by magnolia_eic | Feb 11, 2011 | Headlines, Local News / Bohol Balita
Tagbilaran City, Bohol – SI Lt. Col. Romeo Brawner Jr., ang Commander sa Special Forces
sa Armed Forces of the Philippine (AFP) dinhi sa lalawigan sa Bohol miuyon sa sugyot
ni Senador Gringo Honasan nga himuong close door ang gipahigayong pagpakisusi sa
giingong anomaliya sa pagdumala sa gahing pondo sa Armadong Kusog sa nasud.
Kini tungod kay ang maong imbestigasyon nga gipahigayon sa Senado midahig og mga
dagkong opisyales sa militar.
Giluwat ni Brawner kining maong pamahayag agig reaksiyon sa gisangpotan ni Ret. Gen.
Angelo Reyes.
Gipahayag usab ni Brawner atol sa programang Inyong Alagad sa istasyon DYRD-AM
nga mas maayo nang dili e-live coverage sa telebisyon ang imbestigasyon aron malikayan
ang “trial by publicity” tungod kay murag sad-an naman ang pagtratar sa mga nag-
imbestigang Senador ngadto sa ilang mga gipang-imbita.
Sa tan-aw ni Brawner, murag gipaka-ulawan raman sa mga Senador ang mga gipang-dapit
nga mga resource persons. Nanghinaut usab si Brawner nga likayan na unta ni Senador
Trillanes nga himuong personalan ang iyang pagpangutana sa ilang mga resource persons
nga ilang gipang-imbitar ngadto sa Senado.
Ang mga anomaliyang gipang imbestigahan sa Senado karon giingong dugay nang nahitabo
ug gani duna nay mga lakang sa pag-reporma sa sistema sa AFP apil na niini ang pagpa-
usbaw sa mga suholan sa mga kawani niini gawas pa nga nabilanggo naman gani ang mga
gipasanginlan.
Matud pa nga dugay nang giwagtang ang opisina sa comptroller sa AFP og gihulipan na
og upat ka nagkalain-laing buhatan nga maoy nag atiman sa paggasto sa pondo sa militar.
(PIA-Bohol/lvbongosia)
by magnolia_eic | Jan 31, 2011 | Headlines, Local News / Bohol Balita
GIBASURA sa government panel ang kondisyon sa National Democratic Front (NDF) nga buhian una ilang nasikop nga lider sa dili pa sugdan ang pormal nga negosasyon sa peace talks sa umaabot nga Pebrero.
Matud pa ni Presidential Peace Adviser Teresita Deles, gibarugan sa government panel ang una niining pahayag nga wala sa listahan sa mga consultants sa NDF ang nasikop nga NPA leader nga si Tirso Alcantara alyas Ka Bart, dili pa lang dugay sa Lucena City.
Si Sec. Deles niingon nga wala sa listahan sa mga consultants sa NDF si Alcantara mao nga dili kini sakop sa immunity gikan sa pagka-aresto.
Gikatakdang sugdan ang formal peace talks tali sa GRP ug NDF sa Oslo, Norway sa Pebrero 15-21. (ecbPIABohol)
by magnolia_eic | Jan 27, 2011 | Headlines, Local News / Bohol Balita
GISUGYOT ni Bureau of Fisheries and Aquatic Resources Regional Director Andres Bojos nga matan-aw og balik ang Philippine Fisheries Code human sa pipila na ka tuig niining pagkahimong balaod.
Kini aron posibleng mahimoan nag-lakanga ron i-amendar ug mahimo na usab kining motubag sa panginahanglan sa panahon.
Didto sa consultative meeting nga gihimo sa Bohol Tropics, gipalanog ni Bojos ang sugyot human namatikdan sa mga tinugyanan nga may mga butang nga dili na matubag sa karaang balaod.
Ang Philippine Fisheries Code napasa isip balaod niadto pang 1998, samntang may panglantaw nga kinahanglang maamendar ang usa balaod sulod sa tulo ka tuig niining pagka-epektibo.
ANg Philippine Fisheries Code o RA 8550 naglatid sa mga lakang pag-ugmad, pagdumala ug pag-palahutay sa mga kahingu-haan sa kadagatan samtang gihiusa niini ang tanang balaod kabahin sa pag-gamit sa dagat isip tubod sa panginabuhian.
Ang pag-amendar sa mga probisyon sa RA 8550 usab gituohan nga makatabang pagsolbad sa nagsaka nga presyo sa isda dala sa estrikto nga pamalaod sa pangisda. (racPIABohol)
by magnolia_eic | Jan 27, 2011 | Headlines, Local News / Bohol Balita
TULO ka opisyal sa Kampo Dagohoy karon ang gi-hugon-hugon nga pilian isip bag-ong hepe sa kapolisan sa Tagbilaran, segun sa mga taho gikan sa Kampo Dagohoy.
Kini maoy kasayuran gikan mismo sa buhatan ni Provincial Director Constantino Barot, kinsa maoy magduso sa tulo ka ngalan aron kapilian sa loka nga hepe ehekutibo sa syudad.
Sa usa ka sulat pinaagi sa electronic mail, ang buhatan ni Barot mipadala sa mga pangalan sa mga kandidato nga pilian ni Mayor Dan Lim agig hulip ni PInsp. Julius Cesar Gornez isip hepe sa kapolisan sa syudad.
Apilian sila si Psupt Arcadio Jamora Jr, si PSupt Antonieto P. Cuyos ug si PSupt Gil A. Delprado aron mao nay mahimong hepe sa syudad.
SI PSupt Jamora maoy kasamtangang Operations Officer sa Bohol Provincial Police Office, si PSupt Cuyos maoy kasamtangang Police Community Relations Officer samtang si PSupt Delprado maoy Assistant Provl Director alang sa Operations sa Kampo Dagohoy. (racPIAPohol)
by magnolia_eic | Jan 24, 2011 | Headlines, Local News / Bohol Balita
Tagbilaran City, Bohol – ANG walay puas nga pag-ulan sukad naidtong Enero 17 nimugna og pagbaha sa mga kabasakan nga naka-apekto sa mga abot sa uma sa probinsiya sa Bohol.
GiKataho nga naapektuhan ang mga kabasakan sa mga lungsod sa Alicia ug Carmen.
Ang nasudnong dalan sa Larapan Jagna, kadali usab nga wala maagi-i tungod sa mga nangatumbang ponuan sa lubi apan ang mga tinugyanan sa Department of Public Works and Highways (DPWH) nihimo dayon og clearing operations.
Nisaka ang tubig sa suba sa lungsod sa Sevilla apan wala kini naghatag og kakuyaw tungod kay wala may mga kabalayan o mga tawo nga nagpuyo duol sa suba.
Ang lungsod sa Loboc nipahonong usab sa operasyon sa floating restaurant ug river cruise tungod sa pagsaka sa tubig sa suba.
Gimanduan sa Provincial Disaster and Risk Reduction Management ang mga police station sa pagpahibalo dayon sa sitwasyon sa ilang areas of responsibilities.
Hingpit nga gi monitor ang posibleng paglapaw sa tubig sa suba sa mga lungsod sa Sevilla, Loboc, Loay, Maribojoc, Cortes, Antequera, Loon, Calape, Tubigon, Clarin, Inabanga, Buenavista, Getafe, Trinidad, Alicia, Duero, Jagna, Valencia ug Lila.
Gi monitor usab ang posibleng landslides sa mga barangay sa kabukiran sa lungsod sa Jagna ug Candijay, Loboc ug San Isidro. (ecbPIABohol)
by magnolia_eic | Jan 21, 2011 | Headlines, Local News / Bohol Balita
AMENADO si Land Transportation Office Tagbilaran registrar Joel Maloloy-on nga wala siyay mahimo sa pagpa-undang sa fixers sa gawas sa iyang buhatan.
Kini human gigisa si Maloloy-n sa mga pangutana atul sa Provincial Peace and Order Council meeting sa miaging semana kabahin sa mga pamaagi sa pagpatuman sa balaod sa trapiko ug sa pagpadagan sa buhatan sa LTO.
Matud niya, tinuod nga may daghang fixers sa gawas sa LTO apan wqala siyay mahimo niini hangtud nga mosulod kini nga mga tawhana sa iyang buhatan.
Walay mga fixers sa sulod sa LTO, matud niya.
Hinuon gi-ukit sa mga sakop sa PPOC ang posibilidad nga mahimong si Maloloy-on wala masayud nga may mga contak sa mga fixers nga naa sa sulod sa buhatan ug maoy makapalusot sa mga papeles.
Niini, gimandu ni Gob Edgar Chatto ngadto kang PSSupt Constantino Barot nga abutangan og tinugyanan sa balaod sa LTO aron mabadlong ang mga fixers nga mang biktima sa mga may tuyo sa LTO. (racPIABohol)
