by admin | Dec 20, 2016 | Headlines, Major Events, Malakanyang Updates, National News
MANILA, December 20 (PIA)—Gihupay sa Malakanyang ang kahadlok sa mga Pilipino sa mga nahitabong extrajudicial killings o summary execution kalabot sa anti-drug war ni PresidenteRodrigo Duterte.
Reaksiyon kini sa Malakanyang sa resulta sa Social Weather Stations (SWS) survey karong katapusang kwarter diin 78% sa mga Pinoy ang giingong nahadlok sa ilang seguridad taliwala sa extrajudicial killings sa nasod.
Matud pa ni Presidential Communications Office (PCO) Kalihim Martin Andanar, gi-ila sa Malakanyangang “concern” sa katawhang Pilipino kalabot sa ilang kahilwasan sa gihingosgang kampanya batok sa ilegal nga droga.
Dugang pa sa Kalihim, ang anti-illegal drug campaign sa gobyerno wala naka-sentro sa mga inosenteng katawhan ug dili usab polisiya sa estado ang pagpahigayon sa extrajudicial killings tungod kay supak man kini sa balaod.
Gitataw ni Andanar nga ang mga napatay nga kriminal nga nalambigit sa ilegal nga droga hinimo man sa mga “common criminal” ug gipasangil lamang sa mga operatiba sa gobyerno.
Apan giseguro sa Kalihim nga patubagon sagobyerno ang mga polis nga nakalapas sa operational procedure batok sa mga illegal drug suspects.
Gitumbok pa ni Andanar nga sa susamang survey sa SWS, napadayon ni Presidente Duterte ang taas nga pagsalig sapubliko sa iyang anti-illegal drugs campaign human makakuha og 85% nga satisfaction rating.
Tungod niini, nagpasalamat ang Malakanyang sa padayon nga pagsalig nga gihatag sa publiko kang Presidente Duterte.
Pasalig pa ni Andanar, siguradohon sa administrasyon nga respetuhon ang balaod ug ang tawhanong katungod sa matag usa. (ecb/PIA7-Bohol)
by admin | Dec 20, 2016 | DOH Updates, Headlines, Health and Medicine, Local News / Bohol Balita
TAGBILARAN CITY, December 20 (PIA)—Nagdeklara rnaog code white alert ang Department of Health (DOH) sa tanang pampublikong ospital sa tibuok nasod.
Kini isip parte sa pagpangandam sa DOH sa nagsingabot nga Pasko ug pagsugat sa Bag-ong Tuig.
Ang deklarasyon sa code white alert s aDOH maoy senyales sa pagsugod og pag-ihap sa mga mabiktima sa pabotoo mga disgrasya nga dunay kalambigitan sa paboto.
Ubos sa code white alert sa DOH, dili tugotang mag-leave ang mga empleyado sa mga ospital sa gobyerno.
Kinahanglan usab nga kumpleto ang mga kawani sa mga kritikal nga dibisyon sa usa ka ospital bisan unsang oras nga adunay moabot nga pasyente.
Dungan niini, miingon si DOH Kalihim Paulyn Ubial nga iduso niya ang pagbaton og community fireworks display aron malikayan na ang gidaghanon sa mga maangol tungod sa pagpaboto matag pagsugat sa Bag-ongTuig.(ecb/PIA7-Bohol)
by admin | Dec 19, 2016 | Headlines, Local News / Bohol Balita, Major Events
TAGBILARAN CITY, December 19 (PIA)—Ipagawas na sa Department of Labor and Employment (DOLE) sa Disyembre 28 ang ilang Department Order 30 nga maghugot sa implementasyon sa balaod batok kontraktwalisasyon.
Gitawag sa buhatan ang maong kamanduan nga “DO 30” isip pag-ilakang Presidente Rodrigo Duterte ug sa kampanya niini batok kontraktwalisasyon.
Ihulipang DO 30 sa DO 18-A o ang mga sumbanan sa pagpatuman sa Articles 106-109 sa Labor Code.
Matud pa nga ang pipila ka probisyon sa DO 18-A ni sobra sa kun unsa ang gitugotan sa balaod diin usa na niini mao ang pag-regulate sa kontraktwalisasyon nga wala ni subay sa mga probisyon sa Labor Code.
Giingong ang DO 30 mao ang gipalapdan nga DO 18-A.
Ubos sa kasamtangang labor code, mahimo lamang magbaton og contractual arrangement ang mga kumpanya alang sa mga posisyon nga project-basis o seasonal ug kun ang empleyado parte sa core function sa operasyon sa kumpanya.(ecb/PIA7-Bohol)
by admin | Dec 19, 2016 | Headlines, Health and Medicine, National News
MANILA, December 19 (PIA)—Gipahibalo sa Department of Health (DOH) nga sugod sa 2017, libre na ang pagpa-ospital ug mga tambalalang sa mga kabos, walay trabaho ug senior citizens.
Matud pa ni DOH KalihimPauline Rosell-Ubial, nisakana ang pondo alang sa serbisyong-medikal aron malakipang hospital needs sa mga kabos nga Pilipino.
Gipasabot ni Ubial nga basta Pilipino, sakop na sa Philhealth ug ang kinahanglan lamang mao nga makumpirma rnga kabos kini aron mapasulod sa sponsored program saahensiya.
Ubos sa Medicines Access Program, mopalitang DOH og mga tambal nga kasagarang kinahanglan sa katawhan ug mao kini ang ihatag sa mga ospistal aron ipangapud-apod.
Matud pa nga ang subsidiya alang sa maong mga serbisyo maggikan sa dugang-pondo ngagi-request saDOH sa Kongreso.
Giingong dili angay mabalaka ang mga kabos nga non-Philhealth members tungod kaya dunay P5 bilyon nga gigahinalang niini base sa giingon ni Presidente Rodrigo Duterte.(ecb/PIA7-Bohol)
by admin | Dec 19, 2016 | Edukasyon Updates, Headlines, National News
MANILA, December 19 (PIA)–Giseguroni Commission on Higher Education (CHED) Chairperson Patricia Licuanan nga libre na sa sunod tuig ang mga estudyante sa mga State Universities and Colleges.
Kini human gipalig-on ang tuition budget alangsamga SUC’s ngamokabatsa P8.3 bilyonngaparte sa2017 National Budget nga P3.35 Trilyon.
Alangsa 2017, mokabatsa P10 bilyonang budget saCHED.
Matud pa ni Sen. Loren Legarda, Chairperson sa Senate Finance Committee nga aprubado na usab ang pondo alang sa Students Financial Assistance Program (StuFAPs).
Makapahimos sa maong pondo ang mga dili mahatagan og libreng matrikula sa mga estudyante sa mga SUCs.
Sa kasamtangan, mokabat na sa 113 ang gidaghanon sa mga State Universities and Colleges matud pa sa record saCHED.(PIA-Bohol/ecb)
by admin | Dec 15, 2016 | Headlines, National News
MANILA, December 15 (PIA)–Ipagawas na sa sunod semana sa Bangko Sentral ng Pilipinas (BSP) ang mga bag-ong salaping papel nga nilagdaan na ni Presidente Rodrigo Duterte.
Matud pa ni BSP Governor Amando M. Tetangco, andam na ang unang batch niini ug gipaabot nga mapagawas na kini sunod semana human makumpleto ang proseso sa releasing sa mga bangko.
Sukad karon, mag-imprenta lamang ang BSP og mga salaping papel nga adunay lagda ni Presidente Duterte ug giingong gitan-aw na usab nila nga makapagawas og mga bag-ong sinsilyo.
Kalabot niini, gipahinomdoman usab sa BSP ang publiko kalabot sa demonitization sa mga daang salaping papel ubos sa New Design Series (NDS) sa dili pa ang deadline niini sa Disyembre 31.
Sugod sa Enero 1, 2017, dili na dawaton ang mga daang salaping papel ubos sa NDS nga gi-imprenta niadtong tuig 1985 ug kadto lamang mga salaping papel ubos sa New Generation Currency (NGC) o mga gi-imprenta niadtong tuig 2010 na lamang ang dawaton sugod sunod tuig. (PIA-Bohol/ecb)
