by admin | Mar 11, 2015 | Headlines, National News
MANILA, Mar. 11 (PIA)–Gi-ila sa Malaysian Tourism Fair ang isla sa Boracay isip pinakapaboritong beach destination karong tuiga.
Matud pa ni Philippine Ambassador to Malaysia Eduardo Malaya, gideklarar ang Boracay isip favorite beach destination 2015 sa Malaysian Association of Tour & Travel Agents (MATTA) alang sa tinuig nga MATTA Fair nga ipahigayon sa Marso 13 hangtud 15 sa Putra World Trade Center sa Kuala Lumpur.
“Boracay has consistently been part of the list of the best beaches in the world, as evidenced by awards bestowed on it by major travel magazines and organizations. It is our pleasure for Malaysians to discover the island, with its pristine white sands and breathtaking beaches, which captivated many visitors for nature tripping, watersports and beach hopping,” matud pa ni Malaya.
Giingong tungod kini sa talagsaong kanindot ug puti nga mga balas sa maong isla.
Sa gipahigayong press conference niadtong Marso 9 sa MATTA Headquarters sa Kuala Lumpur, gipasigarbo usab sa Ambassador ang uban pang maanindot nga lugar sa Pilipinas sama sa Bohol ug Cebu.
Dungan sa pagpasigarbo sa nagkalain-laing maanindot nga dapit, mga piyesta ug mga panagtapok sa Pilipinas, gi-aghat usab ni Malaya ang mga Malaysian sa pagbisita sa nasud.
(ecb/PIA7-Bohol)
by admin | Mar 11, 2015 | Headlines, National News
MANILA, Mar. 11 (PIA)–Gitakdang magtukod og tulo ka disaster response center sa nasud ang World Food Program (WFP) aron masiguro ang paspas nga pagtabang kun adunay mga kalamidad.
Matud pa ni WFP Philippines Country Director Praveen Agrawal, ang tulo ka hubs ibutang sa mga lugar nga adunay acsess sa air, sea ug land transportation.
Apil sa mga gitun-ang himuong logistics hubs ang Clark International Airport, Mactan-Cebu International Airport ug General Santos International Airport.
Gidugang pa ni Agrawal nga pinaagi sa mga nasud nga miyembro sa WFP, nakagahin kini og $10 milyon nga pondo alang sa proyekto. (ecb/PIA7-Bohol)
by admin | Mar 11, 2015 | Headlines, National News
MANILA, Mar. 11 (PIA)–Halos P3 bilyon ang gigahin sa Department of Budget Management (DBM) alang sa pagpalit og mga bag-ong high-powered firearms ug radio equipment sa Philippine National Police (PNP).
“Despite the challenges facing the PNP, the National Government fully supports the police force in fulfilling their mandate to prevent crime and maintain peace and order,” matud pa ni DBM Kalihim Butch Abad.
Matud pa nga unahon sa PNP ang pagpalit og 743 submachine guns nga mokabat sa kapin P133 milyon ang kantidad ug 34 units sa high-frequency base radio nga nagkantidad og P17 milyon.
Pagapondohan usab sa DBM ang kapin sa 200,000 basic assault rifles ug magazine nga nagkantidad og P1 bilyon.
Apil pa sa gastohan sa gobyerno ang 945 motor vehicles, 133 firearm testing equipment, 23 water bullet recovery system ug 110 cotton bullet recovery system.
Pasabot pa sa tigpamaba sa PNP nga si Generoso Cerbo, wala kini kalabotan sa Mamasapano incident tungod kay wala man nakabutang nga ihatag kini alang lamang sa Special Action Force (SAF).
Giseguro usab sa PNP nga dili mamantsahan og korapsiyon ang proseso sa pagpalit sa mga bag-ong armas. (ecb/PIA7-Bohol)
by admin | Mar 5, 2015 | Headlines, National News
TESDA SEC. VILLANUEVA GIVES TWO THUMBS UP TO GOV. CHATTO’S PARTNERSHIP
Leads TESDA to 21st HEAT IT Caravan in Bilar
Technical Education and Skills Development (TESDA) Director General Sec. Joel Villanueva gave an excellent rating for the agency’s partnership with the Provincial Government of Bohol, citing the province as among top priorities of the agency jn its programs and projects.
“Partnership is key and with the equally excellent leadership of Gov. Edgar Chatto, we look forward to more projects and programs in Bohol.”, he said at the press conference last night.
The TESDA chief reported 65.3% employment rate for the entire Technical Vocational Sector in the last impact evaluation, a testament that it is doing well.
According to Villanueva, TESDA is also set to receive its ISO certification for the entire country, a first for the education sector, and second among all national agencies, next to the Department of Health (DOH), thanking Bohol and the entire Region 7 for being among first to be accredited in the journey to ISO certification.
The ISO certification waives the 5 year work experience required for employment.
TESDA currently boasts of 125 TESDA institutes, 6 in Bohol, and 4,500 including private institutions offering up to 245 training regulations with 29 courses available through online services.
Villanueva has committed to bring to the province a mobile training center in the next 3 or 4 months under a partnership with PAGCOR.
Villanueva leads the entire TESDA team as he joins the HEAT IT Bohol caravan today in Bilar to introduce scholarship programs of the agency, including Training for Work, Private Education Student Assistance Fund, Special Training for Employment Program, and Bottom Up Budgeting.
He also attends the graduation ceremonies for a thousand TESDA graduates at the Bohol Island State University (BISU) Bilar Campus today.
.
by admin | Mar 5, 2015 | Headlines, Health and Medicine, National News
MANILA, Mar. 05 (PIA)–Nipasidaan ang Department of Health (DOH) sa publiko batok sa mga usong sakit karong ting-init.
Kini human sa abiso sa Philippine Atmospheric, Geophysical and Astronomical Services Administration (PAGASA) nga angay pangandaman ang mas taas nga temperatura sa nasud kun padayon nang mosulod ang ting-init sa tungatunga sa Marso.
Gikan sa kasamtangang average temperature nga 34 degrees Celsius (°C), mahimo pa kining mosaka sa 36 °C pag-abot sa Abril ug Mayo.
Bunga kini sa paghinay sa northeast monsoon o Amihan nga nagdala og bugnaw nga hangin gikan sa Siberia ug China, ug ang pagbalhin sa init nga hangin gikan sa dagat.
Tungod niini, gipaabot nga modaghan ang insidente sa allergic conjuncitivitis o sore eyes, heat stroke ug fungal infection sa panit.
Nabutang usab sa kakuyaw ang mga bata sa hulga sa dehydration ug chicken pox o hangga.
Giingong angay usab bantayan ang mas daling pagkapan-os sa mga pagkaon tungod sa init nga panahon nga mahimong makaingon og food poisoning.
Tambag pa ni DOH Acting Secretary Janette Garin, ipatuman kanunay ang kalimpyo, mokaon og mga sustansyadong pagkaon ug sigaraduhong igo ang tulog aron maalimahan ang panglawas.
May tanyag usab ang DOH og libreng bakuna batok sa measles o tipdas ug uban pang sakit sa tanang pampublikong tunghaan sa umaabot Hunyo. (ecb/PIA7-Bohol)
by admin | Mar 5, 2015 | Headlines, National News
MANILA, Mar. 05 (PIA)–Nipasidaan ang Department of Justice (DOJ) sa publiko nga mag-amping batok sa nikatap nga matang sa pagpangilad sa internet o online.
Sa pahayag ni Justice Secretary Leila De Lima, nagkadaghan ang mga kaso sa ‘online sextortion’ o sekswal nga pagpangilkil gamit ang internet, base sa datos nga nahipos sa DOJ.
Sa advisory nga gipagawas sa DOJ, padayon nga nadugangan ang mga nadawat nga reklamo sa Philippine National Police-Anti-Cybercrime Group (PNP-ACG) nga nag-ingong biktima sila sa ‘sextortion’.
Pasabot ni De Lima, kasagarang mogamit sa pekeng personalidad sa internet ang mga ‘sextortionist’.
“Makikipagkilala ang mga ito sa target na biktima. Kapag nakuha na nito ang tiwala ng target, hihikayatin nito ang walang kamalay-malay na biktima na gumawa ng mga sekswal na bagay habang kinukunan ang sarili,” matud pa sa kalihim.
Gamiton sa ‘sextortionist’ ang mga hulagway o video sa biktima aron makapangilkil og salapi.
Mao nga tambag ni De Lima sa mga tiggamit sa internet, ampingan ang personal information ug dili dayon mosalig sa mga dili kaila.
Matud pa sa DOJ, makapangilad lamang ang maong mga ‘sextortionist’ kun magpasagad ang online users sa pagdawat og mga dili kailang accounts. (ecb/PIA7-Bohol)
