MANILA, June 28 (PIA)–Upat ka balaod ang gilagdaan ni Presidente Benigno ‘Noynoy’ Aquino III pila ka adlaw sa dili pa siya monaug sa posisyon.
Usa na niini ang R.A 10868 o ang Centenarian Act of 2016 diin nahisulod niini ang paghatag og insentibo sa mga Pinoy nga mag edad 100 anyos pataas og P100,000 cash gawas pa sa ilang mga dugang nga prebelehiyo.
Apil usab sa mga balaod nga gilagdaan ni PNoy niadtong Hunyo 23 ang Republic Act 10865 o ang Mayor Hilarion A. Ramiro Sr. Medical Center Act, apil na ang R.A 10866 o Batanes Responsible Tourism Act.
Gilagdaan usab sa Presidente ang R.A 10867 o ang National Bureau of Investigation Reorganization and Modernization Act.
Apan matud pa ni Presidential Communications Operations Office (PCOO) Kalihim Herminio Coloma Jr., wala naapil sa gilagdaan ang 75 porsiyento nga VAT exemption nga usa sa probisyon nga nahimong hinungdan nga gi-veto kini sa president sa 15th congress version niini.
Ang NBI Act usab bunga sa inter-agency consensus building ug usa sa giduso sa katapusang State Of the Nation Address o SONA sa presidente. (ecb/PIA7-Bohol)