MANILA, Feb. 19 (PIA)–Nipasidaan ang Department of Education (DepEd) sa mga personnel niini batok sa pag-imbitar og mga politiko isip pinasidunggang dinapit o speakers sa mga graduation rites.
Matud pa ni DepEd Kalihim Armin Luistro, ang end-of-school year rites alang lamang sa mga estudyante ug mga ginikanan ug dili angay himuong political forum.
Nanawagan usab ang Kalihim nga himuong yano lamang apan halandomon ang graduation rites karong tuig.
Matud pa nga angay kanunay nga hatagan og pagtagad ang diwa sa graduation ceremonies apan dili kini angay himuong gastoso ug bongga.
Base sa DepEd Order No. 7 series of 2016, gitakda ang tanang graduation ceremonies sa Abril 1, 2016 o sa dili pa sa maong petsa diin angay himuon lamang kining ‘simple, solemn and meaningful events’.
Ang 2016 graduation ceremonies kinihanglang motutok sa temang: Kabataang Mula K to 12, Tagapagdala ng Kaunlaran sa Bansang Pilipinas. (ecb/PIA7-Bohol)
