MANILA, June 09 (PIA)–Epektibong programa sa gobyerno ang hinungdan sa pagkunhod sa gidaghanon sa mga out-of-school youth sa Pilipinas.
Kini matud pa sa taho nga gipagawas sa Philippine Institute for Development Studies ug United Nations Children’s Fund (UNICEF) kalabot sa ilang pagtuon sa kahimtang sa mga Out-of-School Children sa Pilipinas.
Base sa taho, mikunhod ang proportion sa out-of-school youth sa kinatibuk-ang gidaghanon sa mga batang Pilipino tungod sa mga inisyatiba sa pipila ka ahensya sa gobyerno.
Gikan sa 11.7 porsiyento niadtong 2008, mikunhod kini sa 5.21 porsiyento sa tuig 2012.
Matud pa ni Presidential Spokesperson Edwin Lacierda, welcome development ang maong taho diin miresulta na ang programa sa Department of Education (DepEd) nga mandatory kindergarten ug Pantawid Pamilyang Pilipino Program (4Ps) sa Department of Social Welfare and Development (DSWD).
Matud pa ni Lacierda, kini ang bunga sa paghatag og importansiya ug pamuhonan sa administrasyong Aquino sa katawhang Pilipino. (ecb/PIA7-Bohol)
