by aimee | Mar 5, 2014 | Headlines, National News
MANILA, Mar. 5, 2014 (PIA)–Nanawagan ang Malakanyang sa tanang mga kawani ug mga hugpong sa propesyonal nga makighiusa sa gihimong paningkamot aron iduso pa ang kinatibuk-ang paglambo sa panginabuhian pinaagi sa pagbabayad og saktong buhis.
Sa gipahigayong press briefing sa Malakanyang kagahapon, miingon si Kalihim Herminio “Sonny” Coloma, Jr. sa Presidential Communications Operations Office (PCOO) nga gipaningkamotan og maayo ilabi na sa Bureau of Internal Revenue (BIR) nga makab-ot ang 16 hangtud 18 porsiyento nga tax-to-GDP ratio pag-abot sa tuig 2016.
“Ang mga buwis ang dugong pambuhay ng economya. Pag-alinsunod sa pakay ng Philippine Domestic Program, pinagbubuti ng BIR ang kampanya upang mapaabot sa 16 to 18 porsiyento ang tax-to-GDP ratio pagdating ng 2016. Hanggang noong 2013, ang tax-to-GDP ratio ng bansa ay umabot sa 136 porsiyento, subali’t ito ay mababa sa 17 porsiyentong natala bago nagkaroon ng krisis pinansiyal sa Asya,” pasabot ni Coloma.
Matud pa nga sa pagpaningkamot nga makab-ot ang target, gibarugan sa gobyerno nga angay lamang hingusgan pa ang pagpaningil og buhis aron makaabag sa mga kaatbang niini nga nasud sa ASEAN.
Base sa taho sa World Bank, ang pagpaningkamot sa Thailand, Malaysia ug Singapore sa pagkolekta og buhis nagpabilin sa 17.6 porsiyento; 16.1 porsiyento ug 13.8 porsiyento. (PIA7-Bohol/ECB)
by aimee | Mar 5, 2014 | Headlines, National News
MANILA, Mar. 5, 2014 (PIA)–Giseguro sa Malakanyang nga padayon ang land reform ubos sa Comprehensive Agrarian Reform Program Extension with Reforms (CARPER) bisan gitakdang matapos na kini karong Hunyo.
Matud pa ni Kalihim Herminio “Sonny” Coloma, Jr. sa Presidential Communications Operations Office (PCOO) nga ang land reform program magpadayon bisan human sa termination date niini ilabi na nga adunay mga land owners ang wala pa nakadawat sa ilang notices of termination.
Giingong sama sa gipasabot na ni Agrarian Reform Secretary de los Reyes, ubos sa gipatuman sa balaod sa Republic Act 9700, Section 30 diin nakalatid nga “land acquisition and distribution may proceed for land holdings with pending proceedings even after June 2014.”
Kalabot sa pagtabang sa mga benepisyaryo sa reporma sa yuta, gibutyag ni Coloma nga ang Department of Agrarian Reform (DAR) nimugna og usa ka grupo nga motutok lamang sa support services. Ang maong grupo ang nakig-alayon sa nagkalin-laing ahensiya sa gobyerno sama sa Land Bank of the Philippines ug Cooperatives Development Authority aron tabangan ang mga benepisiyaryo nga magtukod og kaugalingon nilang mga kooperatiba.
Matud pa nga karong tuig, mosalmot ang Pilipinas sa International Year of the Family Farm.
Tungod niini, gi-awhag ang pagpalambo ug pagbaton og family farms alang sa mas daghan pang Pilipino nga mosalmot sa pagpanguma.
Base sa datos sa Department of Agriculture (DA), 55 anyos pasaka ang average age sa Filipino farmers mao nga angay palapdan pa ang gitawag nga base of farmers sa nasud apil na ang nahisulod sa younger age group. (PIA7-Bohol/ECB)
by aimee | Mar 4, 2014 | Headlines, National News
MANILA, Mar. 4, 2014 (PIA)–Hugot nga gibantayan karon sa gobyerno aron masiguro nga naa sa luwas nga kahimtang ang mga Pilipino nga tua sa nasud sa Ukraine nga nakasinati karon og political crisis.
Matud pa ni Deputy presidential spokesperson Abigail Valte, padayon nga nagbantay ang Department of Foreign Affairs (DFA) sa kahimtang sa mga Pinoy worker sa Ukraine.
Sa pagkakaron, wala pa’y nadawat nga taho ang Malakanyang kun adunay mga Pinoy nga naangol o naapektuhan sa krisis sa Ukraine.
Ang political crisis sa Ukraine nagsugod niadtong Nobyembre 2013 tungod na usab sa kasuko sa katawhan sa nahimong desisyon ni Ukraine President Viktor Yanukovych nga i-scuttle ang usa ka European Union-oriented trade deal. (PIA7-Bohol/ECB)
by aimee | Mar 4, 2014 | National News
MANILA, Mar. 4, 2014 (PIA)–May pagtugot na ni Presidente Benigno “Noynoy” Aquino III ang pagtangtang sa 11 ka Government Owned And Controlled Corporations (GOCCs).
Pipila niini ang nalambigit sa pork barrel scam isip kauban sa anomaliya sa mga pekeng proyekto nga gi-pondohan sa Priority Development Assistance Fund (PDAF).
Una nang gi-aprubahan sa Presidente ang pagwagtang sa National Agribusiness Corp. (NABCOR), Zamboanga Del Norte Rubber Estate Corp. (ZREC), Human Settlements Development Corp. (HSDC), Philippine Forest Corp. (PFC) ug Cottage Industry Technology Center (CITC) sa dili pa matapos ang 2013.
Gawas niini, ipatangtang na usab ni Presidente Aquino ang Southern Philippines Dev’t. Authority (SPDA), Philippine Fruits and Vegetables Corporation (PFVC), San Carlos Fruits Corporation (SCFC), Philippine Agricultural Development And Commercial Corporation (PADCC), Bataan Technology Park, Inc. (BTPI) ug PNOC Shipping And Transport Corporation (PNOC-STC).
Matud pa ni Paolo Salvosa, ang tigpamaba sa Governance Commission for GOCCs, ilang e-evaluate ang performance sa matag usa sa mga nahisgotang buhatan, hatagan og separation payment ug tun-an ang pagbalhin sa ubang apektadong empleyado ngadto sa ubang buhatan sa gobyerno. (PIA7-Bohol/ECB)
by aimee | Feb 28, 2014 | Headlines, National News
MANILA, Feb. 26 (PIA)–Nalabwan na sa Pilipinas ang Guinness World Record nga “Most People to Sign-up as Organ Donor in One Hour.”
Kanhi gikoptan sa India ang maong titulo nga adunay 2,755 donors nga nipasalig isip organ donors sa usa ka lugar sulod sa usa ka oras.
Pinaagi sa sign-up campaign nga “I Am Life Line” sa Department of Health (DOH) ug Philippine Network for Organ Sharing (PhilNOS), nahimo sa mga Pinoy nga malabwan ang record sa India.
Ganinang buntag, kapin sa 3,000 dayon ang natala sa Polytechnic University of the Philippines (PUP) sa Sta. Mesa, Manila ang nagpalista isip donor sulod pa lamang sa tunga sa oras.
Gawas sa one hour record, target usab nga makuha sa mga Pinoy ang pinakadaghang ni-pledge nga mo-donate og organ sa usa ka nasud sulod sa usa ka adlaw.
Apil sa mga nagpahigayon og organ donation sign-up ang Quezon Memorial Circle (QMC); RTMC Hospital sa San Fernando, La Union; Mamba Gym sa Tuguegarao City, Cagayan; JMR Coliseum sa Naga City ug Almendras Gym sa Davao City.
Paaboton na lamang ang pormal nga pahibalo sa mga tinugyanan sa Guinness kalabot sa world record attempt sa organizers. (PIA7-Bohol/ECB)
by aimee | Feb 27, 2014 | Headlines, National News
MANILA, Feb. 27 (PIA)–Magbukas og mga oportunidad sa negosyo sa Pilipinas ilabi na sa Mindanao ang pagbisita ni Presidente Benigno ‘Noynoy’ Aquino III sa Malaysia karong adlawa.
Matud pa ni Philippine Ambassador to Malaysia Ed Malaya, 13 ka kumpanya gikan sa Malaysia ang mibisita sa Cotabato City human gilagdaan ang katapusang annex sa Bangsamoro Framework Agreement niadtong Enero.
Tuyo sa mga Malaysian companies nga tan-awon ang mga posibleng investment sa rehiyon sa Mindanao nga nangahulogan og trabaho alang sa mga Pilipino.
Matud pa sa ambassador, taas ang agenda sa state visit ni PNoy nga magduso sa kalinaw ug pag-ugmad sa Autonomous Region in Muslim Mindanao (ARMM).
Tuig 2001 sa dihang nahimong facilitator ang Malaysia sa hisgotan sa kalinaw tali sa gobyerno ug Moro Islamic Liberation Front (MILF) ug padayon pa gihapon ang paghatag niini og suporta sa nasud sa Pilipnas.
“What is important, now that there is a successful conclusion of the peace process, is to transform the support and the goodwill from facilitation of the peace process into concrete economic support measure, so that – in the words of Prime Minister – the former freedom fighters can be transformed into productive farmers,” pahayag ni Malaya.
Dugang pa sa ambassador, gitutokan sa mga negosyanteng Malaysian ang Pilipinas tungod sa natalang paglambo sa ekonomiya niini.
7.2% ang nahimong GDP growth sa Pilipinas niadtong niaging tuig nga ikaduha sa pinakadakung paglambo sa ekonomiya sa Asya ug labing-taas sa tibuok Association of Southeast Asian Nations (ASEAN).
Giingong kini ang hinungdan mao nga daku-daku ang gipaabot nga gidaghanon sa mga negosyanteng moduaw sa ipahigayong business investment forum diin gipaabot ang pahayag ni PNoy. (PIA7-Bohol/ECB)
