by boholbalita | Oct 15, 2010 | Headlines, Local News / Bohol Balita
SI Alberto Torregosa ang suspetsadong tulisan nga usa sa mga suspek sa sunod-sunod nga tulis sa probinsiya sa Bohol gitakdang pagakuhaon didto sa dakbayan sa Sugbu kay nalutsan na kini og warrant of arrest sa iyang kaso sa dakbayan sa Tagbilaran.
Kini maoy gibutyag ni Bohol PNP director, Senior. Supt. Constantino Barot Jr. dihang nahinabi sa mga sakop sa media kagahapon.
Matud ni Barot nga maghulat una sila kun anus-a mapasakaan si Torregosa sa iyang salaud didto sa dakbayan sa Sugbu.
Nagkanayon si Barot nga kun mahuman na ang pagpasaka, mahimo nang pagakuhaon ang maong suspek.
Sayo niini, si Torregosa, 39, taga-Magtangtang, Danao, Cyril Ostea, 26, taga-Guiwanon. Baclayon ug usa ka John Nuez, 21, taga-San Miguel, Bohol nadakpan niadtong Lunes sa gabii didto sa dakbayan sa Sugbu human nanulis sa usa ka kompaniya lending firm sa barangay Sambag I.
Si Torregosa ug Ostea nasamdan human nakigpinusilay sa usa ka sakop sa pulis kinsa nirespondi sa maong krimen. Ang duha gitambalan didto sa Cebu City Medical Center.
by magnolia_eic | Oct 15, 2010 | Headlines, Local News / Bohol Balita
GIBUTYAG ni Bohol Provincial Police Director Senior Supt. Constantino Barot Jr. nga 11 ka mga barangay sa unom ka lungsod sa probinsya sa Bohol ang gipaubos sa PNP watchlist kon area of concern sa kapolisan sa pagsugod sa kampanya sa Barangay ug Sangguniang Kabataan (SK) karong adlawa.
Atol sa Talakayan sa Isyong Pulis didto sa Kampo Dagohoy niadtong Miyerkoles, si Barot nagkanayon nga ang maong mga barangay naglakip sa Poblacion Sur sa lungsod sa Clarin; barangay Pandanon ug barangay Taytay sa lungsod sa Getafe; barangay Popoo ug barangay Canmangaw sa lungsod sa Pres. Garcia; Poblacion Occidental, barangay Canmanico ug barangay Cansibaw sa lungsod sa Valencia; barangay Kabasakan, barangay San Roque, barangay San Antonio, barangay San Vicente Sur sa lungsod sa Sagbayan; ug usa ka barangay sa Candijay.
Niingon si Barot nga gipaubos nila ang maong mga barangay sa ilang watchlist sigun sa mga rekomendasyon sa mga hepe sa unom ka lungsod basi sa nangagi nga piniliay nga may natala nga kagubot.
Matud pa ni Barot nga dili pa hotspot ang maong mga dapit apan padayon ang ilang pag monitor sa maong mga barangay hangtud sa adlaw sa piniliay sa Oktubre 25. (PIA-Bohol)
by magnolia_eic | Oct 14, 2010 | Headlines, Local News / Bohol Balita
GIHAGIT sa usa ka opisyal sa barangay ang tanang molansaray sa umaabot nga Oktubre 25 sa
pagpaseguro sa ilang agenda sa pagpa-ugmad ang pagpatunhay sa nasugdang kampanya batok sa
rabies.
Matud ni Barangay Captain Cristobal Rasonabe sa Haguilanan Catigbian, ang hisgutanan sa serbisyo
publiko nagtungtong usab sa paghatag sa kasagurohan sa public health.
Ang Barangay Haguilanan sa lungsod sa Catigbian maoy usa sa tulo ka barangay sa Bohol nga
ibangga alang sa labing maayong sumbanan sa nasudnong pagpatuman sa kampanya batok sa
rabies o kagaw sa iro, butyag ni Dr. Stella Marie Lapiz sa Kapihan sa PIA niadtong milabayng
Huwebes.
Nakadayeg ang mga tinugyanan sa Bohol sa mga kalidad sa pagkapangulo ni Rasonabe tungod sa
lig-on niining pagpasunod sa balaod sa pagpugong sa rabies.
Miangkon usab si Rasonabe nga dili lalim ang ilang nasinati nga pagsupak sa katawhan niadtong
ilang gisugdan ang kampanya sa pagpangga sa ilang mga binuhi ug sa pag-atiman niini aron dili
matakbuyan sa rabies.
Lisud apan kon masabtan na sa tanan, sayon na ang pagpatunhay niini, matud niya. (PIA)
by magnolia_eic | Oct 14, 2010 | Headlines, Local News / Bohol Balita
NAPILI nga rehiyonal nga lugar sa paglusad sa Andalucia Galleon gikan sa Seville Spain ang Bohol
ug usa ka replika sa barkong Espanyol nga de-layag ang modunggo didto sa pantalan sa Catagbacan
karong Oktubre 23-25.
Kini aron lab-ason ang agianan sa patigayon og komersyo gikan sa Pilipinas paingon sa Espanya
tadlas sa lapad nga dagat Pasipiko nga milipang niadtong tuig 1565.
Ang modunggo nga galleon usa usab ka museo sa kulturang sakay niini, matud sa mga tinubdan.
Tungod sa ingon, kay usa ka talagsaong suroyanan sa mga katawhan sa tulo ka adlaw niining
nakadunggo sa Bohol, gidapit ang mga Bol-anon sa pagdalikyat didto sa Catagbacan aron pagtan-aw
ug pagbalik-tu-on sa galleon.
Kahinumduman nga dinhi usab gilusad sa UNESCO ang Dia del Galleon niadtong Hulyo 22, pinaagi
saNational Commission for Culture and the Arts aron paghandum sa makasaysayanong Manila-
Acapulco Galleon Trade. (PIA)
by magnolia_eic | Oct 14, 2010 | Headlines, Local News / Bohol Balita
GIHAGIT sa usa ka opisyal sa barangay ang tanang molansaray sa umaabot nga Oktubre 25 sa
pagpaseguro sa ilang agenda sa pagpa-ugmad ang pagpatunhay sa nasugdang kampanya batok sa
rabies.
Matud ni Barangay Captain Cristobal Rasonabe sa Haguilanan Catigbian, ang hisgutanan sa serbisyo
publiko nagtungtong usab sa paghatag sa kasagurohan sa public health.
Ang Barangay Haguilanan sa lungsod sa Catigbian maoy usa sa tulo ka barangay sa Bohol nga
ibangga alang sa labing maayong sumbanan sa nasudnong pagpatuman sa kampanya batok sa
rabies o kagaw sa iro, butyag ni Dr. Stella Marie Lapiz sa Kapihan sa PIA niadtong milabayng
Huwebes.
Nakadayeg ang mga tinugyanan sa Bohol sa mga kalidad sa pagkapangulo ni Rasonabe tungod sa
lig-on niining pagpasunod sa balaod sa pagpugong sa rabies.
Miangkon usab si Rasonabe nga dili lalim ang ilang nasinati nga pagsupak sa katawhan niadtong
ilang gisugdan ang kampanya sa pagpangga sa ilang mga binuhi ug sa pag-atiman niini aron dili
matakbuyan sa rabies.
Lisud apan kon masabtan na sa tanan, sayon na ang pagpatunhay niini, matud niya. (PIA)
by boholbalita | Oct 11, 2010 | Headlines, Local News / Bohol Balita
apan pasakaan gihapon og sumbong sa mga complainant
NIANGKON sa ilang kasaypanan ang mga personahe sa Zest Air Lines kinsa nakahatag og kadismaya sa duha ka bisita ni Bokal Freda Tirol human nakansela ang ilang flight niadtong Septiyembre 15 sa hapon.
Kini maoy gibutyag ni Tirol kinsa maoy chairman sa Committee on Tourism sa Sangguniang Panlalawigan dihang nahinabi sa Bohol Balita.
Matud ni Tirol nga si Menchie Mejorada, usa sa mga personahe sa maong airlines nga nadestino sa Tagbilaran City Airport nangayo og pasaylo atol sa inquiry sa committee on the whole sa Sangguniang Panlalawigan niadtong Miyerkulis.
Niingon si Tirol nga giangkon ni Mejorada nga wala gayud silay abyon nga gieskedyol sa maong petsa sukwahi sa ilang giestorya nga dunay aircraft maintenance maong nakansela ug wala nila napasabot ang mga complainant niini.
Nibutyag usab si Tirol nga nagkulang gayud ang Zest Air sa ilang pag-entertain sa ilang kustomer ug gumikan niini pasakaan gihapon sila og sumbong sa maong insidente.
Gawas kang Mejorada, nitambong usab si Genevieve Jamisola, operation manager sa Travel and Tours Agency nga maoy gipalitan sa airline ticket.
Nanghinaut siya nga dili na unta masubli ang maong insidente diin makadaut hinuon kini sa kaugmaran sa turismo sa probinsiya sa Bohol. (Andy Nalzaro)
