by admin | Jan 27, 2016 | Headlines, Local News / Bohol Balita, Major Events
BOHOL, Jan. 27 (PIA)–Gikan sa unang gitakdang petsa nga Pebrero 1, gi-irog na usab sa Commission on Elections (COMELEC) sa Pebrero 8 ang pag-imprenta sa mga balotang gamiton sa piniliay sa Mayo 9.
Matud pa ni COMELEC Commissioner Christian Robert Lim, mao na kini ang pinaka-pinal ug katapusang pag-oktaba sa pag-imprenta ug kun may mo-apelar pang i-irog kini, giingong angay andam silang i-oktaba na usab ang mismong petsa sa eleksyon.
Ang unang petsang target sa COMELEC alang sa pag-imprenta sa balota gitakda niadtong Enero 26, apan gi-irog kini sa en banc sa Pebrero 1 tungod kay kinahanglan pang isa-pinal ang listahan sa mga kandidato.
Matud pa usab ni COMELEC Chair Andres Bautista, ang desisyon sa pagpa-irog sa petsa bunga sa nahimong diskusyon ug gi-konsiderar usab nila ang pipila pa ka mga nag-ungot nga kaso batok sa ubang mga kandidato.
Gipasabot ni Lim nga sa Peb. 1 na unta nila ipagawas ang pinal nga listahan, apan mibotar ang en banc nga i-irog na lang kini sa Peb. 8.
Kini usab, matud pa isip pagtubag sa panawagan sa pipila aron dili sila mapasanginlang mi-bulilyaso sa kandidatura sa pila ka partikular nga politiko o kaha mi-pabor sa uban.
Kahinumdoman nga naa sa deliberasyon pa sa Korte Suprema ang disqualification cases batok kang presidential candidate Sen. Grace Poe, samtang nag-ungot pa sa COMELEC ang mga kasong diskwalipikasyon usab batok sa usa pa ka kandidato sa pagka-presidente nga si Mayor Rodrigo Duterte.
Gitataw ni Bautista nga bisan unsa man ang mahimong desisyon sa maong mga kaso, magpabilin ang ilang desisyon.
Apan gi-angkon ni Bautista ug Lim nga nanghinaot sila nga sayong maresolba ang mga kaso batok kang Poe aron makatabang sa ilang pagsa-pinal sa listahan sa mga kandidato. (ecb/PIA7-Bohol)
by admin | Jan 19, 2016 | Headlines, Local News / Bohol Balita
BOHOL, Jan. 19 (PIA)–Aprubado na sa Senado ang balaodnong dugangan ang maternity leave sa mga babayeng kawani sa pribado ug pampublikong sektor ug himuong tulo ka buwan o 100 ka adlaw.
Sa kasamtangang balaod, mokabat lamang sa 60 ka adlaw ang maternity leave alang sa mga kawani sa gobyerno ug 60 taman 78 usab sa mga kawani sa pribadong sektor, depende sa ‘mode of delivery’ niini.
Matud pa ni Sen. Pia Cayetano, sponsor sa Senate Bill No. 2982, ang kasamtangang maternity leave mas ubos sa 98 ka adlaw nga minimum requirement sa International Labor Organization (ILO).
Giingong ang Pilipinas naulahi usab sa ubang nasud sa ASEAN region kalabot sa “maternity leave duration”.
Pasabot pa ni Cayetano, ubos sa SBN 2982 o Expanded Maternity Leave Law of 2015, tuyo niining mahatagan og igong panahon ang mga inahan nga mabalik ang ilang kusog ug mahimo ang ilang ‘maternal roles’ sa dili pa mobalik sa ilang trabaho. (ecb/PIA7-Bohol)
by admin | Jan 19, 2016 | Headlines, Local News / Bohol Balita
BOHOL, Jan. 19 (PIA)–Ang Civil Service Commission (CSC) mi-klaro sa polisiya sa mga lalaking kawani sa pribado ug pampublikong sektor nga nag-planong mo-file og paternity leave.
Sa usa ka resolusyon nga gi-proklamar niadtong Disyembre 21, 2015, ang CSC mi-preparar og mando ug patakaran sa implementasyon sa Republic Act 8185 o ang Paternity Leave Act of 1996.
Matud pa sa Section 20 sa RA 8185, ang paternity leave nga 7 ka adlaw kinahanglang non-cumulative ug non-convertible to cash.
Pareho kining magamit sulod sa 7 ka adlaw nga way bugto o putol-putol nga paagi sa adlaw mismo, sa dili pa, atol ug human sa pagpanganak o pagkakuha sa bata sa iyang lihitimong asawa.
Kining maong leave ma-avail sa dili pa matapos ang 60 ka adlaw human sa petsa sa pagpanganak o pagkakuha sa bata. (ecb/PIA7-Bohol)
by admin | Jan 12, 2016 | Local News / Bohol Balita
BOHOL, Jan. 12 (PIA)–Ang Commission on Elections (Comelec) dinhi mibutyag nga 7 ka lungsod sa lalawigan sa Bohol ang gi-konsiderar isip election watchlist areas (EWA).
Kadaghan niining mga lungsod nga nalakip sa EWA nahimutang sa ikaduhang distrito ug tig- usa usab ang gikan sa una ug ikatulong distrito.
Si provincial election supervisor Atty. Eliseo Labaria mibutyag nga ang maong 7 ka lungsod mao ang Buenavista, Clarin, Cortes, Danao, Inabanga, Pilar ug Ubay.
Matud pa sa Comelec nga mabutang sa EWA ang usa ka lugar kun adunay grabeng partisan political rivalry didto.
Ikaduha, kun adunay mga karaang kaso sa pagpanghasi nga malambigit sa mga milabay nga eleksiyon.
Ug ikatulo, kun adunay presensiya sa mga armadong grupo sama sa mga Private Armed Groups (PAGs).
Ang maong mga lungsod pipila lamang sa pagatutokan sa Philippine National Police – Bohol Provincial Police Office tungod sa posibilidad sa pagkaylap sa tensiyon o kagubot nga may kalabotan sa nagsingabot nga piniliay sa Mayo 9 ning tuig. (ecb/PIA7-Bohol)
by admin | Jan 11, 2016 | Local News / Bohol Balita, Major Events
TAGBILARAN CITY, Jan. 11 (PIA)–Ang P6.5-bilyong proyekto sa nasudnong kagamhanan nga Konkreto at Ayos na Lansangan at Daan Tungo sa Pangkalahatang Kaunlaran (KALSADA) gilusad sa Bohol niadtong Enero 8, 2016.
Si Department of Public Works and Highways (DPWH) Kalihim Rogelio Singson nitunol sa kapsula ngadto kang Bohol Gob. Edgar Chatto, sa usa ka ‘symbolic turn-over’ atol sa paglusad sa KALSADA Program niadtong Biyernes nga gipahigayon sa Bohol Tropics Resort, ning dakbayan.
Kauban ni Singson sila Department of Budget and Management (DBM) Kalihim Butch Abad, Department of Interior and Local Government (DILG) Kalihim Mel Senen Sarmiento, Department of Social Welfare and Development (DSWD) Kalihim Dinky Soliman ug Department of Health (DOH) Kalihim Janette Garin.
Si Singson sa iyang keynote message mipadayag sa pasalig sa DPWH sa pag-usbaw sa kalidad ug kahilwasan sa mga nasudnong dalan ug tulay ug dugangan ang puhunan sa imprastraktura gikan sa ubos pa sa 2% sa gross domestic product sa 2010 ngadto sa 5% sa 2016.
Samtang matud pa sa Kalihim sa DBM, ang paglusad sa maong programa makahulogan ug makasaysayan tungod kay nagpadayag kini sa pasalig sa nasudnong kagamhanan sa inisyatiba niining ‘good governance’ nga maghatag og katakos sa gobyerno sa pagbuhat og mas maayo sa paghatud ug serbisyo.
Gidayeg ni Abad ang inisyatiba sa Bohol ug nitumbok kang Chatto isip kampeyon sa KALSADA program.
Gisunod sa ekspirinsiya sa Bohol, usa kini ka programa nga mo-rehabilitate ug upgrade sa kadalanan sa mga lalawigan ug ibalhin kining mga kabtangan’g kalsada permanente na ngadto sa provincial government nga mao nay mo-mintinar niini.
Paga-ugmaron usab niini ang Provincial Road Network Development Plan alang sa matag probinsiya ug ang pagdasig sa paggamit sa online open data portal isip mekanismo alang sa monitoring ug evaluation sa mga kadalanan sa probinsiya. (ecb/PIA7-Bohol)
by admin | Jan 9, 2016 | Headlines, Local News / Bohol Balita, Major Events
The ACCRE (Coral growth booster) of Bohol Island State University (BISU) – Candijay, Bantay Palay (Grain saver) of the University of Bohol (UB) and Cocobot (Transforming coconut toy) of TIRServ lorded the final pitching and judging stage of the Bohol Idea to Innovation (BHL i2i) Competition held last January 8, 2016 at the Belian Hotel, Tagbilaran City.
These teams came out on top from the ten (10) finalists selected during the BHL i2i Boot Camp last October 5-6, 2015 at the Bohol Cultural Center. All teams underwent the idea development stage where they were advised by mentors from Ideaspace. In the prototyping stage, they have availed of the services and technical support of the Bohol Fablab, the first fabrication laboratory in the Philippines.
An added feature of this competition was the Co-creation Stage with nine (9) Japanese mentors who met with the Bohol teams for five (5) days and did surveys, field interviews and final prototyping. Bohol ICT Council Chairperson Lai Biliran, DOST-Bohol’s Engr. Marcial Tanggaan, Yorbs Electronics’ Roy Bayonas and Concept Mobile’s Thomas Ridenour were the judges and panelists during the final pitching and presentation. During the closing program, messages of support were given by Tagbilaran City Mayor John Geesnell L. Yap II and Bohol Gov. Edgardo M. Chatto who were represented by Mr. Valentino Gamutin and Dr. Glenn Doloritos, respectively.
Launched in July 2015 during the Sandugo Regional Trade Expo, the Bohol Idea to Innovation (BHL i2i) Competition, the first of its kind in the province, promotes innovation and start-ups in developing technology-based solutions to local problems through digital fabrication. The competition is composed of four (4) stages, namely boot camp, prototyping, co-creation and exhibition.
The BHL i2i Competition is spearheaded by the Department of Trade and Industry – Bohol Provincial Office, in coordination with the Bohol ICT Council, Bohol Fabrication Laboratory (Fablab), Bohol Island State University, Provincial Government of Bohol and the City Government of Tagbilaran. (Engr. Jerome John J. Gabin, DTI-Bohol)
