MANILA, Jan. 22, 2014 (PIA)–Giseguro sa gobyerno nga padayon ang pag-abag sa Embahada sa Pilipinas sa mga Pilipino sa Malaysia taliwala sa paggukod sa Malaysian government sa mga illegal immigrants.
Matud pa ni Raul Hernandez, ang tigpamaba sa Department of Foreign Affairs (DFA) nga kapin sa 5,000 ka Pilipino na ang mipaubos sa voluntary repatriation program sulod sa tulo ka buwang deadline nga gihatag sa Malaysian government.
Base sa taho sa Bernama, gisulod na sa mga Malaysian enforcement personnel ang nagkalain-laing mga dapit sa mga overstaying ug illegal foreign workers.
Halos 500 ka illegal immigrants na ang nadakpan sa Kuala Lumpur diin kadaghanan niini gikan sa Indonesia, Bangladesh ug India. (PIA7-Bohol/ECB)