by admin | Oct 26, 2016 | Headlines, Local News / Bohol Balita
TAGBILARAN CITY, October 26 (PIA)–Karon pa lang, nanawagan na ang Philippine Coast Guard (PCG) sa mga pasahero nga mopaule sa ilang mga lalawigan karong panahon sa Kalag-kalag nga dili mosakay sa mga kolurum nga sakyanang pangdagat.
Matud pa sa tigpamaba sa Coast Guard nga si Commander Armand Balilo, kini aron malikayan nga mabutang sa kakuyaw ang kinabuhi sa mga pasahero sa mga sakyanang pangdagat.
Gipasabot ni Balilo nga gawas sa walay safety gadgets ang mga kolurum nga bangkang de motor, wala usab kini manifesto mao nga walay insurance ug dili moagi sa inspection sa ilang mga kawani.
Dungan niini, gibutang na karong adlawa sa heightened alert sa PCG ang ilang tropa sa tibuok nasod.
Gipaabot sa PCG nga mahimong triple ang gidaghanon sa mga pasahero karon tungod sa taas nga adlaw sa bakasyon kun itandi sa niaging tuig.
Matud pa nga pagmatuod lamang niini mao ang giingong fully-booked na ang mga shipping lines karon pa lamang.
by admin | Oct 26, 2016 | Headlines, Local News / Bohol Balita, Major Events, World
TAGBILARAN CITY, October 26 (PIA)–Tungod sa nagsingabot nga Pasko, maayong balita ang gipahibalo karon sa Philippine Postal Corp. ngadto sa publiko nga tigpadala pinaagi sa koreo o Post Office nga ang mga padala gikan sa ubang nasod nga nagkantidad og P10,000 paubos, tax free na karon.
Kini base sa bag-ong probisyon sa balaod ubos sa bag-ong Customs Modernization and Tariff Act (CMTA) nga gilagdaan niadtong Mayo 30, 2016 isip Republic Act (RA) 10863, aron e-rebisar ang 38-ka tuig nga Tariff and Customs Code sa Bureau of Customs (BOC) nga gipalabang niadtong 1978, aron mahatagan ang mga ordinaryong katawhan, overseas Filipino workers ug konsumidor nga mogamit sa serbisyo postal sa nasod.
Matud pa sa Chapter 3. Section 423. Determination of the De Minimis Value.— “ No duties and taxes shall be collected on goods with an FOB of FCA value of ten thousand pesos (P10,000) or below. The Secretary of Finance shall adjust the de minimis valued as provided herein, every three (3) years after the effectivity of this Act.
Nahimo kining epektibo kagahapon, Oktubre 25, 2016 human ang kinse (15) ka adlaw nga pagpamantala sa official gazette.
Sa bag-ong balaod, gisaka ang “tax-free cap” sa mga pakete nga ginapadala sa mga OFWs pinaagi sa Post Office.
Dako og mapahimos ang mga OFWs niining bag-ong balaod tungod kay mahimo na sila makapadala og mga personal items sa ilang mga minahal sa kinabuhi sa Pilipinas pinaagi sa koreo nga dili na buhisan basta ang mga ipadala dili molapas sa presyong gitakda ug wala gidili sa balaod.
Ang balaod sa “minimum thresholds” o ang “de minimis” mao ang gitakdang kantidad nga buhisan sa mga ipasulod o gipadala sulod sa nasod.
Ang Pilipinas nagtakda og minimum “thresholds” aron ang tanang ubos og kantidad nga ipasulod o ipadala nga moabot sa nasod mahimong “duty ug tax free”.
Gawas sa mga pantalan ug tugpahanan, moagi sa Post Office ang mga pakete ug sulat gikan sa ubang nasod nga kasagaran pahamtangan og buhis sa BOC base sa kantidad sa gipadala. (ecb/PIA7-Bohol)
by admin | Oct 25, 2016 | Features, Headlines, Local News / Bohol Balita, Major Events
TAGBILARAN CITY, October 25 (PIA)–Nagpagawas na og pay rules ang Department of Labor and Employment (DOLE) isip pahinumdom sa pribadong sektor sa pag-obserbar sa saktong pay rules ug core labor standards sa Oktubre 31 ug Nobyembre 1 nga gi-deklarar isip special non-working days.
Ang DOLE nipagawas sa Labor Advisory No. 15, Series of 2016 o Guidelines on the Payment of Wages for the Special Non-Working Days on October 31 and November 1, 2016.
Ang Oktubre 31 (Additional non-working day) ug Nobyembre 1 (All Saints Day) gi-deklarar nga special non-working days base sa Proclamation 1105, Series of 2015.
Kun ang empleyado dili mosulod sa trabaho niining mga petsaha, ipatuman ang “no work, no pay” nga palisiya gawas lamang kun adunay paborable nga palisiya, praktis, o collective bargaining agreement (CBA) nga mohatag og sweldo sa special non-working days.
Kun mo-trabaho sa maong mga adlaw, ang empleyado bayran og dugang 30 porsiyento sa iyang inadlaw nga suholan sa unang walo (8) oras nga pagtrabaho (Daily Rate x 130% + COLA scheme).
Alang sa mo-trabaho og lapas walo (8) ka oras (overtime work), ang empleyado pagabayaran og dugang 30 porsiyento sa iyang inoras kun hourly rate sa maong adlaw (Hourly rate of basic daily wage x 130 % x 130 % x number of hours worked).
Kun mo-trabaho atol sa special day nga natunong sa rest day sa empleyado, bayran sila og dugang 50 porsiyento sa ilang inadlaw nga suholan sa unang walo (8) ka oras nga pagtrabaho (Daily Rate x 150 % + COLA).
Samtang alang sa pagtrabaho og lapas sa walo (8) ka oras kun overtime work atol sa special day nga natunong usab sa rest day sa empleyado, bayaran sila og dugang 30 porsiyento sa ilang inoras nga suholan (Basic daily wage x 150% x 130% x number of hours worked). (ecb/PIA7-Bohol)
by admin | Oct 25, 2016 | Headlines, Local News / Bohol Balita, Major Events
TAGBILARAN CITY, October 25 (PIA)–Dawaton na sa Department of Foreign Affairs (DFA) isip nag-unang ID requirement sa pagkuha og pasaporte ang bag-o ug modernong postal ID sa Philippine Postal Corp.sa tanang buhatan niini sa tibuok nasod.
Matud pa sa PhilPost, gi-ila na sa DFA ang bag-ong postal ID tungod sa gibag-o nga pisikal ug biometrics based nga security feature niini.
Mahimo na usab dawaton ang bag-ong postal ID alang sa passport application sa mga satellite offices sa Metro Manila ug apil na usab sa mga regional consular offices ug mga foreign service posts.
Kasamtangan na usab gitarong karon ang ePassport Application Forms aron mauban sa listahan sa mga ginadawat nga primary ID alang sa passport application kauban na ang postal ID.
Ang postal ID usa sa mga government-issued ID nga gi-ila na karon sa mga institusyon isip kamatuoran sa kailhanan ug address.
Mahimo nang mo-aplay sa bag-ong postal ID sa tibuok nasod human gibuksan sa niaging tuig ang pipila ka buhatan sa PhilPost alang sa digital processing sa mga aplikasyon alang sa bag-o ug modernong postal ID card.
May bayronon nga P504.00 alang sa maong bag-ong postal ID ug renewable kini matag tulo ka tuig. (ecb/PIA7-Bohol)
by admin | Oct 25, 2016 | Headlines, Local News / Bohol Balita, National News
Green champions, green practitioners and enablers of greening of MSMEs are coming together to celebrate the achievements of the ProGED Project and to commit to accelerate green economic development beyond the project life. The ProGED Closing Event is a venue to showcase the results of the project, give recognition to the men and women behind the project achievements and to discuss how the greening initiatives started by the project will be used as springboard to accelerate green economic development.
The Promotion of Green Economic Development (ProGED) project is a development cooperation project between the Republic of the Philippines through the Department of Trade and Industry (DTI) and the Federal Republic of Germany through the Deutsche Gesellschaft für Internationale Zusammenarbeit (GIZ) that aims to support MSMEs to adopt greening and climate resilience initiatives to enhance their competitiveness.
The ProGED project started in 2013 in Cebu and Bohol and now, has expanded to 30 provinces all over the country.
MSMEs in the value chain of tourism, processed food, gifts decors and housewares, coffee, cacao, among others were introduced to different greening strategies to give them option on how to integrate environment friendly measures in their operations.
MSMEs were also introduced to support services for greening like green service providers, green technology suppliers and financing institutions with financing windows for greening projects.
The different government agencies, academic institutions, local government units, chambers of commerce and industry associations were also sensitized and supported so that they will come up with enabling laws and ordinances to support MSMEs who would want to go green.
Several regional inphasing events were conducted since September this year, leading to this culminating activity. During inphasing events, regional and provincial project implementers and stakeholders listen to testimonies of green practitioners on how adopting green practices benefited them by cutting down productions costs, such as electricity bills, and how going green help them access new markets, tapping into the demand of consumers for environment friendly products and services. Different enablers supporting the micro, small and medium enterprises (MSMEs) also came together to discuss available plans, activities and programs that help MSMEs in their journey towards greening.
Inphasing events were held in Iloilo City (for Region 6, 06 to 07 September), Dumaguete City (for the provinces of Negros Oriental and Siquijor, 08 to 09 September), Bohol (for the province of Bohol, 12 September), Surigao City (for the province of Surigao del Norte, 14 to 15 September 2015), Puerto Princesa (for the province of Palawan, 16 September), Legazpi City (for Region 5, 26 to 27 September), Calamba City (for Region 4A, 29 September), San Jose City (for the province of Occidental Mindoro, 30 September), San Fernando City (for the province of Pampanga, 07 October) and Butuan City (for Region 13 and the province of Agusan del Norte, 12 to 13 October).
The ProGED stakeholders from Cebu Province will jointly celebrate with the rest of the ProGED implementers and practitioners from all over the country during the closing event in Cebu City.
GIZ supports the German Government in achieving its objectives in the field of international cooperation for sustainable development.
Together with Philippine and Pacific Island partners, the Deutsche Gesellschaft für Internationale Zusammenarbeit (GIZ) promotes sustainable development through technical cooperation projects and services.
GIZ is commissioned by the German Government and has been operating in the Philippines and the Pacific Islands for more than 40 years.
For more information on the services of the DTI, log-on to http://www.dti.gov.ph
by admin | Oct 24, 2016 | Headlines, Local News / Bohol Balita
TAGBILARAN CITY, October 24 (PIA)–Ang bag-ong hich-tech ID sa Philippine Postal Corp. madawat na karon isip valid ID sa tanang remittance centers, sa pagkuha og clearance sa National Bureau of Investigation (NBI), pag-apply og pasaporte ug uban pang transaksiyon.
Gawas niini, ang postal ID ma¬gamit dili lamang sa mga remittance centers apan apil na usab sa pagbukas og mga accounts sa bangko ug pagpirma sa mga dokumentong legal.
Kini human mismo ang Bangko Sentral ng Pilipinas (BSP) nag¬pagawas og direktiba sa tanang mga remittance centers ug bangko kalabot niini.
Sa improved postal ID, may biometric information sa card holders niini kauban na ang ilang pirma ug uban pang impormasyon sa ilang pagkatawo.
Garantisado usab nga dili ma-peke ang improved postal ID tungod kay may mga security features kini nga makita ug nakatago.
Ang kinahanglan lamang mao ang proof of identity ug proof of address aron makakuha og postal ID nga madawat sa Metro Manila sulod sa 15 ka adlaw ug 20 ka adlaw usab sa mga ubang lungsod ug probinsiya.
Sa mga isla ug lagyong dapit, e-deliver sa PhilPost ang ID sulod sa 30 ka adlaw.
Adunay 260 ka capture stations sa paghimo sa postal ID sa tibuok Pilipinas ug ang kumpletong listahan niini makita sa 1,300 ka buhatan sa PhilPost sa tibuok nasod. (ecb/PIA7-Bohol)
