MANILA, Feb. 03 (PIA)–Ang Civil Service Commission (CSC) nangdawat na karon og nominasyon alang sa 2016 Search for Outstanding Officials and Employees taman Marso 31, 2016.
Ang ganti niini mao ang pinakataas ug labing inilogan nga rekognasyon nga ihatag sa gobyerno ngadto sa mga kawani ug opisyal niini.
Tanang empleyado sa career ug non-career service sa gobyerno, apil na sa mga gitudlo nga opisyal sa barangay ug kawani nga gi-ila isip government employees, mahimong e-nominar. Apan ang mga kawani nga ubos sa job order o contracts of service dili apil niining programa.
Ang 2016 Search for Outstanding Public Officials and Employees nahulma isip parte sa CSC’s Honor Awards Program (HAP) ug adunay 3 ka award categories.
Usa niini ang Presidential Lingkod Bayan Award nga ihatag sa indibidwal o grupo alang sa talagsaon o ekstraordinaryong kontribusyon nga adunay ‘nationwide impact’.
Ang Outstanding Public Officials and Employees o ang Dangal ng Bayan Award ihatag sa indibidwal nga nakahimo og ekstraordinaryong buhat o public service ug permanenteng nagpakita og talagsaong etikong pamatasan base sa iyang pagsunod sa Code of Conduct and Ethical Standards for Public Officials and Employees.
Samtang ang CSC Pagasa Award ihatag ngadto sa indibidwal o grupo alang sa bantogan nga kontibusyon nga direktang nakabenepisyo sa labaw sa usa ka departamento sa gobyerno.
Aron pagdasig ug pagpalig-on sa teamwork, ang CSC kusganong mi-awhag sa group/team nominations.
Bisan kinsang indibidwal o organisasyon nga adunay ‘extensive knowledge’ sa outstanding work performance ug talagsaong etikong pamatasan sa usa ka public servants mahimong ituboy ang indibidwal o grupo sa indibidwal alang sa espisipikong kategorya sa Honor Awards Program.
Ang nominasyon alang sa tanang award categories mahimong iduso sa bisan asang CSC provincial/field o regional office taman Marso 31, 2016. Kadtong nominasyon lamang nga may kumpletong requirements ang lihokon alang sa screening ug evaluation. (ecb/PIA7-Bohol)