TAGBILARAN CITY, October 28 (PIA)–Gi-isa na karon sa Department of Health (DOH) sa code white alert ang tanang mga pampublikong tambalanan sa tibuok nasod ug sa ilang mga regional offices tungod sa nagsingabot nga Kalag-kalag.
Ubos sa code white alert, gimanduan ang mga doktor, nurse ug medical team nga mangandam sa paghatag og bisan unsang medical emergency assistance nga kinahanglanon sa mga pasyente.
Epektibo ang code white alert sugod sa Oktubre 30 hangtud Nobyembre 2.
Samtang nipahinumdom ang DOH sa publiko nga mag-amping ug magbinantayon sa mga pagkaon ug ilimnon nga ginabaligya sa mga menteryo tungod sa mga sakit nga posibleng makuha sa dili limpyo nga pag-andam sa mga pagkaon. (ecb/PIA7-Bohol)
