by aimee | Apr 4, 2013 | Headlines, Health and Medicine
TAGBILARAN CITY, Bohol, April 04 (PIA)–Walay angay ikabalaka ang publiko sa bag-ong bird flu virus nga H7N9 tungod kay wala pay dokumentadong kaso og human-to-human transmission.
Mao kini ang gipahayag ni Dr. Lyndon Lee Suy, hepe sa Emerging and Re-emerging diseases sa Department of Health (DOH).
Ning bag-o lang, makapatala og tulo ka kumpirmadong kaso sa maong sakit sa China diin duha niini ang unang namatay. Gawas pa sa bag-ong upat nga na-igo sa maong virus nga puro naa sa kritikal ang kondisyon.
“Ito pong H7N9 ay kakadiskubre lamang na virus sa China na sanhi ng pagkamatay ng ilang tao. As of now wala po tayong dapat ikabahala dito, although dapat naka-standby tayo anuman posibleng mangyari. Ang imbestigasyon po ay kasalukuyang isinasagawa sa China para malaamn po ang extent ng problema,” matud pa ni Suy.
Tungod niini, gipasalig sa DOH nga dili angay mag panic ang publiko kalabot sa maong bag-ong sakit tungod kay wala pay dokumentong kaso nga makatakod kini sa mga tawo.
Giingong gitino pa kun gikan ba kini sa langam, baboy o sa mga tawo. Dili pa usab klaro sa pagkakaron kun mutation ba o bag-ong matang sa mikrobyo ang maong virus. (PIA-Bohol/ecb/i-hd)
Overseas voting sa South Korea, dili apektado
TAGBILARAN CITY, Bohol, April 04 (PIA)–Giseguro sa Commission on Elections (Comelec) nga dili maapektuhan ang Overseas Absentee Voting (OAV) sa South Korea taliwala sa nagpabiling tensyon tungod sa gi-deklarang giyera sa North Korea.
Matud pa ni Comelec Chairman Sixto Brillantes, nakig-alayon man ang ilang gimugna nga Committee on Overseas Absentee Voting (COAV) sa mga opisyal sa Philippine Embassy to South Korea.
Base sa report sa buhatan ni Ambassador Luis Cruz, all set na ang kickoff sa OAV sa ilang lugar sa Abril 13 hangtud Mayo 13, 2013, ug wala man silay na-monitor nga mga problema.
Kalabot niini, nagpagawas na og abiso ang embahada alang sa mga Pinoy nga gustong mosalmot sa eleksiyon nga mahimong makita kun kinsa ang mga kuwalipikadong mo-botor, samtang ang mga wala kabotar sa niaging eleksiyon may higayon pang magpa-reactivate sa ilang record. (PIA-Bohol/ecb/i-gg)
by aimee | Mar 1, 2013 | Headlines, Health and Medicine
TAGBILARAN CITY, Bohol, Mar. 01 (PIA–Nagka-uyon kagahapon ang Government of the Philippines (GPH) ug Moro Islamic Liberation Front (MILF) panels sa Kuala Lumpur, Malaysia sa usa ka mahinungdanong annex sa Bangsamoro Framework Agreement.
Ang gitawag nga Annex on Transitional Arrangements and Modalities (TAM) nagdetalye sa road map alang sa pagmugna og usa ka Bangsamoro region.
Hulipan sa Bangsamoro region ang Autonomous Region in Muslim Mindanao (ARMM) nga giingong usa ka pakyas nga eksperimento.
Base sa joint statement, gilagdaan usab sa magka-atbang nga partido ang Terms of Reference for the Independent Commission on Policing (ICP)
Trabaho sa ICP ang mo-umol og mga rekomendasyon kun unsaon ang istruktura ug katungdanan sa pulis sa Bangsamoro.
Samtang padayon pang gihisgotan ang mga Annexes sa wealth-sharing ug power-sharing sa gobyerno ug MILF. (PIA-Bohol/ecb/i-sjp)
Sore eyes ug heat stroke, angay bantayan karong summer – DOH
TAGBILARAN CITY, Bohol, Mar. 01 (PIA–Nipasidaan ang Department of Health (DOH) nga magbantay sa mga sakit nga mahimong makuha karong ting-init sama sa sore eyes ug heat stroke.
Matud pa ni Health Assistant Secretary Paulyn Ubial, ang common illness o sakit nga makuha kun init ang panahon mao ang sore eyes ug heat stroke.
Sigun pa kang Ubial, pipila sa mga senyales sa heat stroke ang grabe nga pagka-uhaw, pagpamugnaw ug pagkalipong.
Kun dili kini madali og tagad, giingong mahimong mag-hallucinate o malipong ug mahimo usab kining ikamatay.
Tambag sa DOH sa publiko, mo inom og walo ka basong tubig o labaw pa niini matag adlaw, manarapo ug bugnaw nga labakara sa lawas, magsuot og preskong sapot ug likayan ang pagpa-init ilabi na gikan alas-10:00 sa buntag hangtud alas-2:00 sa hapon.
Sa saktong pagpanghugas og mga kamot, malikayan usab ang sore eyes. (PIA-Bohol/ecb/i-hd)
by aimee | Feb 18, 2013 | Headlines, Health and Medicine
TAGBILARAN CITY, Bohol, Feb. 18 (PIA)–GI-ALERTO sa Department of Health (DOH) ang tanang tambalanan sa tibuok nasud batok sa giingong usa ka matang sa virus nga susama sa Severe Acute Respiratory Syndrome (SARS).
Kini human sa labing bag-ong nakumpirmang impeksyon nga Novel Coronavirus (NCOV) sa United Kingdom.
Matud pa ni DOH Spokesperson Assistant Secretary Dr. Eric Tayag, gimanduan na nila ang tanang tambalanan sa tibuok nasud nga i-report dayon ang mga grabeng kaso sa pneumonia nga nag-negatibo sa influenza virus ug bacteria aron matino kini dayon.
Sa labing ulahing taho, giingong mikabat na sa 11 ang kumpirmadong kaso sa NCOV sa tibuok kalibotan diin lima na ang namatay sa Saudi Arabia ug Jordan.
Nakitaan ang mga apektadong pasyente og mga respiratory illness nga may kaubang hilanat, ubo ug lisud sa pagginhawa.
Apan giseguro sa DOH nga wala pay natalang kaso nga NCOV sa nasud mao nga walay angay ikabalaka ang publiko.
Sa pagkakaron, gitun-an pa sa mga health officials sa tibuok kalibotan ang NCOV infection.
(PIA-Bohol/ecb/i-gg)
by aimee | Jan 17, 2013 | Health and Medicine
THE Department of Education’s school-based feeding program (SBFP) targets over 42,000 severely-wasted beneficiaries in the person of children suffering from undernutrition to bring them back to health and improve their school performance.
Education Secretary Br. Armin A. Luistro FSC said the feeding program which is being implemented since October 2012 up to March 2013 provides nutritious meals to selected pupils suffering from severe malnutrition for 100 to 120 feeding days.
“Our specific target here are children who come to school on an empty stomach which results to absenteeism or poor school performance. This short-term hunger syndrome is observed among public elementary school children who do not eat breakfast or walk long hours to reach school,” Luistro explained.
Initially called breakfast feeding program, it was renamed SBFP so as not to limit the feeding to breakfast only and so that schools can decide what time to conduct the feeding program that will best address the nutritional needs of learners. It targets to cover some 42, 372 kindergarten to Grade 6 pupils from identified severely wasted children based on the nutritional status report of August 31, 2012. It aims to rehabilitate at least 70% of the severely-wasted beneficiaries to normal nutritional status at the end of the feeding days.
“At the end of the day, we want these target school children to improve their classroom attendance to up to 100% by improving their health and nutritional status,” Luistro added.
The SBFP has developed standardized recipes using malunggay and a 20-day cycle menu utilizing locally-grown vegetables produced from school gardens.
Schools not identified as SBFP beneficiaries may collaborate with the local government unit, non-government organizations, parent- teachers associations and other community stakeholders for the implementation of similar feeding programs. (DepEd)
by aimee | Jan 16, 2013 | Headlines, Health and Medicine
TAGBILARAN CITY, Bohol, Jan. 16 (PIA)–DILI angay mo kumpiyansa ang publiko sa pagkuyanap sa influenza o flu sa nasud, atubangan sa taas nga kaso niini sa Estados Unidos tungod sa bugnaw nga panahon o cold season.
Kini ang pasidaan ni Health Secretary Enrique Ona diin miingon kini nga bisan dili angay kahadlokan ang influenza, dili usab angay mo kumpiyansa tungod kay posibleng ikamatay kini ilabi na kun mapasagdan ug ang mga biktimang naigo niini adunay underlying illnesses o mga buntis ug mga bata.
Pipila sa angay nga bantayan ang hilanat nga may kaubang sore throat ug ubo.
Ang Influenza usa ka viral illness nga mahimong mokuyanap ug makatakod sa uban pinaagi sa droplets kun adunay gi-ubo o bisan nakig-estorya lamang og duol kaayo.
Matud pa ni Ona nga kuyaw gayud ang influenza sa mga bata, buntis, tigulang ug adunay mga sakit nga sama sa heart, kidney, o lung disease tungod kay mas mohinay ang ilang resistensya nga mahimong maule sa pneumonia complications
Apan gibutyag ni Ona nga makatabang ang flu vaccine ilabi na sa mga indibidwal nga may hinay nga immune system. (PIA-Bohol/ecb/i-hd)
Belmonte, kasamtangang caretaker sa 2nd Dist. sa Bohol
TAGBILARAN CITY, Bohol, Jan. 16 (PIA)–Kasamtangang mobarug isip caretaker sa ikaduhang distrito sa Bohol si House Speaker Feliciano Belmonte Jr.
Kini human nitaliwan na sa laing kalibotan niadtong Disyembre 25, 2012, si 2nd district Rep. Erico Aumentado tungod sa sakit nga pneumonia.
Giingong nagpasabot lamang kini nga direktang si Belmonte ang makipag-alayon sa mga staff sa nitaliwan nang kongresista kalabot sa mga operasyon niini ug kalabot na usab sa panginahanglan sa mga constituent niini.
Pasabot pa sa lider sa Kamara, wala nay ipahigayon pa nga special elections sa maong distrito tungod kay duol naman ang election sa Mayo.
Giingong ubos sa Republic Act 7166 o ang Synchronized National and Local Elections, sa higayong adunay permanenteng bakante sa Senado o Kamara usa ka tuig sa dili pa mahuman ang termino niini, mahimong magpatawag o magpahigayon og special election alang sa nabakanteng pwesto. (PIA-Bohol/ecb/p-gg)
by aimee | Dec 27, 2012 | Headlines, Health and Medicine
TAGBILARAN CITY, Bohol, Dec. 27 (PIA)–Gitun-an sa Department of Health (DOH) ang pagduso sa total ban sa paggamit sa mga paboto bisan mikunhod kini og 33 porsiyento karong tuig kun itandi sa niaging tuig.
Matud pa ni Health Secretary Enrique Ona, gikonsiderar sa DOH ang pag-ban sa individual use sa mga fireworks/firecrackers ug iduso nila ang pagbaton na lamang og community display sa mga fireworks aron padayong makuhaan ang gidaghanon sa mga biktima sa paboto.
Migawas nga gikan Disyembre 21-26, mikabat sa 72 fireworks-related injuries ang natala diin 71 niini tungod sa paboto samtang usa usab ang tungod sa stray bullet. Walay natala nga namatay samtang sa niaging tuig, mikabat sa 108 fireworks-related injuries ang natala diin 99 ang gikan sa paboto, 8 sa stray bullets ug usa sa aksidenteng pagkatulon sa paboto.
Kadaghanan sa mga kasong natala gikan sa National Capital Region (20), Western Viasayas (12), ug Cagayan Valley (6) samtang nakatala usab og tig-lima ka kaso ang CALABARZON, Central Visayas, ug Zamboanga Peninsula.
Kadaghanan sa mga biktima o 86% mga lalaki ug gikan siyam ka buwan ang panuigon hangtud 58-anyos.
Majority usab o 73% sa mga biktima nagbaton og blast injuries nga wala na nanginahanglan og amputation o wala naputli og parte sa lawas, 20% (14) ang naigo sa mata ug 4% (3) ang nabuthan nga may amputation o naputlan og parte sa lawas. (PIA-Bohol/ecb/I-gg)
