TAGBILARAN CITY, Bohol, June 06 (PIA)–Adunay bag-ong grading system nga ipatuman ang Department of Eductaion (DepEd) alang sa Grade 1 ug Grade 7.
Sa bag-ong sistema, letra na ug dili mga numero ang mga grado.
Grade A o advanced kun 90 percent pataas ang marka nga ihatag sa estudyante.
Grade P o Proficient gikan 85-89 percent, Grade AP o Approaching Proficient gikan 80 hangtud 84 percent, Grade D o Developing gikan 75 hangtud 79 percent ug Grade B o Beginning kun 74 percent o mas ubos pa.
Adunay pasidaan ang ubang eksperto nga posibleng mawagtang ang competitiveness sa mga bata tungod kay halos magkapareho lamang ang grado.
Apan gitataw usab sa DepEd nga number gardes pa gihapon ang gamiton sa mga exam ug sa report card lang makita ang letter grades. (PIA-Bohol/ecb)
Pagbawal sa mga tinun-an sa mga internet café sa oras sa klase,
gi-plantsa na sa DedEd
TAGBILARAN CITY, Bohol, June 06 (PIA)–Nakig-alayon na ang Department of Education (DepEd) sa Department of Interior and Local Government (DILG) alang sa pag-plantsa sa sumbanan sa mga internet cafe ug bisan sa mga bilyaran nga duol sa mga eskwelahan.
Matud pa ni DepEd Asst. Sec. for Planning Jesus Mateo, nga mao usab ang chairman sa gilusad nga Oplan Balik Eskwela nga aduna nay naunang panaghisgot ang DILG ug bisan sa lokal nga polisya.
Laraw sa DepEd nga dili pasudlon sa mga internet cafe ang mga estudyante sa mga oras nga ting klase.
Bisan pa niini, gi-angkon sa DepEd nga wala kanila ang hurisdiksyon sa mga internet cafe.
Apan matud pa ni Mateo, mahimong magpagawas og ordinansa ang matag lokal nga kagamhanan batok sa mga internet cafe nga kanunay gidagsa sa mga estudyante nga nagpasumangil lamang nga maghimo og assigment apan pagduwa lang ang giatubang. (PIA-Bohol/ecb)