TAGBILARAN CITY, November 14 (PIA)–Ang Department of Social Welfare and Development (DSWD) Field Office VII mi-awhag sa local government units (LGUs) ug non-government organizations (NGOs) sa pagpahimos sa Listahanan database statistical data.
Matud pa ni Listahan Coordinator Ruben Boybanting, ang Listahanan database dato sa datos sa data information sama sa demograpika sa populasyon nga naglangkob sa household assessment ug lakip na usab ang datos sa akses sa luwas nga tubig ug elektrisidad, kalidad sa ilang housing materials, estado sa pagbaton og balay sa pamilya ug yuta ug ang ilang espisipikong panginabuhi nga magamit kun mohangyo.
Atol sa gipahigayong Association of United Development Information Officers in Bohol (AUDIO-Bohol) General Assembly Meeting niadtong Nobyembre 10 sa Reyna’s The Haven & Gardens ning syudad, si Boybanting nihatag og update sa Listahan sa Bohol.
Sa pagkakaron, ang DSWD naa pa sa proseso sa pag-pinalisar sa Memorandum of Agreement (MOA) alang sa data sharing sa pakig-konsultasyon kauban sa National Privacy Commission aron pagsiguro nga ang bag-ong MOA mosubay gayud sa RA 10173 o ang Data Privacy Act of 2012.
Ang listahan sa mga pangalan ug addresses sa mga ‘identified poor households’ makuha lamang pinaagi sa ‘execution of a data sharing agreement’ sa DSWD.
Kini matud pa aron pag-proteher sa integridad sa datos ug pagsiguro nga ang listahan magamit lamang alang sa implementasyon sa social protection programs ug serbisyo alang sa pagpa-usbaw sa kaayohan sa katawhan.
Gipasalig hinuon ni Boybanting nga kun ma-aprobahan na ang maong MOA, ila dayong sugdan ang pagpa-ambit sa ‘list of poor households’ base sa resulta sa gipahigayong second round household assessment.
Ang Listahanan o ang National Household Targeting System for Poverty Reduction (NHTS-PR) usa ka administrative tool nga nagtino kinsa ug asa ang mga kabos kun poor households sa nasod. (ecb/PIA7-Bohol)