Giya sa pagsul-ob og PPR, gipagawas sa WHO
MANILA, Nov. 20 (PIA)–Nipagawas ang World Health Organization (WHO) Philippines og giya sa pagsul-ob og personal protective equipment (PPE) nga proteksyon sa makamatay nga Ebola virus.
Kini taliwala sa mga pagsaway nga nadawat nila Department of Health (DOH) Acting Secretary Janette Garin ug Armed Forces of the Philippines (AFP) Chief of Staff Gregorio Catapang sa pagbisita niini sa mga peacekeeper nga naka-quarantine sa Caballo Island nga wala nagsuot og protective gear.
Apil sa gihikyad nga guidance sa WHO Philippines ang mga mosunod:
angay isuot ang PPE kun adunay close contact sa usa ka tawo nga adunay sintomas sa Ebola virus; mahimo lang kining isul-ob sa usa ka tawo nga nipaubos sa pagbansay; limitado ang suplay sa PPE sa tibuok kalibotan ug angay lang kining gamiton kun gikinahanglan na gayud.
Gitataw usab sa WHO nga makatakod lamang ang Ebola kun adunay direct contact sa body fluids sa tawong adunay sintomas na sa maong sakit.
Una nang gi-depensa ni Garin ang wala paggamit sa PPE sa Caballo Island. (ecb/PIA7-Bohol)