by magnolia_eic | Feb 14, 2011 | Headlines, National News
PADAYONG gipaningkamotan sa mga tinugyanan ug tigpatuman sa balaod nga molampos sa una
niining tumong: kunhoran sa 50% ang suliran sa drugas karong tuiga.
Matud sa hepe sa Philippine Drug Enforcement Agency dinhi sa Bohol, sa pagpakigtambayayong sa
kapolisan ug kagamhanang probinsyal lakip na ang mga concerned citizens, nahimo nila ang sunod-
sunod nga kadaugan batok sa illegal nga drugas.
Sa kasayuran nga nahipos kabahin sa mga kasagarang gi-agi-an sa drugas paingon sa Tagbilaran,
gipahimutang usab ang mga pagronda tumong sa pagpasira ning mga agi-anan, padayag ni Jeanette
Reyes kinsa maoy hepe sa PDEA.
Dungan usab niini, gilakbitan ni Reyes pag-ingon nga bag-o lang napalakip nga regulated drug ang
Nubain, kini subay sa gi-lista nga mga illegal nga drugas segun sa balaod.
Pasabot sa babayeng hepe sa PDEA nga ang Nubain, sanglit itusok o i-inject sa lawas mao usab
kasagaran hiningdan sa sinugdanan sa hepatitis, Human Immune Deficiency virus (HIV) ug uban
pang sakit nga makatakod.
Kay may gamit sisp tambal, ang si kinsa nga magkit-ang magbitbit og Nubain mahimo na nga dakpon
ilabi na kon walay resita nga daa o walay permit ang parmasya nga gipalitan. (racPIABohol)
by magnolia_eic | Feb 14, 2011 | Headlines, Local News / Bohol Balita, National News
KON may maghatag sa desisyon sa kasong gisang-at kabahin sa diskwalipikasyon ni kanhi Kalihim sa
Agricultura nga si Arthur Yap, kini dili na ang Commission on Elections.
Kini ang unod sa desisyon nga giluwatan sa COMELEC sa pagdason niini sa unang desisyon sa
pagbasura sa diskwalipikasyon nga gipasaka batok ni Yap sa pundok nga PAMALAKAYA.
Matud sa Comelec sa iyang bag-ong desisyon, naproklama na si Yap ug tungod niini, wala lay
hurisdiksyon ang Comelec sa kaso kaya buhaton na kini sa Electoral Tribunal sa Ubos Balay
Balaoranan.
Kahinumduman nga mipasaka ug motion for reconsideration and Pamalakaya sa desisyon sa Comelec
apan naapsan kini sa pagprokamar ni Yap isip representante sa ikatulong Distrito sa Bohol.
Gitumbok sa Comelec ang Section 17, Article VI sa 1987 Constitution nga naglatid nga ang senado ug
Kongreso nga Electoral tribunal na ang modesisyon sa mga kaso o reklamo batok sa mga sakop niini
ilabi na sa mga hisgutanan kabahin sa eleksyon ug diskwalipikasyon niini. (racPIABohol)
by magnolia_eic | Feb 14, 2011 | Headlines, National News
GI TUN-AN sa gobyerno ang pagpadala og emisaryo sa Taiwan aron ipasabot ang
kasungian mahitungod sa pagpa-deport sa 14 kaTaiwanese paingon sa China.
Niingon si Justice Secretary Leila de Lima nga mahimong ipaagi ra usab sa Manila Economic
and Cultural Office (MECO) ang himuong pagpasabot sa Taiwan.
Gipasabot ni De Lima nga gihimo lamang sa Pilipinas ang maong lakang aron
maprotektahan ang interes sa nasud sa giingong gihimo lamang dangpanan sa mga langyaw
ang atong nasud alang sa mga kriminal nga aktibidad.
Apan gipahinomdum sa kalihim nga adunay nahimong kasabutan tali sa Taiwan ug China
mahitungod sa prosekusyon sa mga dili mosunod sa ilang mga balaod.
Tungod kay dili naman parte niini ang Pilipinas, ang Beijing ug Taipei lamang daw ang
makasulbad sa maong hilisgutan. (ecbPIABohol)
by magnolia_eic | Feb 14, 2011 | Headlines, National News
GILAGDAAN na ni Presidente Benigno “Noynoy” Aquino III ang Executive Order (EO) 24 nga
nagtakda ug naghatag og limitasyon sa suholan, incentive ug per diem sa mga miyembro
sa Board of Directors ug Board of Trustees sa mga Government-Owned and Controlled
Corporation (GOCC) ug Government Financial Institution (GFI).
Katuyuan sa maong EO nga adunay transparency, accountability ug mapatuman ang
saktong paggasto sa pondo sa gobyerno.
Base sa EO, mag-agad ang suholan sa mga opisyal sa mga GOCC ug mga GFI sa gidak-on
sa korporasyon ug kita niini. Apil na usab nga mag-agad sa performance sa matag opisyal
ug sa tibuok korporasyon, diin ang ilang suholan, dili na usab molayo sa kita sa mga ana-a
sa pribadong sektor ug subject sa approval sa Presidente.
Gidili na ang pagpanghatag og annual retainers fee ug stock plans sa mga opisyal, samtang
ang mga miyembro sa gabinete nga ex-officio board members sa GOCC ug GFI, dili na
tugotang modawat og dugang kumpensasyon sa ilang serbisyo.
Epektibo ang bag-ong kamanduan human kini mapatik sa mga nag-unang pamantalaan.
(ecbPIABohol)
by magnolia_eic | Feb 11, 2011 | Headlines, Local News / Bohol Balita
Tagbilaran City, Bohol – SI Lt. Col. Romeo Brawner Jr., ang Commander sa Special Forces
sa Armed Forces of the Philippine (AFP) dinhi sa lalawigan sa Bohol miuyon sa sugyot
ni Senador Gringo Honasan nga himuong close door ang gipahigayong pagpakisusi sa
giingong anomaliya sa pagdumala sa gahing pondo sa Armadong Kusog sa nasud.
Kini tungod kay ang maong imbestigasyon nga gipahigayon sa Senado midahig og mga
dagkong opisyales sa militar.
Giluwat ni Brawner kining maong pamahayag agig reaksiyon sa gisangpotan ni Ret. Gen.
Angelo Reyes.
Gipahayag usab ni Brawner atol sa programang Inyong Alagad sa istasyon DYRD-AM
nga mas maayo nang dili e-live coverage sa telebisyon ang imbestigasyon aron malikayan
ang “trial by publicity” tungod kay murag sad-an naman ang pagtratar sa mga nag-
imbestigang Senador ngadto sa ilang mga gipang-imbita.
Sa tan-aw ni Brawner, murag gipaka-ulawan raman sa mga Senador ang mga gipang-dapit
nga mga resource persons. Nanghinaut usab si Brawner nga likayan na unta ni Senador
Trillanes nga himuong personalan ang iyang pagpangutana sa ilang mga resource persons
nga ilang gipang-imbitar ngadto sa Senado.
Ang mga anomaliyang gipang imbestigahan sa Senado karon giingong dugay nang nahitabo
ug gani duna nay mga lakang sa pag-reporma sa sistema sa AFP apil na niini ang pagpa-
usbaw sa mga suholan sa mga kawani niini gawas pa nga nabilanggo naman gani ang mga
gipasanginlan.
Matud pa nga dugay nang giwagtang ang opisina sa comptroller sa AFP og gihulipan na
og upat ka nagkalain-laing buhatan nga maoy nag atiman sa paggasto sa pondo sa militar.
(PIA-Bohol/lvbongosia)
by magnolia_eic | Feb 11, 2011 | Headlines, National News
FORMER Armed Forces of the Philippines chief of staff Roy Cimatu denied receiving millions
of pesos as “pabaon” (sendoff gift) upon his retirement from the military, even as he said he
is ready to face an investigation into the matter.
Cimatu made the denial in an interview as he arrived at the Ninoy Aquino International Airport
from the Middle East past 10 p.m. Tuesday night.
Cimatu, special envoy to the Middle East, was instructed to return to the country. He arrived
on an Emirates flight from Dubai.
Cimatu had been sent to Egypt to check on the situation of Filipinos there amid protests
against President Hosni Mubarak, but the mission was called off.
The report quoted Cimatu as saying he is ready to face an investigation on the matter to end
the controversy once and for all.
Last Thursday, former AFP fund manager retired Lt. Col. George Rabusa told a Senate
hearing Cimatu received a P80-million pabaon upon his retirement. (PIA)
