by magnolia_eic | Jan 11, 2012 | Headlines, National News
TAGBILARAN CITY, Bohol, Jan. 10 (PIA)–Gitudlo karon ni Presidente Benigno “Noynoy” Aquino III si M/Gen. Lauro Catalino dela Cruz isip bag-ong commanding general sa Philippine Air Force (PAF).
Kini human sa pagretiro ni Lt. Gen. Oscar Rabena, gihinganlan nga commander-in-chief si Dela Cruz isip mosunod nga hepe sa PAF.
Si Dela Cruz usa ka miyembro sa Philippine Military Academy Class of 1980.
Sa wala pa gitudlo sa pinakataas nga posisyon sa PAF, si Dela Cruz nangatungdanan isip
chief of air staff ug kanhi commander sa 205th Tactical Helicopter Wing.
Si Dela Cruz adunay diploma gikan sa Massey University sa New Zealand ug Master’s Degree in Management.
Ganinang buntag, gitambungan ni Presidente Aquino ang turn-over ug retirement ceremonies kang Rabena sa Villamor Air base, Pasay City. (PIA-Bohol/ecb)
by magnolia_eic | Jan 9, 2012 | Headlines, National News
TAGBILARAN CITY, Bohol, Jan. 09 (PIA)–Planong pulongon sa Department of the Interior and Local Government (DILG) sa katapusang semana sa Enero o unang semana sa Pebrero ang mga opisyal sa lugar nga kuyaw sa landslide ug flashflood nga gitumbok sa Mines and Geosciences Bureau (MGB) sa Department of Environment and Natural Resources (DENR).
Sa usa ka radio interview, gipahayag ni DILG Secretary Jesse Robredo nga ipatawag nila ang mga lokal nga opisyal nga namuno sa mga natumbok nga lugar ug dungan nila kini pagapulongon.
Kalabot usab sa nahitabong landslide sa Pantukan, Compostela Valley, miingon si Robredo nga nadesisyona nang ipasirado ang mga tunnel nga kuyaw ug puwersahan na usab nilang ibakwit ang mga residenteng naa sa danger areas aron maguba na kini sa Armed Forces of the Philippines (AFP) ug Philippine National Police (PNP) ug dili na nila mahimong balikan pa.
Gawas sa tunnel sa Pantukan, susihon usab ang uban pang tunnel sa Compostela Valley nga kinahanglan nang ipasirado o selyuhan. (PIA-Bohol/ecb)
by magnolia_eic | Jan 9, 2012 | Headlines, Local News / Bohol Balita
TAGBILARAN CITY, Bohol, Jan. 09 (PIA)–Gipaabot na usab ang laing pagsaka sa presyo sa lana dinhi sa lalawigan sa Bohol.
Ang oil distributors dinhi sa Bohol mi-kompirmar nga nadawat na nila ang pahimangno gikan sa kaulohan ug nagpaabot na lamang sa tukmang petsa sa pagpatuman niini bisan unsang orasa sulod ning semanaha.
Usa sa gikatahong hinungdan mao ang pagsaka sa presyo sa world market. I-dugang pa usab niini ang padayong kagubot sa mga nasud sa Bahrain ug Syria.
Ang mga oil companies sa nasud nakadawat og mga komentaryo ug pagsaway gikan sa mga motorista ug mga militanteng grupo nga mibahad sa pagpahigayon og mga lihok-protesta sa nagkalain-laing bahin sa nasud.
Kahinumdoman nga niadtong Martes sa miaging semana, pipila ka mga kompanya sa lana ang nipasaka sa presyo sa lana.
Sa iyang bahin, si Gob. Edgar Chatto mipasalig sa mga Bol-anon nga ang gimugna’ng review team sa Department of Energy (DOE) nga gipangunahan sa Director sa DOE-Oil Industry Management Bureau nga si Zenaida Monsada, nagsugod na sa paghimo ug mga rekomendasyon sa pagsulbad sa taas nga presyo sa lana dinhi sa Bohol kun itandi sa atong mga silingan’g lalawigan. (PIA-Bohol/ecb)
by magnolia_eic | Jan 9, 2012 | Headlines, National News
THE growing number of reactions to the new slogan of the Department of Tourism, whether online or in print media, is proof that the campaign to attract more visitors to the Philippines is working, a Palace official said on Sunday.
Deputy Presidential Spokesperson Abigail Valte said more and more Filipinos are getting “on board” and joining the government’s move to present the country as the best place to visit in 2012.
The DOT recently launched the “It’s more fun in the Philippines” campaign as part of its intensive efforts to promote the country as a premiere tourist destination.
Valte said that the debates and intrigues triggered by this new slogan “attest that it is more fun in the Philippines.”
“If you check the reactions on line, everybody is getting on board, everyone is having fun with the slogan,” Valte said.
She expressed confidence that this new campaign of the DOT will succeed to bring in the volume of tourist arrivals this year.
“The measure of how effective the slogan is will be, in the numbers, in the figures, in the number of tourist arrivals that the country will have,” Valte said.
“We will be able to measure by the number of tourist arrivals na madadala nitong “Its more fun in the Philippines” campaign,” she added. (pcoo)
by magnolia_eic | Jan 6, 2012 | Headlines, National News
TAGBILARAN CITY, Bohol, Jan. 05 (PIA)–Giseguro karon sa Malacañang nga adunay manubag sa nahitabong trahedya sa Napnapan, Pantukan, Compostela Valley diin 25 na katawo ang kumpirmadong namatay ug daghan pa ang nangawala.
Matud pa ni Presidential Spokesman Edwin Lacierda, imbestigahan ang landslide ug nganong daghan ang casualties.
Sigun pa kang Lacierda, dugay nang gimandu ang forced evacuation apan wala kini gihimo sa local government unit (LGU).
Dugang pa ni Lascierda, ila usab tinuon kun nganong nagpadayon pa gihapon ang small- scale mining bisan pa sa suspension sa pagpagawas og mining permit niadto pang Abril 19, 2011.
Gitumbok ni Lacierda nga lisod dawaton ang palusot sa LGU nga layo ang lugar ug nagmagahi ang mga residente mao nga wala napatuman ang evacuation. (PIA-Bohol/ecb)
by magnolia_eic | Jan 6, 2012 | Headlines, National News
TAGBILARAN CITY, Bohol, Jan. 05 (PIA)–Human sa serye sa konsultasyon, pormal nang gi- endorso gahapon ni Presidente Benigno ‘Noynoy’ Aquino III ang kontrobersyal nga Freedom of Information Act (FOI).
Ang “go signal” ni Aquino nga iduso sa Malacañang ang suporta sa FOI bunga sa duha ka oras nga pakigpulong niini sa mga cabinet members gahapon nga maoy gitahasan niyang mohimo ug pagtuon ug konsultasyon sa mga stakeholders kalabot sa maong hisgotanan.
Kahinumdomang nagduhaduha ang Pangulo nga suportaan kaniadto ang FOI bill tungod sa kahadlok nga maabuso ang katungod sa publiko sa information access.
Bisan pa niini, gipahibalo gahapon ni Presidential Communications Operations Office Undersecretary Manolo Quezon nga human ang pakigpulong nila sa Pangulo, giingong nidesisyon na kining suportahan ang balaodnon agig suporta na usab sa kadaghanang uyon
niini.
Gawas pa, adunay kondisyon si Aquino kalabot niini nga dili ipadayon ang balaodnon sa Information Commission ug magbutang og limitasyon sa information access sa publiko kun magbutang kini sa kakuyaw sa peace and order ug seguridad sa nasud.
Gipaabot usab sa Malacañang nga mapasar dayon sa 15th Congress ang FOI bill apan giingong dili na kinahanglan pang isertipika kini isip “urgent bill” tungod kay naa na kini sa committee level sa Kamara.
Ang FOI bill mag-awtorisa sa publiko nga magbaton og access sa mga records sa government transactions, pakigpulong, ug uban pang gitakda sa Konstitusyon. (PIA-Bohol/
ecb)
