GIPASALIG sa Department of Health ang mas gipangusgan nga surveillance sa mga pantalan, tugpahanan ug mga komunidad aron sa mas dali nga pagpangandam batok sa H1N1.
Kini usab maoy gibungat ni Presidente Gloria Macapagal Arroyo sa usa ka palkighinabi sa Sugbo sa miaging adlaw.
Segun sa mga taho, ang DOH mibutyag nga sa 46 ka tawo nga gidudahang may kaso, 7 na lamang ang may gipaabot pang laboratory results aron matud-an kon apektado ba sa sakit.
Kasagaran sa giobserbahan, kadtong gikan sa paglangyaw sa mga nasud nga may namatikdang aktibong kaso sa swine influenza.
Kini samtang pabilin pang luwas ang Pilipinas sa hulga sa sakit. (rachiu/PIA)