TAGBILARAN CITY, Bohol, Nov. 08 (PIA)–Gipalihok karon ni Presidente Benigno “Noynoy” Aquino III ang Department of Agriculture (DA) nga doble-kayod karon aron mapa-ugmad ang organic farming sa nasud.
Sa organic farming, walay commercial nga pesticides o abono nga gigamit sa mga pananom.
Sa 8th National Organic Agriculture Conference sa Hacienda Luisita sa Tarlac, miingon ang Pangulo nga mahatag sa maong programa ang gikinahanglang pondo niini.
Matud pa sa Pangulo, nagtuo siya nga pinaagi sa organic farming, daku ang potensyal nga masolbad ang kakabos ug kagutom sa nasud.
Giangkon sa Pangulo nga dakung hagit karon ang giatubang sa nasud tungod sa epekto sa climate change.
Apan giingong wala nagpasagad ang iyang administrasyon ug dili siya Juan Tamad nga naghuwat lamang nga mahulog ang bunga sa yuta.
“Sa pagharap naman po sa hamon na ito, hindi yapak ni Juan Tamad ang ating sinunod. Sa halip na humilata at maghintay sa pagbagsak ng bunga, minabuti nating pag-aralan ang problema, at saka nagpunla ng mga plano at inisyatiba upang mapitas at mapakinabangan agad ito,” matud pa ni Pangulong Aquino. (PIA-Bohol/ecb)