MANILA, Mar. 24, 2014 (PIA)–Andam ang gobyerno sa posibleng pagpanimalos o pag-atake sa New People’s Army (NPA) human nasikop sa militar sila Benito Tiamzon, Wilma Austria ug lima pa ka rebelde sa Cebu niadtong Sabado.
Matud pa ni Presidential spokesman Edwin Lacierda, wala nila igsapayan ang himuong lakang sa NPA tungod sa pagkasikop sa mga lider niini.
“We are fully aware of the possibility and again we are ready to protect the citizenry, our population, and the armed forces are always ready to defend them,” matud pa ni Lacierda.
Si Tiamzon ang kasamtangang pangulo sa CPP ug armed wing nga New People’s Army (NPA), samtang si Austria usab ang top-ranked CPP central committee member ug finance officer.
Wala gisupak sa militar ang JASIG o Joint Agreement on Safety and Immunity Guarantees nga gilagdaan tali sa GPH ug CPP-NPA-NDF niadtong 1995 sa pagkasikop nilang Tiamzon.
Matud pa nga walay kamatuoran ang gipahayag ni exiled Communist Party of the Philippines (CPP) founder Jose Ma. Sison nga iligal ang pagsikop nilang Wilma ug Benito.
Giingong dili kini ang unang higayon nga nireklamo si Jalandoni nga gisupak sa militar ang JASIG tungod kay kanunay man kini moreklamo matag adunay masikop nga mga lider nga komunistang grupo ang militar.
Matud pa nga kumpiyansa ug nagtuo ang GPH nga walay gisupak ang JASIG sa maong hisgotanan. (PIA7-Bohol/ECB)