by boholbalita | Apr 16, 2010 | Local News / Bohol Balita
Duha ka gikatahapang tigpahuyot sa ilegal na drugang shabu, usa niini nakasohan sa maong sala, nadakpan sa gihimong ronda sa kapulisan sa managlahing balay didto sa barangay Cnapnapan, Corella, Bohol kagahapon sa buntag.
Ang mga suspetsado nailhan nga sila RAymond Ingking ug Jose Meleriano Alingig.
Nabawi gikan sa panimalay ni Ingking ang usa ka sachet nga gidudahang adunay shabu, laing sachet nga gidudahang naay shabu residue lakip na ang mga shabu paraphernalia.
Samtang nasakmit sa pinuy-an ni alingig ang duha ka sachet nga gidudahang dunay shabu ug mga shabu paraphernalia.
Sigun sa taho nga ang bahan sa Special Weapons and Tactics kun SWAT, Provincial Public Safety Management Company ug Special Operations Group kun SOG sa Bohol Provincial Police Office ubos sa pagpangulo ni Chief Inspector Nicomedes Olaivar nironda sa mga pinuy-an sa duha basi sa kuha sa search warrant nga gipagula ni Hukom Fernando Fuentes III sa Regional Trial Court Branch 49 nga nakabase sa dakbayan sa Tagbilaran tungod sa paglapas sa Akta Republika 9165.
Sayo niini, si Ingking aduna nay kaso nga giatubang sa hukmanan human kini nadakpan sa samang sala apan nakagawas kay nakapiyansa.
Gidala ang duha ka suspek didto sa Kampo Dagohoy ug gipaslak sa bilangguan. (Andy Nalzaro)
by magnolia_eic | Apr 16, 2010 | Local News / Bohol Balita
Manag-uyab gitulis samtang nag date sa Suarez Bridge sa Causeway Drive, dakbayan sa Tagbilaran niadtong Sabado sa kaadlawon.
Ang mga biktima mao sila John Jay Olaivar, 21 anyos ug nagpuyo sa Habitat, Tabalong, Dauis, Bohol ug Reche May Areja, 19-anyos, dalaga ug nagpuyo sa dalan Gallares, ning siyudad.
Nahitabo ang insidente mga alas 12:30 sa kabuntagon samtang nag date ang duha sa nahisgutang dapit. Matud sa duha ka biktima, dihay miduol nila na duha ka mga lalaki ug nagpasumangil kini ug pangutana kabahin sa usa ka tawo unya mikalit ra ang usa ka tawo ug bunlot ug dekalibre nga pusil ug gitutok ngadto sa mga biktima.
Nakuhaan ang duha sa ilang mga cellphone apan na rekober ra kini nila sa dihang nadakpan ra ang duha ka tulisan.
by magnolia_eic | Apr 16, 2010 | Local News / Bohol Balita
Dakpan ang usa ka batan-ong lalaki kinsa gidudahang tigpahuyot sa ilegal nga drogang shabu atol sa gihimong buy-bust sa kapulisan didto sa Barangay Sagnap,Loay,Bohol niadtong Huwebes sa gabii.
Ang suspetsado nailhan nga si Juirafe Mark Solis, 20-anyos, ulitawo, nagpuyo sa maong lugar.
Nasayran sa taho nga ang bahan sa Special Operations Group (SOG), Provincial Intelligence Branch sa Bohol Provincial Police Office ug Loay Police Station ubos sa pagpangulo ni Inspector Vener Santos nagpahigayon ug buy-bust operation ngadto sa maong suspek.
Nasakmit gikan kang Solis mao ang duha ka sachet ngs gidudahang dunay shabu, usa ka Nokia 1100 cellphone ug duha kabuok P500 nga marked money.
Gidala ang suspek ug ang nakuha nga ebidensya ug gipaslak didto sa Kampo Dagohoy. (Andy Nalzaro)
by magnolia_eic | Apr 16, 2010 | Local News / Bohol Balita
Nahupay ang gibating kaguol sa usa ka ginikanan human na rikober sa kapulisan ang ka 6-anyos nga batang babaye dihang gikatahong nahanaw samtang nag shopping sa Island City Mall sa dakbayan sa Tagbilaran niadtong Miyerkules. Giila ang bata nga si Gillian Marie Avila, taga barangay Jimilian, Loboc, Bohol.
Nasayran sa taho nga ang biktima mikuyog sa iyang inahan nga si Susima Avila nisud sa maong mall niadtong Miyerkules apan gibilin ang bata human nisulod sa comfort room ang maong inahan apan sa dihang migawas na niini, nahanaw na si Gillian Marie.
Nagpatabang ang inahan sa maong biktima ug nagpa-flash alarm sa Kampo Dagohoy ang insidente nga niresulta sa pagka rekober niini didto sa balay sa usa ka Epifania Abaat sa Balintawak, Talibon, Bohol mga alas 3 sa hapon niadtong Huwebes.
Nahibaw-an nga ang maong bata misakay ug usa ka St. Jude nga Bus paingon sa naasoyng lungsod ug gidala sa balay ni Abaat gumikan kay walay nakaila niini.
Gikuha sa mga sakop sa Bohol Provicial police ang maong bata didto sa Talibon Police Station ug gitunol kini ngadto sa iyang ginikanan. (Andy Nalzaro)
by boholbalita | Apr 14, 2010 | Local News / Bohol Balita
Usa sa mga nadakpan maoy suspek sa pag pusil sa usa ka mag-uuma didto sa Buenasuerte, Pilar
Nasulbad sa usa ka sakop sa kapulisan sa siyudad ang hitabong tulis dihang nakig pinusilay kini sa tulo ka armadong suspetsado nga ni resulta sa pagkaigo sa usa niini ug pagkasikop sa laing duha didto ssa dalang J. Borja korner Visarra, dakbayan sa Tagbilaran ngadtong ika-9 niining bulan.
Giila ang nasamdan nga si Edison Roberto, 19-anyos, ulitawo, nagpuyo sa barangay Poblacion, Pilar, Bohol kinsa naigo sa tuong bahin sa paa ug gidala sa Gov. Celestino Gallares Memorial Regional Hospital.
Samtang ang nadakpan nailhan nga sila si Ronni Rezaldo, alias Longlong, 27-anyos, ulitawo ug taga barangay Villa Garcia, Sierra Bullones, Bohol ug Juan Ramirez, 23-anyos taga Poblacion, Pilar, Bohol.
Nasayran sa taho nga samtang si PO2 Cresencio Pantinople sa Tagbilaran City Police Station nagmaneho sa iyang motorsiklo kauban ni Ringo Canete ug padung na untang mopauli mga ala-una sa kabuntagon dihang iyang nasigpatan ang mga suspetsado nga nagsakay sa usa ka itom na Honda XRM nga walay plaka diin ang duha niini nikanaog
ug gitiunan ang biktima nga nailhan nga sila Kay Caesar Penales, 18-anyos,ulitawo ug tinun-an diha sa Holy Name University sa kursong nursing ug taga dalan Penaflor ning siyudad ug si Peter Von Kenneth Tongco, 18,ulitawo, taga Poblacion, Anda, Bohol.
Nipaila si Pantinople nga usa ka polis ug iyang gisita ang mga suspetsado apan usa niini nipusil ngadto kaniya apan wala kini makaigo hinungdan nga nibalus ang maong pulis sa pagpusil ug naigo ang usa niini nga si Roberto. Nakadagan ang duha apan nadakpan sa mga ni responding mga sakop sa City PNP didto sa dalan Palma.
Nabawi gikan sa usa sa mga suspek mao ang .357 rebolber nga pistola nga dunay serial number nga 199803 lakip na ang tulo ka buhing bala ug duha ka basiyong bala. Nakuha usab gikan sa compartment sa motorsiklo sa mga gikatahapan mao ang usa ka Nokia 2600, usa ka Nokia 8310 ug pitaka nga may sulod nga P277 ug mga resibo.
Nahibaw-an sa Bohol Balita nga si Ramirez maoy suspek sa pagpamusil sa iyang bilas nga si Emedio Baretos didto sa Barangay Buenasuerte, Pilar, Bohol niadtong nakalabay nga Miyerkules sa gabii.
Gipaslak na sa detention cell sa City PNP ang duha ka mga suspek samtang gipatambalan pa ang usa sa nasangpit na ospital. (Andy Nalzaro)
by magnolia_eic | Apr 12, 2010 | Local News / Bohol Balita
ADOPTED Boholano and Korean ambassador to the Philippines now bows out after rendering exemplary diplomatic service to the country but waves a presidential citation handed by no less than President Gloria Macapagal Arroyo early this week as he leaves.
South Korean Ambassador Extraordinary and Plenipotentiary Choi Joong-Kyung, also the brains behind the multi-industry-cluster (MIC) set for implementation in northeastern Bohol gets the Order of Sikatuna and a presidential citation as he is set to rise as Senior Economic Adviser to the Korean President.
The Order of Sikatuna is conferred upon diplomats, officials, and foreign nationals who have rendered significant services in fostering, developing, and strengthening relations between their country and the Philippines, reports revealed.
The Silver Distinction, Order of Datu Sikatuna award to Choi was in recognition of his significant and outstanding contribution to the enhancement of Philippine and South Korean relations especially on the advancement of bilateral relations between the two countries as highlighted by the successful state visit of President Arroyo to Korea.
