MANILA, April 27 (PIA)–Makadaginot na og kapin sa P1.3 bilyon ang gobyerno sa ilang mga gasto sa mga pagbyahe matag tuig.
Kini human milagda sa kasabotan ang Philippine Airlines (PAL) nga mohatag og diskuwento sa mga opisyal ug empleyado sa gobyerno alang sa ilang mga official trips sulod sa nasod.
Nakalatid sa general fares agreement tali sa PAL ug sa Procurement Service-PhilGEPS sa Department of Budget Management (DBM nga hatagan og 8 porsiyentong diskwento sa economy class reservations ug 10 porsiyentong diskwento usab sa business class reservations ang mga kawani sa gobyerno.
Gawas niini, may mga perks usab kining kauban nga dugang baggage allowance ug pagka-waive sa P250 processing fee matag ticket apil na ang bayronon alang sa unang rebooking.
Ang tanang ahensiya sa gobyerno gimanduan na karon sa paggamit sa PhilGEPS alang sa ilang mga procurement.
Kinahanglang ilang ipahibalo ang tanan nilang bid opportunities online ug ipamantala ang mananaog ug kontrata apil na ang kantidad.
Sa pagkakaron, 23 pa ka ahensya sa gobyerno ang sakop sa maong kasabotan, matud pa sa DBM.
Tungod sa diskuwento sa reservations sa economy class airfare, makadaginot ang gobyerno og P830.9 miyon matag tuig, samtang ang waiving usab sa processing fee magresulta sa P519.4 milyong madaginot sa pondo. (ecb/PIA7-Bohol)
