martes).
Special holiday alang sa mga tunghaan lamang ang anibersaryo sa EDSA Revolution sa Pebrero 25 (Martes).
Giingong holiday usab ang Eid’l Fitr ug Eidul Adha apan i-anunsiyo na lamang kun kanus-a kini base na usab sa Islamic calendar. (PIA-Bohol/ECB/P-gg)
DOH: Sin tax bill, usa ka ‘anti-cancer’ bill
TAGBILARAN CITY, Bohol, Sept. 03 (PIA)–Nanghinaot ang Department of Health (DOH) nga mahimo nang balaod sa mas daling panahon ang “Sin Tax” bill, nga gikonsiderar nilang “Anti-Cancer bill.”
Matud pa ni DOH Usec. Teodoro Herbosa, ang Substitute Excise Tax and Reform Bill o mas gi-ila nga ‘Sin Tax’ bill nagtinguha nga maalimahan ang maayong panglawas sa mga Pinoy.
Giingong malikayan ang pagbaton og mga sakit sama sa lung cancer mao nga gisuportahan sa ilang ahensya ang maong balaodnon
Giseguro usab ni Herbosa nga dili kini angay ikabalaka sa mga mag-uuma og tabako tungod kay ang kitaon gikan sa taripa niini igahin man alang kanila.
Gawas sa pag-alima sa maayong panglawas, makadaginot usab ang gobyerno sa higayong mahimo nang balaod ang “Sin tax” bill tungod kay mokabat man sa P188 bilyon matag tuig ang galastohan sa gobyerno sa pagpatambal sa mga katawhan nga adunay sakit tungod sa pagpanigarilyo.
Gibutyag usab ni Herbosa nga migawas sa mga pagtuon nga pinakadaghang kabus nga Pilipino ang tigpanigarilyo ug kadaghanan niini nagsugod sa 13 hangtud 15-anyos. (PIA-Bohol/ECB/I-hd)
by aimee | Sep 3, 2012 | Headlines, National News
TAGBILARAN CITY, Bohol, Sept. 03 (PIA)–Giseguro ni Budget Secretary Florencio “Butch” Abad nga andam ang ilang buhatan nga ihatag ang budgetary support alang sa transparency ug accountability efforts sa Korte Suprema.
“We are more than willing to support the Supreme Court’s drive for increased transparency, accountability, and openness in their budgetary activities. Among many solutions, we’re proposing the digitization of the High Court’s internal processes to boost operational efficiency and allow little to no room for abuse or irregularities,” matud pa ni Abad.
Dugang pa sa kalihim, giduso sa Department of Budget and Management (DBM) ang digitization sa internal processes sa Supreme Court aron mapalig-on ang operational efficiency niini ug malikayan ang mga iregularidad sa sistemang panghudikatura.
Pasabot pa ni Abad, kinahanglang magbutang og online system nga mag-publish o mag-anunsyo sa mga update sa mga kasong gihusay sa mga korte aron makita dayon sa publiko ang status sa ilang kaso, nga dili na kinahanglan pang moadto sa buhatan sa usa ka hukom.
Dugang pa sa kalihim nga ang National Budget makahimo usab pagmugna og usa ka internal and integrated Human Resources (HR) ug payroll management system sa Korte Suprema ug sa uban pang buhatan sa gobyerno.
Gi rekomendar usab ni Abad ang pagsagop sa initiative sama sa Government Integrated Financial Management and Information System (GIFMIS), nga magtugot sa hidikatura nga ma monitor ang allocations ug disbursements sa tibuok court system. (PIA-Bohol/ECB/I-gg)
El Niño Watch, gisaka na sa PAGASA
TAGBILARAN CITY, Bohol, Sept. 03 (PIA)–Gisaka na sa Philippine Atmospheric Geophysical and Astronomical Services Administration (PAGASA) ang El Niño Watch sa posibilidad nga maporma kini sa Pacific Ocean.
Sigun pa sa PAGASA Climate Monitoring and Prediction Section, posibleng karong buwan sa Setyembre mabati ang El Niño ug ang Visayas ug Mindanao ang posibleng ma-igo niini.
Pasabot pa sa PAGASA, below normal level ang ulan sa duha ka rehiyon nga maoy senyales nga maoy makasinati sa impact sa El Niño.
Nakig-alayon na ang PAGASA sa Department of Science and Technology (DOST) alang sa uban pang mahimong epekto sa El Niño. (PIA-Bohol/ECB/I-cc)
PRESS RELEASE
Philippine Information Agency
Tagbilaran City Information Center
411-2292/ 501-8554/ 0920 954 5482 email piabohol171@yahoo.com
2013 Holidays, gipagawas na sa Palasyo
TAGBILARAN CITY, Bohol, Sept. 03 (PIA)–Karon pa lang, mahimo nang tiguman ug pangandaman ang bakasyon sa pamilya alang sa sunod tuig human gipagawas na sa Malacañang ang mga deklaradong holidays sa 2013.
Base sa Proclamation 459 nga gilagdaan ni Presidente Benigno ‘Noynoy’ Aquino III niadtong Agosto 16, ang regular holidays mao ang mosunod: New Year’s Day, Enero 1 (Martes); Huwebes Santo, March 28; Biyernes Santo, March 29; Araw ng Kagitingan, Abril 9 (Martes); Labor Day, Mayo 1 (Miyerkules); Independence Day, Hunyo 12 (Miyerkules); National Heroes Day, Agosto 26 (Monday); Bonifacio Day, Nobyembre 30, (Sabado); Christmas Day, Disyembre 25 (Miyerkules); ug Rizal Day, Disyembre 30, (Lunes).
Samtang special non-working days ang Black Saturday, Marso 30; Ninoy Aquino Day, Agosto 21 (Miyerkules); All Saints Day, Nobyembre 1 (Biyernes).
Special non-working days usab ang Nobyembre 2, (Sabado); Disyembre 24, (Martes); ug Disyembre 31 (Martes).
Special holiday alang sa mga tunghaan lamang ang anibersaryo sa EDSA Revolution sa Pebrero 25 (Martes).
Giingong holiday usab ang Eid’l Fitr ug Eidul Adha apan i-anunsiyo na lamang kun kanus-a kini base na usab sa Islamic calendar. (PIA-Bohol/ECB/P-gg)
DOH: Sin tax bill, usa ka ‘anti-cancer’ bill
TAGBILARAN CITY, Bohol, Sept. 03 (PIA)–Nanghinaot ang Department of Health (DOH) nga mahimo nang balaod sa mas daling panahon ang “Sin Tax” bill, nga gikonsiderar nilang “Anti-Cancer bill.”
Matud pa ni DOH Usec. Teodoro Herbosa, ang Substitute Excise Tax and Reform Bill o mas gi-ila nga ‘Sin Tax’ bill nagtinguha nga maalimahan ang maayong panglawas sa mga Pinoy.
Giingong malikayan ang pagbaton og mga sakit sama sa lung cancer mao nga gisuportahan sa ilang ahensya ang maong balaodnon
Giseguro usab ni Herbosa nga dili kini angay ikabalaka sa mga mag-uuma og tabako tungod kay ang kitaon gikan sa taripa niini igahin man alang kanila.
Gawas sa pag-alima sa maayong panglawas, makadaginot usab ang gobyerno sa higayong mahimo nang balaod ang “Sin tax” bill tungod kay mokabat man sa P188 bilyon matag tuig ang galastohan sa gobyerno sa pagpatambal sa mga katawhan nga adunay sakit tungod sa pagpanigarilyo.
Gibutyag usab ni Herbosa nga migawas sa mga pagtuon nga pinakadaghang kabus nga Pilipino ang tigpanigarilyo ug kadaghanan niini nagsugod sa 13 hangtud 15-anyos. (PIA-Bohol/ECB/I-hd)
by admin | Aug 31, 2012 | Headlines, Local News / Bohol Balita
The Philippines and Indonesia are issued a Tsunami Alert following a 7.6 Magnitude Earthquake centered off the east coast, 91 miles (146 km) off the town of Guiuan in Samar province at a depth of about 20 miles (32 km), the U.S. Geological Survey said. The earthquake was felt around 9PM and lasted for a few minutes.
In Bohol, the earthquake was felt with more intensity in the northern towns of Talibon, Trinidad and Ubay being the towns in Bohol nearest to the epicenter. In Tagbilaran City, the intensity was mild but strong enough to be felt even at the ground level. Some residents evacuated their homes during the quake and some parents in Cadre Heights, Dampas District seen carrying sleeping children.
Residents in coastal areas are advised to seek higher ground due to the possibility of a tsunami.
by aimee | Aug 31, 2012 | Headlines, National News
TAGBILARAN CITY, Bohol, Aug. 31 (PIA)–Pormal nang gi-anunsyo ni Presidente Benigno “Noynoy” Aquino III si Secretary Mar Roxas isip bag-ong kalihim sa Department of the Interior and Local Government (DILG) isip hulip sa mipanaw na nga si Sec. Jesse Robredo.
Gi-anunsyo sa Presidente ang appointment ni Roxas sa Malakanyang karon lamang hapon.
Apil sa mga marching orders sa Presidente kang Roxas ang pag-atiman sa problema sa pulisya, BJMP, palapdan pa ang local governance ug pagbungkag sa private armies.
Dungan niini, gitudlo usab ni PNoy si Cavite Rep. Joseph Emilio Abaya sa Department of Transportation and Communications (DOTC) isip hulip ni Roxas.
Samtang ang congressional task ni Abaya itugyan na lamang sa mga opisyal sa Kongreso, ilabi na nga gi-gunitan niini ang sensitibo nga pwesto isip House appropriations committee chairmanship.
Si Roxas ug Abaya parehong taas nga opisyal sa ruling party nga mao usab ang partido nga gisakopan ni Robredo. (PIA-Bohol/ECB/I-gg)
Revised SALN ni CJ Sereno, gipakita na sa publiko; net worth, nikabat sa P18-M
TAGBILARAN CITY, Bohol, Aug. 31 (PIA)–Gipakita na ang kopya sa statement of assets, liabilities and net worth (SALN) ni Chief Justice Maria Lourdes Sereno pila ka adlaw human kini natudlo sa posisyon.
Base sa SALN, mikabat ang net worth sa bag-ong punong mahistrado sa P17, 985, 375.51.
Mas ubos kini kun itandi sa unang gipagawas nga P18, 029, 575.51 kagahapon.
Base sa opisyal nga pahayag sa Office of the Chief Justice, sayop ang napagawas nila kagahapon nga SALN ni Sereno ug ang kopya gikan sa clerk of court ang sakto.
Samtang, mikabat usab sa P19, 227, 578.85 ang kinatibuk-ang kantidad sa mga katigayonan ni Sereno.
Apil niini ang tulo ka house and lot sa Filinvest East, Cavite ug Davao apil na usab ang usa ka memorial lot sa Cavite ug usa ka lote sa Filinvest nga napalit niadtong tuig 2011.
Adunay tulo ka sakyanan nga nakapangalan kang Sereno (Toyota Altis 2005, Toyota Corolla 1997 ug second hand nga Mitsubishi Lancer 1993) ug cash sa bangko nga nagkantidad og P1, 185, 602.60.
Samtang mikabat usab sa P1, 242, 203.34 ang liabilities o utang sa chief justice. (PIA-Bohol/ECB/I-gg)
by aimee | Aug 30, 2012 | Headlines, National News
TAGBILARAN CITY, Bohol, Aug. 30 (PIA)–Milambo gamay ang gross domestic product (GDP) sa Pilipinas sa second quarter ning tuig.
Matud pa ni Acting Socio-economic Planning Secretary ug National Economic and Development Authority (NEDA) Director-General Arsenio Balisacan, nitala sa 5.9-percent ang growth rate sa nasud niining Abril hangtud Hunyo 2012 gikan sa 6.3-percent nga revised GDP alang sa buwan sa Enero hangtud Marso.
Bisan pa niini, giingong mas taas pa gihapon ang 5.9-percent kun itandi sa 5.3-percent nga market forecast.
Giingong nalabwan usab sa nasud ang average growth nga 4.7-percent alang sa mga miyembro sa Association of Southeast Asian Nations (ASEAN).
Nalabwan pa sa GDP sa Pilipinas ang economic growth sa Malaysia nga 5.4-percent, Thailand sa 4.2-percent, Vietnam sa 4.4-percent ug Singapore nga 2.0-percent.
Sigun pa kang Balisacan, daku ang natabang sa paglambo sa export industry ug turismo sa nasud sa paglambo sa ekonomiya.
Dugang pa sa kalihim, gipaspasan na ang pagpa-ayo sa mga naguba sa bagyo ug niaging mga kalamidad aron nahimong gamay lamang ang epekto niini sa economic growth sa mosunod nga quarter.
Giingong magpabilin usab ang target nga 5-percent hangtud 6-percent nga growth rate sa nasud ug kumpiyansa kining magpadayon ang maayong record sa mosunod nga quarter sa tuig. (PIA-Bohol/ECB/I-ed)
Bag-ong DILG chief, i-anunsyo sa Palasyo sa sunod semana
TAGBILARAN CITY, Bohol, Aug. 30 (PIA)–I-anunsyo na ni Presidente Benigno “Noynoy” Aquino III sa sunod semana ang mahimong mohulip sa namatay nga kalihim nga si Jesse Robredo isip bag-ong mamuno sa Department of Interior and Local Government (DILG).
Matud pa ni Presidential Spokesperson Edwin Lacierda, hinganlan sa Presidente ang bag-ong DILG Secretary sa dili pa kini moadto sa nasud sa Russia aron motambong sa Asia Pacific Economic Cooperation (APEC) Leaders’ Meeting.
Sa pagkakaron, si Executive Secretary Paquito “Jojo” Ochoa ang nibarug isip officer-in-charge sa gibiling pwesto ni Robredo.
“He will name a replacement before he leaves for Russia. We will make the announcement at the proper time. The President recognizes the need for the replacement,” ani Lacierda.
Naa ubos sa buhatan sa DILG ang pagtutok sa mga lokal nga kagamhanan sa nasud, ang pulisya, Bureau of Fire Protection ug uban pa. (PIA-Bohol/ECB/I-gg)
