by admin | Jan 25, 2017 | Headlines, Malakanyang Updates, National News
MANILA, January 25 (PIA)–Gipahayag ni Presidente Rodrigo Duterte nga bukas siya nga pasidunggan og Medal of Valor ang tanang 44 ka Special Action Force (SAF) commandos nga napatay sa Mamasapano encounter batok sa teroristang si Zulkipli Binhir alias Marwan sa Mamasapano Maguindanao, duha ka tuig na ang milabay.
Atol sa pakighinabi sa mga miyembro sa pamilya sa SAF44 kagahapon sa Malakanyang, gimanduan ni Duterte si Philippine National Police (PNP) Chief Director General Ronald dela Rosa nga tun-an ang posibleng paghatag og Medal of Valor sa tanang miyembro sa SAF 44.
Hangtud sa katapusan lamang ning Enero ang gihatag kang Dela Rosa tungod kay may mga record naman sa imbestigasyon ang Kamara ug ang Senado nga mahimong basehan sa iyang mahimong desisyon.
Ang paghatag og Medal of Valor sa 42 pa ka miyembro sa SAF 44 gihangyo sa ilang pamilya sa dihang niatubang kini kang Presidente Duterte sa Malakanyang.
Kahinumdoman nga sila Chief Inspector Gednat Tabdi ug PO2 Romeo Cempron lamang ang nahatagan og Medal of Valor ubos sa administrasyong Aquino samtang Medalya ng Kabayanihan ang gihatag sa nahabiling 42 ka miyembro sa SAF.
Gibutyag usab ni Presidente Duterte nga magtukod usab siya og usa ka independent commission nga mag imbestiga sa pagkamatay sa SAF 44 diin hangyuon niya ang mga retiradong justices sa Supreme Court ug pipila ka sibilyan nga dili niya kaila nga mahimong miyembro sa komisyon.
Karong adlawa, Enero 25 gihandom ang ikaduhang tuig nga anibersaryo sa Mamasapano encounter. (ecb/PIA7-Bohol)
by admin | Jan 23, 2017 | Headlines, Malakanyang Updates, National News
MANILA, January 23 (PIA)–Bukas ang Malakanyang nga makig-dayalogo sa mga Obispo kalabot sa wala pagsinabtanay sa gobyerno ug simbahan sa anti-drug campaign ni Presidente Rodrigo Duterte.
Matud pa ni Presidential Spokesman Ernesto Abella, gidapit niya ang mga Obispo nga estoryahan ang wala pagsinabtanay sa maong kampanya sa gobyerno.
Kumbinsido siya nga andam si Presidente Duterte nga atubangon ang mga Obispo taliwala sa padayon nga pagbirada sa simbahan sa kampanya sa gobyerno batok sa ilegal nga droga.
Una niini, gipasabot ni Abella nga nahimo lamang ni Presidente Duterte ang pagbalikas sa mga obispo ug mga pari tungod kay giingong murag gipagawas daw nila nga sila lang ang limpyo samtang ang mga taga administrasyon ang daotan. (ecb/PIA7-Bohol)
by admin | Jan 23, 2017 | Headlines, Kontra Droga, Malakanyang Updates, National News, Police Reports
MANILA, January 23 (PIA)–Hatagan og kopya sa “drug watch list” ang mga regional directors sa Philippine National Police (PNP) sa tibuok nasod.
Matud pa ni Department of Interior and Local Government (DILG) Kalihim Ismael Sueno, ang maong kamanduan naggikan kang Presidente Rodrigo Duterte human ang gihimong pakig-pulong niini sa mga mayor ug gobernador sa nasod sa Malakanyang.
Ang maong paghatag sa listahan sa mga PNP regional directors nga mao usab ang Regional Peace and Order Council (RPOC) vice chairs gituyo aron malikayan ang bisan unsang ‘conflict of interest’ ug malisya sa mga opisyal sa usa ka lalawigan.
Gitataw sa kalihim nga ang listahan nga ihatag mao ang mga pangalan nga naa sa ilang mga lugar usab nga nasakopan.
Giingong tugotan usab ang mga gobernador nga lilion kun nalakip ba ang ilang pangalan ug uban pang opisyal nga ilang nasakopan sama sa mga mayor. (ecb/PIA7-Bohol)
by admin | Jan 11, 2017 | Major Events, Malakanyang Updates
MANILA, January 11 (PIA)–Giingong makapadasig ang padayon nga taas nga survey ratings nga nakuha ni Presidente Rodrigo Duterte sa pinakaulahing Social Weather Station (SWS) survey diin nagpabiling ‘very good’ ang satisfaction ratings niini alang sa katapusang kwarter sa tuig 2016.
Matud pa ni Presidential Spokesperson Ernesto Abella sa press briefing sa Palasyo, nagpasabot lamang kini nga kuntento ang katawhan sa ginahimo sa gobyerno apil na ang giyera kontra droga.
Sa maong survey, nakatala si Presidente Duterte og 73% satisfaction rating batok sa 12% nga dili kuntento ug 15 porsiyento ang undecided gikan sa 1,500 ka adult respondents sa tibuok nasod.
Nigawas nga +61 porsiyento ang net satisfaction ratings sa Presidente sa SWS survey nga gipahigayon niadtong Disyembre 3-6 nga gikosiderar nga ‘very good’ pa gihapon.
Gihisgotan usab ni Abella nga bisan sa pinakaulahing survey sa Pulse Asia nga gipahigayon niadtong Disyembre 6-11, nagpabiling taas ang approval ug trust rating ni Presidente Duterte diin nakatala kini og 83 porsiyento.
“The President’s high rating continues to serve as a source of inspiration to the President and his official family,” matud pa ni Abella. (ecb/PIA7-Bohol)
by admin | Jan 11, 2017 | DTI Updates, Headlines, Malakanyang Updates, National News
Following President Rodrigo Duterte’s directive to replace the “5-6” money lending system and provide an affordable micro-financing for the country’s micro, small and medium enterprises (MSMEs), the government’s Pondo sa Pagbabago at Pag-asenso (P3) program pilots this month in Mindoro, Sarangani and Leyte, among the top 30 poorest provinces, to represent Luzon, Visayas and Mindanao, the country’s trade chief said.
“The P3 is designed to bring down the interest rate at which micro-finance is made available to micro enterprises,” said Department of Trade and Industry (DTI) Secretary Ramon Lopez.
The 2017 General Appropriations Act has included an initial funding of P1 billion for financial assistance, a part of the planned P19 billion financing initiative for micro and small businesses in the next five years.
Helping the poorest
The program’s fund will be lent out in the business centers of the poorest provinces (based on poverty incidence), where the participating microfinance institutions (MFIs) and the Small Business Corporation (SB Corp.) can operate.
An attached agency of DTI, SB Corp. shall administer the P3 Program, including the creation of a Program Management Office (PMO), which will open a separate back account for the P3 Program, to oversee the management and monitoring of fund.
“Fund delivery to microenterprises shall be carried out in either by wholesale lending to non-bank financial institutions like MFI-NGOs, and cooperatives which shall on-lend the fund to beneficiaries or by direct lending by SB Corp,” Sec. Lopez said.
Beneficiaries
Priority beneficiaries include microenterprises and entrepreneurs that do not have easy access to credit, or are accessing credit at very high cost, such as, micro-entrepreneurs, market vendors, agri-businessmen and members of cooperatives, industry associations and co-operators.
Loanable amount per end-borrower can range from P5,000.00 for start-ups to P300,000.00, with maximum interest rate of 26% per annum with no collateral requirement. This rate is significantly below the 20% per day/ week/ month charged by “5-6” lenders. It is also lower than what is charged by most MFIs.
MFIs may opt for portfolio guarantee cover of up to 15% of their P3 loan portfolio from SB Corp at a guarantee fee of 0.4%. The guarantee feature is seen to help MFIs address the P3 Program’s inherent risk. The guarantee fund will be sourced from the P3 fund.
P3 allocates PhP 100 million for direct lending by SB Corp. Target loan beneficiaries are the small enterprises in priority and emerging industries, start-up businesses and technology innovators.
Minimum loan amount will be Php 300,000.00 with interest rate capped at 10% p.a., with or without collateral cover.
“This alternative funding dedicated for micro and small enterprises is meant to discourage the 5-6 money lending system in our country,” said Sec. Lopez, adding that through the established MFIs, the government will reach even the smallest of entrepreneurs in the country.
For more information on the services of the DTI, log-on to http://www.dti.gov.ph
by admin | Jan 10, 2017 | Malakanyang Updates, National News
MANILA, January 10 (PIA)–Gipangunahan ni Presidente Rodrigo Duterte kagahapon ang oathtaking sa mga bag-ong appointed government officials sa Malakanyang diin gi-awhag niya sila sa pag-alagad sa katawhan nga may integridad ug dedikasyon.
Gipahalipayan ni Duterte ang 200 ka mga bag-ong appointees sa nagkalain-laing pwesto sa gobyerno nga nanumpa sa pangatungdanan ilabi na kadtong nibalik sa pag-alagad sa gobyerno.
Gihagit niya ang mga bag-ong opisyal nga tarongon ang ilang trabaho tungod kay dili tanan ang mahatagan og kahigayonan sa pag-alagad sa gobyerno.
“Six years from now, I do not think that you’d be in a position to work some more. So this is the last call para may magawa tayo sa kababayan natin. Just give it to them,” matud pa sa Presidente sa iyang mensahe human sa oathtaking ceremony.
“It’s your last call to serve your nation and because I am pleading to you and I hope that we can work together, trust each other and I said give it to the people this time,” dugang pa niini.
Hugot ang gihimong pasidaan ni Duterte kanila sa paglikay gayud nga malambigit sa korapsiyon ug misaad usab nga iyang batokan ang red tape sa burukrasya.
Subling gitataw ni Duterte nga i-agi gayud sa saktong proseso ang mga transaksiyon sa gobyerno dungan sa pasidaan nga dili niya gusto mga adunay mag-lobby sa iyang buhatan nga pipila ka mga negosyanteng mohangyo og kontrata sa gobyerno.
Apil sa mga nanumpa sa Presidente sila Mocha Uson isip miyembro sa board sa Movie Television Review and Classification Board (MTRCB), ang aktor nga si Ceasr Montano isip Chief Operating Officer sa Tourism Promotions Board, Terry Ridon isip Chairperson sa Commission on Urban Poor ug kanhi General Reynaldo Berroya isip Light Rail Transit Administrator. (ecb/PIA7-Bohol)
