DSWD, mi-aghat sa publiko nga makighiusa sa kampanya
batok child pornography ug child abuse
MANILA, Mar. 19, 2014 (PIA)–Gi-aghat sa Department of Social Welfare and Development (DSWD) ang publiko nga makighiusa sa pagbatok sa pornography ug child abuse.
Nihangyo ang DSWD nga i-report dayon ang mga porn sites sa National Telecommunications Commission (NTC) aron mapa-block kini sa internet service providers.
Matud pa sa DSWD, angay usab nga aktibo ang mga ginikanan sa pagbantay sa ilang mga anak aron dili sila magbaton og access sa maong mga sites.
Giingong mokabat sa 3,600 child porn sites ang nadiskubre sa DSWD ug sa uban pang hingtungdang ahensya.
Mangayo usab og tabang ang DSWD sa internet watch foundation alang sa pagsumpo sa child pornography. (PIA7-Bohol/ECB)