Gikunhoran sa Malakanyang ang buhis ug silot sa mga independent power producers
MANILA, Nov. 17 (PIA)–Gipahibalo sa Malakanyang kagahapon nga gilagdaan na ni Presidente Benigno ‘Noynoy’ Aquino III ang Executive Order nga nagtugot sa pagpakunhod ug condonation sa real property taxes ug interest/penalties alang sa mga independent power producers (IPP).
Matud pa ni Kalihim Herminio Coloma Jr. sa Presidential Communication Operations Office (PCOO) nga ang Executive Order 173 naglangkob sa mga real property taxes ug interest/penalties nga gi-assess sa power generation facilities sa IPPs ubos sa build-operate-transfer contracts tali sa government-owned and/or -controlled corporations.
Matud pa sa maong executive order, ang real property taxes nga gipahamtang sa mga local government units (LGUs) alang sa tanang tuig taman 2014 kalabot sa property, machinery, and equipment nga direktang gigamit sa IPPs alang sa produksyon sa elektrisidad ubos sa build-operate-transfer contract, kunhoran sa kantidad nga kapareho sa buhis nga bayronon sa computed date sa assessment level nga 15% sa fair market value sa maong property, machinery ug equipment nga gi-kubos sa 2% per annum kuhaan sa kantidad nga gibayran na sa IPPs.
Gipasabot ni Coloma nga kini aron mapugngan ang bisan unsa mang utang gikan sa parte sa National Power Corporation nga makaingon unya sa pagsaka o pagsuyak sa kantidad sa kuryente.
Gilagdaan ni Presidente Aquino ang maong EO niadtong October 31, 2014.
“The same executive order also stated that “all fines, penalties, and interest on such deficiency, real property tax liabilities are also hereby condoned and the concerned IPPs are relieved from payment thereof,” dugang pa ni Coloma. (PCOO)
