by magnolia_eic | Jul 21, 2011 | Headlines, National News
TAGBILARAN CITY, Bohol, July 21 (PIA)–Bukas ang Malakanyang sa posibleng pagpakita ni kanhi Commission on Elections (Comelec) Commissioner Virgilio Garcillano. Matud pa sa tigpamaba sa Presidente nga si Edwin Lacierda, angay nga paminawon usab ang mga ibutyag
ni Garcillano sa giingong pagpanikas sa piniliay niadtong tuig 2004 ug 2007.
Kahinumduman’g si Garcillano ang gitawag nga “Hello Garci” nga giingong gikahinabi ni kanhi Presidente ug karon Pampanga Congresswoman Gloria Macapagal-Arroyo niadtong tuig 2004 nga piniliay. Kalabot niini, gitataw sa Malakanyang nga wala’y nahitabong binayranay sa pagtahan ni kanhi Maguindanao Election Supervisor Lintang Bedol sukwahi sa alegasyong nibayad ang gobyerno og P30 milyon bugti sa pagtahan sa iyang kaugalingon sa kanhi election official.
Sigun pa kang Lacierda, dili batasan sa administrasyong Aquino ang mobayad bugti sa mga impormasyon ug dili usab scripted ang sunod-sunod nga paglugwa sa mga testigo sa giingong pagpanikas sa piniliay.
(Translated into Bol-anon by Elvira Bongosia/PIA-Bohol)
by magnolia_eic | Jul 18, 2011 | Headlines, National News
TAGBILARAN CITY, Bohol, July 18 (PIA)–Malipayon’g gidawat ni Foreign Affairs Secretary Albert del Rosario ang gisang-at nga House Resolution No. 352 nga nanawagan alang sa “peaceful and collaborative resolution of maritime territorial disputes in the South China
Sea and its environs and other maritime areas adjacent to the East Asian mainland” sa ubang miyembro sa United States House of Representatives.
Sa taho sa Philippine Embassy sa Washington D.C., si Representative Ileana Ros-Lehtinen, Chair sa United States House Committee on Foreign Affairs, ang nisang-at sa House Resolution ug co-sponsors niini silang Representative Don Manzullo, Chairman sa House Subcommitttee on Asia and the Pacific, ug Representative Eni Faleomavaega, Ranking Member sa House Subcommittee on Asia and the Pacific.
Adunay 27 ka magbabalaod nga nag-co-sponsor sa resolusyon nga gilangkoban sa 18 ka Republicans ug 9 ka Democrats. Suportado sa House Resolution ang posisyon sa Pilipinas sa malinawon, multilateral ug rule-based settlement sa kasungi-an sa Spratly Islands base sa international law ug gikondena ang paggamit og puwersa aron maresolba ang problema.
Sa maong resolusyon, pipila ka probisyon ang nahimong gibasihan, apil na ang giingon niadtong Hunyo 23, 2011 ni Secretary of State Hillary Rodham Clinton sa nibisitang si Foreign Secretary Del Rosario nga determinado kini ug committed aron suportahan ang pagdepensa sa Pilipinas.
Gitumbok usab sa resolusyon ang giingon ni Secretary Del Rosario nga ang Pilipinas usa lamang ka gamay nga nasud apan andam mohimo sa bisan unsang angay buhaton aron mapanalipdan ang teritoryo niini. Nakabutang usab sa probisyon ang pahayag sa US nga andam kining tabangan ang Pilipinas aron imo-dernisa ang militar.
Nauna niini, gi-aprubahan sa US Senate ang resolusyong gisang-at ni Senator Jim Webb nga nisupak sa paggamit og puwersa sa China sa South China Sea ug nanawagan og malinawon, multilateral resolution sa maritime territorial disputes sa Southeast Asia. (PIABohol/ecb)
by magnolia_eic | Jul 18, 2011 | Headlines, National News
TAGBILARAN CITY, Bohol, July 18 (PIA)–Mohimo og imbestigasyon ang Commission on Elections (Comelec) sa mga gibutyag nilang kanhi Maguindanao Election Supervisor Lintang Bedol ug kanhi Autonomous Region in Muslim Mindanao (ARMM) Governor Zaldy Ampatuan kalabot sa mga giingong pagpanikas niadtong tuig 2004 ug 2007 nga piniliay.
Matud pa ni Comelec Commissioner Armando Velasco, angay nga matuldukan na ang mga alegasyong pagpanikas sa mga milabay nga piniliay. Gitumbok usab ni Velasco nga angay nga adunay ikapakita nga mga dokumento silang Bedol ug Ampatuan aron mapamatud-an nga dunay nahitabong pagpanikas.
Samtang mag-isyu ang Comelec og alias warrant of arrest batok ni Bedol alang gihapon sa kasong contempt nga gipasaka batok niya sa komisyon. Miingon si Comelec Chairman Sixto Brillantes nga napaso na niadtong tuig 2008 ang unang warrant of arrest nga gi-isyu kaniya sa komisyon niadtong tuig 2007. Kahinomduman nga nauna nang napahamtangan og unom ka bulan nga pagkabilanggo si Bedol alang sa kasong contempt tungod sa wala pagpakita niini sa mga gipatawag nga pagdungog kaniadto sa Comelec. (PIA-Bohol/ecb)
by magnolia_eic | Jul 14, 2011 | Headlines, National News
THE Philippines will be importing a maximum of 500,000 tons of rice next year, Agriculture Secretary Proceso Alcala said,
down from this year’s import volume of 860,000 tons. “We will not be importing more than 500,000 tons,” he continued,
adding that the country may import even less in 2012 depending on the wet season harvest.
Alcala says next year’s import volume is in keeping with the Aquino administration’s goal of achieving rice
self-sufficiency by 2013. As this developed, Alcala mentions that the country’s agricultural output in the second
quarter is looking "very good." Farm output grew 4.1 percent from January to March, the fastest first quarter growth in seven
years. (DA)
by magnolia_eic | Jul 14, 2011 | Headlines, National News
TAGBILARAN CITY, Bohol, July 14 (PIA)–ADUNAY 120 ka Pinoy ang gidakop sa Dubai Police human giingong ilegal nga nagtrabaho sa United Arab Emirates (UAE). Matud pa ni Phl Consul General to Dubai Benito Valeriano, gipaubos na sa imbestigasyon sa Dubai Police ug UAE Immigration ang 120 ka OFWs nga gibilanggo karon sa Al Aweer Detention Center sa Dubai human maaresto niadtong Hulyo 6.
Miingon ang DFA nga ang mga mapamatud-ang ilegal nga nagtatrabaho sa UAE, ipa-deport samtang pagawason usab ang adunay mga dokumento o work permits. Sigun pa ni Valeriano nga gidakop ang mga Pinoy samtang sakay sa tulo ka bus paingon sa mga event o panagtapok sa Dubai Mall, Dubai World Trade Center ug Al Ghurair’s mall aron magtrabaho isip mga part time service crew.
Kadaghanan sa mga Pinoy nga misulod nagkupot lamang og tourist/visit visa ug kun anaa na sa Dubai, usa pa sila mo-aplay og employment visa aron maka-trabaho. Miingon ang DFA nga nakig-alayon na ang Konsulado sa UAE authorities aron makagawas na sa bilangguan ang mga gidakop nga OFWs. (PIA-Bohol/ecb)
by magnolia_eic | Jul 14, 2011 | Headlines, National News
TAGBILARAN CITY, Bohol, July 14 (PIA)–PAABOTON una ni Presidente Benigno “Noynoy” Aquino III ang resulta sa imbestigasyon sa Senado sa giingong anomalya sa paggamit sa pondo sa Philippine Charity Sweepstakes Office (PCSO) sa dili pa mopatuman og reporma. Giseguro sa Presidente nga magpatuman og reporma sa pagpagawas og pondo sa ahensya pinaagi sa mga problemang madiskubre sa Senado.
Giingong nagsugod ang problema sa PCSO nga naglambigit sa mga obispo sa Simbahang Katolika human madiskubri sa report sa Commission on Audit (COA) nga nakakuha og pondo ug sakyanan ang ubang Obispo ug ang laing pondo usab gigamit isip blood money
sa mga Overseas Filipino Workers (OFW) nga adunay kaso sa ubang nasud nga adunay pagtugot sa miaging administrasyon.
Sigun pa sa Presidente nga may gi-andam nang reporma aron hugtan ug matarong ang pagpagawas og pondo sa PCSO aron malikayan nga mapahimoslan kini. (PIA-Bohol/ecb)
