July 23, Anti-Dengue Clean-up Launching Day in Bohol

by aimee | Jul 19, 2012 | Headlines, Health and Medicine

TAGBILARAN CITY, Bohol, July 19 (PIA)–As July 23, 2012 (Monday) has been declared by His Excellency President Benigno S. Aquino III as a special non-working holiday for the province of Bohol and the City of Tagbilaran, Governor Edgar M. Chatto enjoins all Boholanos to be one with the Provincial Government in devoting the day to an anti-dengue clean-up of their surroundings.

Although Bohol Day falls on a Sunday this year and will be so commemorated on that day, a presidential proclamation issued by Malacañang confirmed a request from the Office of the Governor to declare Monday, July 23, as a special, non-working holiday.

By virtue of Executive Order No. 25, dated July 9, 2012, the governor declared July 23 as a special Anti-Dengue and Clean-up Day, in response to the recent spate of heavy rains and the rising reported incidence of suspected dengue cases in the province.

With Monday freed up, the governor urges all Boholanos to conduct a concerted community clean-up on the said day to help prevent the spread of the dread disease, keeping in mind to seek and destroy breeding places of dengue mosquitoes, such as discarded tires, drums, cans, bottles, gutters, and other places where there may be stagnant water.

Chatto further pushed for the need for every member of the community to take part in the clean-up stressing that dengue may strike anyone, whether rich or poor.

The governor also reminds the public of the Department of Health’s 4S strategies against dengue: search and destroy breeding places of dengue mosquitos; self-protection measures; seek early consultation; and say “No!” to indiscriminate fogging.

In a meeting at the Governor’s Mansion yesterday called by the governor involving all sectors of the community, habit-forming activities against dengue were also planned out to sustain efforts to eliminate dengue cases and deaths in the province, which had been increasing nationwide due to the dreaded mosquito-borne virus. (PIA-Bohol/ecb)

AFP: 30 Chinese fishing vessel nga naa sa Spratly, wala sa teritoryo sa PH

by aimee | Jul 19, 2012 | Headlines, Health and Medicine

TAGBILARAN CITY, Bohol, July 19 (PIA)–Wala sa teritoryo sa Pilipinas ang 30 ka Chinese fishing vessel bisan naa kini sulod sa Spratly Group of Islands.

Kini ang gitin-aw sa Armed Forces of the Philippines Western Command (AFP WesCom) nga may sakop sa mga islang gi-okupahan sa Pilipinas sa Spratlys.

Matud pa ni WesCom Commander Lt. Gen. Juancho Sabban, 100 milya gikan sa Pag-Asa Island ang Kagitingan Reef ug dugay na kining gi-okupar sa China.

Kun sukdon, mokabat sa kapin 300 nautical miles ang gilay-on sa Kagitingan Reef sa Puerto Princesa, Palawan nga lapas na sa 200 nautical mile exclusive economic zone (EEZ) sa nasud.

Kalabot usab sa misadsad nga Navy vessel sa China sa Hasa-Hasa Shoal nga nasulod sa EEZ sa nasud, giingong posibleng miagi lang kini ug wala man nag-angkla ug gipugngan ang mga mangingisdang Pilipino sa maong lugar. (PIA-Bohol/ecb)

DOH: 2 ka batang nagpositibo sa Enterovirus, maayo na ang kahimtang

TAGBILARAN CITY, Bohol, July 19 (PIA)–Maayo na ang kahimtang sa duha ka batang Pinoy nga nagpositibo sa Enterovirus.

Matud pa ni Department of Health (DOH) Assistant Secretary Eric Tayag, gitino na lang nila kun nakagawas na sa tambalanan ang duha ka bata.

Padayon usab nga nagdumili si Tayag nga ibutyag kun asa nga tambalanan na-confine ang mga bata hangtud wala pa napagawas sa Research Institute for Tropical Medicine (RITM) ang resulta sa laboratory tests niini.

Giingong gipaabot nga karon o ugma mogawas ang resulta sa pagsusi sa RITM kun unsang strain sa Enterovirus ang mi-igo sa mga bata, kun susama ba sa EV-71 nga nakaingon sa kamatayon sa daghang mga bata sa Cambodia.

Apan bisan pa niini, nagtuo si Tayag nga mild form lang sa Enterovirus ang mi-igo sa duha ka bata.

Gitataw usab sa DOH nga walay rason aron maalarma ang publiko taliwala sa taho tungod kay aduna gayud hand, food and mouth disease (HFMD) sa Pilipinas nga mild form lamang ug dili makamatay.

“The reason we reported this case is we wanted hospitals to report any suspected cases of HFMD and this is of course to also alert the public that the HFMD doesn’t have to come from other countries because we have them except that we don’t have fatal form of the disease,” matud pa ni Tayag. (PIA-Bohol/ecb)

DOH sa mga pribado ug publikong ospital: Ibalik ang dengue express lane

by aimee | Jul 18, 2012 | Headlines, Health and Medicine

TAGBILARAN CITY, Bohol, July 18 (PIA)–Gitambagan sa Department of Health (DOH) ang mga pribado ug pampublikong ospital nga ibalik ang dengue express lane.

Matud pa ni Health Assistant Secretary Dr. Eric Tayag, katuyuan niini nga mahatagan dayon og atensyong medikal ang mga pasyente nga adunay dengue nga idagan sa ilang tambalanan aron maatiman dayon ang mga pasyenteng nanginahanglan og confinement.

Kini atubangan sa pagdaghan sa dengue cases sa nasud diin sukad Enero 1 hangtud Hulyo 7, mikabat na sa 46,651 ug 294 niini ang namatay.

Nag-una sa mga lugar nga adunay pinakadaghang kaso sa dengue ang National Capital Region (NCR) sa 23.1% o 10,775 ug 55 ang patay; Region III nga may 15.06% o 7,024 ug 13 ang patay; ug Region IV-A nga nakatala og 13.3% o 6,219 ug 42 patay ang patay.

Dinhi sa lalawigan sa Bohol, natala sa buhatan sa Provincial Health Office (PHO) ang 169 ka kaso sa dengue ug 8 ang patay sukad Enero hangtud sa unang semana sa Hunyo ning tuiga. (PIA-Bohol/ecb)

DOH makigtigom sa mga pediatrician aron i-alerto sa EV-71

by aimee | Jul 18, 2012 | Headlines, Health and Medicine

TAGBILARAN CITY, Bohol, July 18 (PIA)–Gitakdang makigtigom ang Department of Health (DoH) sa Biyernes sa mga pediatrician isip pagpangandam sa human enterovirous 71 o EV-71.

Matud pa ni DoH spokesman ug assistant secretary Dr. Eric Tayag, ipatawag ang mga pediatrician pinaagi sa Philippine Pediatric Society aron makatabang sa pagpangandam sa sumbanan kalabot sa mga pasyenteng gitohuang adunay EV-71.

Dugang pa ni Tayag, gitahasan na nila ang mga ospital nga motaho sa DoH kalabot sa mga kaso sa hand, foot and mouth disease (HFMD).

Tambag sa ahensiya sa mga ginikanan, dalhon dayon sa ospital ang ilang mga anak nga adunay sintomas sa HFMD sama sa hilanat, kakapoy, ubo, pagkalibanga ug makitaan usab ug mga hubag-hubag sa nagkalain-laing parte sa lawas o skin rashes.

Una niini, gikumpirmar kagahapon sa DoH ang duha ka batang nag-positibo sa enterovirus.

Apil ang duha sa pito ka specimen nga gidala ug gisusi sa Research Institute for Tropical Medicine (RITM) sa syudad sa Muntinlupa.

Apan gitataw ni Tayag nga bisan kumpirmadong EV case ang duha ka bata, kumpirmahon pa gihapon nila kini kun ang maong EV-71 strain ang nakaingon sa kamatayon sa daghang mga bata sa Cambodia nga nagpangedaron og lima ka tuig pataas.

Gitambagan usab ang mga bata nga kanunay manghugas og kamot tungod sa maong sakit nga mahimong mokatap pinaagi sa hugaw sa tawo, laway ug gikan sa samad sa pasyente. (PIA-Bohol/ecb)

Pilipinas, nakaalerto batok sa ‘Cambodia respiratory disease’

by aimee | Jul 9, 2012 | Headlines, Health and Medicine

TAGBILARAN CITY, Bohol, July 09 (PIA)–Gi-alerto sa Depart­ment of Health (DOH) ang Bureau of Qua­ran­tine batok sa giingong bag-ong sakit nga ‘Cambodia respiratory disease’ nga maoy hinungdan sa kamatayon sa kadaghanan sa mga bata sa maong nasud.

Matud pa ni Health Secretary Enrique T. Ona, gitahasan na niya ang Bureau of Quarantine nga ipatuman ang hingpit nga pagsusi ug pag-amping sa pagpahigayon og screening procedures sa tanang mosulod sa mga international airports.

Apan gitataw ni Ona nga walay gidid-an sa mga moadto ug maggikan sa Cambodia.

Giingong sa pagkakaron, kasamtangang gi-mo­nitor sa DOH pinaagi sa National Epidemiology Center ang sitwasyon human mipahibalo ang World Health Organization (WHO) sa nasud kalabot sa maong sakit human nga natala sa Cambodia ang pagkamatay sa 60 ka bata nga pito ang panuigon paubos.

Migawas nga 74 ka pas­yente gikan sa Kingdom of Cambodia ang nakiitaan og trangkaso gikan Abril hangtud Hunyo.

Mikabat usab sa 56 pasyente ang namatay sukad sa 57 nga gidala sa ospital sa Phnom Penh samtang upat usab ang namatay sa Siem Reap.

Giingong kasagaran nangamatay sulod lamang sa 24 oras ang maong mga pasyente nga paspas ang komplikasyon sa pagginhawa.

Tungod niini, gi-aghat pa gihapon ni Ona ang publiko nga magpabilin sa kahinlo sa lawas ug kanunay nga paghugas sa mga kamot. (PIA-Bohol/ecb)

Senior citizens, may discount ug VAT exemption

sa mga medical equipments and services

TAGBILARAN CITY, Bohol, July 09 (PIA)–Sugod karon adlawa, Hulyo 9, epektibo na ang administrative order sa Department of Health (DOH) nga maghatag og 20% diskwento ug value added tax (VAT) exemption sa mga senior citizen nga mopalit og mga medical equipments ug manginahanglan og medical services.

Matud pa sa DOH focal person on health and well being of older person nga si Jing Guerrero, apil sa mga adunay discount ug VAT exemption ang mga medical device sama sa wheel chair, bedpan, body support, fracture sack, oxygen ug uban pa.

May discount ug VAT exemption usab ang mga senior citizen sa mga medical services sama sa x-ray, blood test, computerized tomography scans ug uban pa apil na ang professional fee sa mga doktor ug dentista.

Gipasabot ni Guerrero nga gawas pa kini sa deduction nga makuha sa mga senior citizen sa PhilHealth mao nga mas mapaubos pa ang galastohan sa mga senior citizen sa hospital ug medical services. (PIA-Bohol/ecb)