TAGBILARAN CITY, November 7 (PIA)–Gi-luagan sa Civil Service Commission (CSC) ang rehistrasyon sa mga Overseas Filipino Wor¬kers (OFWs) nga gustong mokuha og Career Service Examination-Pen and Paper Test (CSE-PPT).
Gipahibalo kini kagahapon sa CSC nga mahimo nang mo-apply sa CSE-PPT alang sa Professional ug Sub-Professional level ang mga OFWs nga naa sa Hongkong ug Macau pinaagi sa online registration.
Bukas ang examination sa tanang OFWs sa Hongkong ug Macau nga naa sa 18 anyos pataas.
Pahinumdom pa sa CSC, ang online registration matapos sa Nobyembre 13, 2016 ug gitakda ang pasulit sa Nobyembre 27 ug ipahigayon kini sa Hongkong.
Sa mga OFWs, kinahanglan lamang magpakita og orihinal ug photocopy sa CS Form 100, 4 kabuok nga passport sized ID pictures (white background), orihinal ug photocopy sa valid Philippine Passport ug orihinal ug photocopy sa bank deposit slip o proof of payment alang sa P1,500 nga registration fee. (ecb/PIA7-Bohol)