MANILA, Mar. 31, 2014 (PIA)–Ipahimutang ang e-passport system sa Department of Foreign Affairs (DFA) sugod ugma, Abril 1.
Tungod niini, ipatuman sa ahensya ang ilang temporary passport releasing scheme.
Gikan sa 7 ngadto sa 15 ka working days nga pagpagawas sa mga pasaporte, molanat na kini og 10 ngadto sa 20 ka working days ilabi na sa ASEANA ug sa mga satellite offices sa DFA.
Samtang 15 ngadto sa 25 ka working days usab ang paaboton sa mga pasaporte gikan sa regional consular offices ug molanat na og 5 hangtud 6 ka semana ang releasing gikan sa foreign service posts.
Magsugod ang kasamtangang releasing scheme sa DFA ugma, Abril 1 ug mobalik ra sa normal release schedule sa umaabot Abril 15. (PIA7-Bohol/ECB)